TSAITONG-KAXTONG 7:6 - OTSAO BAIBEL (BSI)

⁶ Hünzom a Jowanpa, hünzom Zang kux changpu, idaile hünzome ile mokkox. Chaxwannu khünak nüjen kha angkya hünzom a Jowanpae chix khünaknu ang zünle kopkya jat-li changle.

TSAITONG-KAXTONG 7:6 ပူးပေါင်းရင်းမြစ်များ

TSAITONG-KAXTONG 14:2

Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

MALAKI 3:17

Jowanpae thüi: “Hwom a ku khünaknu ang changüi. Chemtue kue moküihex, ija nyix a hwom ku mamixbu ang changüi. Ma thothale tüikya su-sa hwome honu-hopae chingchale tüikya ningle kue chu hwom to chingchakya tüiüi.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

TSAITONG-KAXTONG 26:19

Chixe hünzom a, chixe zingkya mama jat-libu pangwüi thak to achongkya ang zingüi, ilaxle hünzome chix mün achuak-achenle changüi. Chix kaxtsao ningle hünzom a chix khünaknu ang changüi.”

JEREMIA 2:3

Israel, nang a ku tata kux changle; nang a ku otsao tüi jaojao changhupu. Kue sikngün zothup ahüipu nang to chakmok janlangle changkyabu pangnu hato. Jowanpa, kue akaxdaoa.”

AMOS 3:2

“Zangfang angkya jat-li pangnu kha angkya, kue awankya tamchu humele hüikya a hünzom tix changpu. Hünzom ochaxe ipongpong ziama ang tompu, ikhoma, ibu hama, kue hünzom ang sikngün fa angkya wüi changle.”

MÜNCHUAK-TSAI 50:5

Chixe thüi: “Ku to mongong thomkya ku khünaknu asoxhüi, tö hia danbu koxkya makhange ku füi Tsaotsüt laxkyabu a.

2 PITAR 2:5

Zange kaipongkya chaxwannu to ngaxchu chiakhex, ikoxle Zang chilax homtoxle ngokya chaxwannu angkya khunaknu hato tinu mualyemkya apüi; otsao bama kaxho apukkya mix Noa boma hwom mixhuak anüt wüi azang ang tom.

TSAITONG-KAXTONG 28:9

“Hünzome Jowanpa, hünzom Zang kax ma laxle jangtüiba tamchu chix kaxtom pangwüi mokle jangchangba, chixe tsaodaokya ningle, chixe hünzom a chix khünaknu ang zingüi.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

WANGSHEMBU MWOT 13:17

Ibibi Israel khünaknue shwomkya Zange kem putong hwom zünle kop, üntoxle mixnok chaxwan Ijip to ngotanto Zange hwom chongkya jat tuita ang achang. Chix tsakzong chongkya füi chixe hwom Ijip angkya alaile pao,

ROM NOK HATO ZAKYA POL LAIZA 9:4

Hwom a Zange zünle kopkya khünaknu changle; chixe hwom chixsu chixsabu ang achang ilaxle chix fuazangkya hwom füi tom-han, chixe hwom füi tsaosax ilaxle wanlom kox; changle, chix shwom angkya olom Zange hwom hama aho; hwome Zang kaxtsaobu kop;

LAIPAO 6:7

Kue hünzom ku khünaknu ang achangüi ilaxle ku a hünzom Zang ang ngoüi. Chemtue kue hünzom Ijip nok da ang ngokya chak tokya danle changüihex, ipongma hünzome ku a Jowanpa hünzom Zang changpule awan ang kopüi.

TSAITONG-KAXTONG 4:20

Ikoxle hünzom a Ijip nok to lekya okham-wün chak tokya chix azünkya changle. Anyixkya lailaile chix khünaknu ang lax ang chixe ikhatokya alaipu.

TSAITONG-KAXTONG 14:21

“Hwom zikzik to zikya müi chemchu taxsax. Hünzom füi tomle ngokya püntüibu ang ibu sax ang koxtsuak, chichangba ija owawa mama mixnok ang hangle koxtsuak. Ikoxle hünzom a Jowanpa hünzom Zang kux changle; hünzom a otsao khünakbu changle. “Honu tsomsiple ngokya chun hosa chichangba zwonsa taxhuak.

TSAITONG-KAXTONG 26:18

Chixe hünzom füi tsaosaxkya lailaile, Jowanpae anyix hünzom ma khünaknu ang pongle laxdaoa; ilaxle chix wanlom pangwüi kax ma laxle ngo angkya chixe hünzom ang kaxtom koxle.

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

1 WANGHOMBU 3:8

Ku a, nange mamix ang zünle kopkya khünaknu, e-ang chithole tüikya khama tüile.

ISAIA 6:13

Bün kha angkya khünak tuita ngaxchu ngole jangchang, chix ngaxchu max ang tomüi; chix a zakpünnu tongtho ningle achangüi.” (Püntongtho a Zang khünakbu chatle owang wangkya münwan)

ISAIA 41:9

Kue hünzom haxtua-zangnam tokya apüipu; kue hünzom ochu tokya nyakle apüipu ilaxle hünzom ang thüipu, ‘Hünzom a ku dapabu changle.’ Kue hünzom chilaxle chiawüt, ikoxle zünle mix koppu.

ISAIA 62:12

Hünzom ang a “Zang Otsao Khünakbu”, “Jowanpae Sünle kopkya Khünakbu”, le a. Jerusalem ang a “Zang-e Mongkünkya Tingnu”, “Zang-e awütle Chitoxkya Tingnu”, le nyaküi.

LIWI 20:24

Ikoxle kue ija tüle ahak-aluale tamchu haxzaoe awangle tüikya haxtok hünzom hanpak hex-ole tsaodaoa, ilaxle kue ija hünzom ang koxüijao changle, kue hünzom mama-mama jat-li füi atsaile süile kopdaoa.

LIWI 20:26

Hünzom a otsao tamchu ku kux ang changüi, chemthüikoxle ku a Jowanpa tamchu ku a Otsao. Hünzom a ku tata kuxle naxngo lax ang kue mixjat-mixli pangnu füi süile thompu.

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

1 SAMUEL 12:22

Jowanpae hünzom a chix khünaknu ang achang angkya tsaosaxdaoa, üntoxle mongzangwünle tsuakdaoa.

IZRA 9:2

Jehudi lükabue mixnokchabu kako ang laxle apüi, ikhoma Zang otsao khünakbu chitsaokya ang achang. Ija ma akhole thaikyabu a lompabu tamchu nguakax-wangkhobu changkya.

MÜNCHUAK-TSAI 114:2

Judah a Jowanpa otsao khünakbu ang achang, Israel khünakbu a chix kux ang achang.

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

ISAIA 41:8

“Ikoxlechu hünzom, Israel nok ku dabu, hünzom a kue zünle kopkya khünakbu changle, ku zuikhui Abraham su-sa hwom a.

EZEKEL 20:5

Kue hwom füi akax ngokya kax hwom hama wünkox. Chemtue kue Israel zünle koppuix, kue hwom füi tsao tuita sax. Kue hwom hato Ijip nok to ku ngaile aho laxle akaxpu: Ku a Jowanpa, hünzom Zang changle.