TSAITONG-KAXTONG 7:25 - OTSAO BAIBEL (BSI)

²⁵ Hwom chapabu zokle ashundao. Hwom ma tüikya hun hia khopbu to osingkya taxtüi, ilaxle ibu hünzome makux ang taxlax. Hünzome ile jangmok ija a hünzom zongto tuita thama ang changüi, chemthüikoxle Jowanpae chapa to shwomkya thua anule.

TSAITONG-KAXTONG 7:25 ပူးပေါင်းရင်းမြစ်များ

LAIPAO 32:20

Chixe Israel khünaknue baozangle shwomle ngokya maihupong mua tswonle lax, ija achuk, okhix ang achangle thu ilaxle ija ti füi awon chixe ija Israel khünaknu ang aling.

1 PUKAX-PANGAO 14:12

Filistia nok zikle paoüima, hwome chapabu danle tox, ikhoma Dawid-e ibu zokle ashun angkya kax kox.

TSAITONG-KAXTONG 17:1

“Hünzome Jowanpa hünzom Zang ang hünzom osu-maihu hia chunbu, makman füikya tö koxle taxchang; Jowanpa a ija ningkya thua anule.

JIHUSUA 7:21

Kwome tingtakle kopkya tuina khama kue Babilon nok nyimüi, khopjan tuak anyi tukux ilaxle hun dwon tuak ta tukux, ku mik-hu ma tüle mikzalole ngünlaxle, kue laxsele osingkya khoma ibu kople thomkoxa. Hünzome ibu ku nyihom mong ma othongchi ma khop-jan sholaxle akhünle thomkya ataküi.”

TSAITONG-KAXTONG 12:3

Ibu tö-tsapbu pündao ilaxle otsao longlo le küile thomkyabu pangwüi thuple akhixdao. Baozangchanu Asherah mua zokle ashundao ilaxle hwom chapabu dakle anguak dao, ikhato ibu to tamchatle chishwom angkya hanpakma olithule amütdao.

ISAIA 30:22

Hünzome hünzom chapa khop füi zingle alaikya üntoxle hun füi chwople zingkya, ibu chapabu kopüi ilaxle “Ku mike ngünle taxngo!”, le akhongkya füi awütüi.

JIHUSUA 7:1

Jowanpae Israel khünakbu ang Jeriko tingnu angkya amüt angkya oli chemchu taxlax-ole thüikya kaxtom kax ma hwome chilax. Akhan le amünkya mixsün tuitae ija kaxte, ikhoma Jowanpa ang Israel nok füi tüle mongtsik-mongma. (Akhan a Karmi sasün Zabdi hosu Judah homjen Zerah saxthom angkya changkya.)

TSAITONG-KAXTONG 23:18

Anaole chu tuita tsaotsüt tsangthom hanpak ang iningle ma tsangtsa hang laxle kopkya ngun-jan Jowanpa hünzom Zang hom to chiapüiüi. Jowanpae zangshwom-hom ma tsangtsa hangle ngokya thua anule.

TSAITONG-KAXTONG 7:5

Idaile ibu hwom baozangbu to shwomkya onuibu pünle awütdao, hwome otsao long le longthong küile thomkyabu thuple akhix dao, hwom baozang Asherah omua texle amadao, ilaxle ibu chapabu zokle ashundao.

MIKNGÜN-OHÜN 17:5

She khangpong ma huxsa zangwün füikya mün tuita ile zale tüikya: “Achongkya Babilon a chaxwannu ma chinunchakkaile tüikyabu hia nushix dongkya mwot-kat honu changle.”

ZEFANIA 1:3

müi-hi-mix pangwüi, o hia nyax pangwüi. Kue chichangchizangle tüikya khünakbu hato düt angkya hanpak apüile faüi. Kue noknusa amütüi, ota tuita chu müntoxüi. Ija Jowanpa kue akaxdaoa.

TSAITONG-KAXTONG 7:16

Jowanpae hünzom ang lüt ang tomkya hünzom zanpabu pangwüi amütkox, hwom to ojao chingcha taxaho. Hwom baozangbu to taxshwom, chemthüikoxle ija a mawüt masan ang changüi.

LAIPAO 8:26

Mosa-e lan: “Ija ile mokkoxle münasuüi, chemthüikoxle Jowanpa kwom Zang ang kwome müi langle tö koxkya makhange Ijip nok wanlom zongto thaile bangüi. Hwom zongma amakya oja kwome hwom mikngün ma müilang laxle tö koxüihex, ile jangchangba hwome kwom to longfüi thuple langüi.

LAIPAO 20:17

“Mixkux-mixka to za-taxlo; mix kakonu, mix da, mix tsom-pom, chichangba mixtui-mixna chemtochu osingkya taxtüi.”

TSAITONG-KAXTONG 13:16

Ikhama ngokya khünaknu tuina komkaile afoxlaxle tingtan mong ma athünkox. Ilaxle Jowanpa hünzom Zang ang tuita tö koxkya ningle, ija tingnu tamchu ima atüitüi komkaile zokle ashundao. Ija a tamchatle zingkya chitüile othuithui hanpak ang thom-mwonle naxngo.

2 WANGHOMBU 23:14

Wanghompa Josiah-e küikya longlo thuple ashix, baozangchanu Asherah chapa dakle anguak, ilaxle ibu küile tüikya haxsha a khünak zabue awang ang tom.

LIWI 13:52

Ija kak a swotkya nyi ma wüi tüilax chichangba takkya nyi ma wüi tüilax, munyi wüi changlax chichangba painyi wüi changlax chichangba müikhwon füi zingkya oli wüi changlax; ija a ngwon kak tsale ngokya daile chixe manyi-maza wün to zokle ashun angkya oli changle.

LIWI 19:4

“Ku awüt toxlaxle chapa to taxshwom; khop hia jan füi chapa zinglaxle ibu to shwomle taxchang. Ku a Jowanpa hünzom Zang changle.

TSAITONG-KAXTONG 27:15

“‘Long hia pünbu füi chapa zinglaxle huxsa ma ibu to opange shwomle changlaxpuix, hwom to Zang-e thuakzomle changkox; Jowanpa a chapa shwomkyabu thua anule.’ “Ilaxle khünaknue lanüi, ‘Amen!’

ISAIA 41:24

Hünzom tamchu hünzome mokkya tütachu chichang; hünzom to shwom-tole changkyabu a nushix dongkyabu changle!