TSAITONG-KAXTONG 7:21 - OTSAO BAIBEL (BSI)

²¹ Idaile khünaknu ibu thua taxza. Jowanpa hünzom Zang hünzom füi tüile; chix a tüle chongkya Zang changpu ilaxle chix thua tix za angkya changpu.

TSAITONG-KAXTONG 7:21 ပူးပေါင်းရင်းမြစ်များ

NEHEMIA 9:32

“O Zang, nang kwom Zang, nang a chemtukux chongpuix! Chemtukux za-adünle, chemtukux tsak-zongle tüipuix! Nange chialekya mogong füi nange tsaokyabu kaxfün otya ma thom. Asiria nok wanghombue kwom to zothuple changkya tokhange, athax kople, kwom chemtukuxle sikngünle hüidaopuix! Kwom wanghombu, kwom lompabu, kwom nguapabu hia ajebu, kwom putong hwom, ilaxle kwom khünaknu pangwüi sikngünle hüidaoa. Kwome chemtukuxle sikngün apongle hüidaopuix texle atak-hu!

NEHEMIA 1:5

“Ding hia Hax Jowanpa! Nang a tüle chongle ilaxle kwom a nang thua zale ajongpu. Nang to mongkünle hia nang kaxtom kax ma laxle tüikyabu füi nange nang Tsaotsüt otya ma thompu.

TSAITONG-KAXTONG 10:17

Jowanpa hünzom Zang a baozangbu pangwüi thakma achongkya tamchu pangwüi thakma chatsak-muazongle tüikya Zang changle. Chix a tüle chongle tamchu athakle tüile, ikhoma chix chathua a za angkya wüi changpu. Chixe masüi-mixlüile münchang tamchu zuizun münlax.

JIHUSUA 3:10

Hünzome alople hüikya zuma chixe Kanan nok, Hit nok, Hip nok, Peri nok, Girga nok, Amor nok ilaxle Jebu nok; ibu pangwüi jwonle apao angkya changle. Khüzün Zang a hünzom khama womle tüile le hünzome awan ang kopüi.

NEHEMIA 4:14

Kue khünaknu mongthang ngokya ngün ang kop, ikhoma kue hwom lompabu hia alixachongbu füi akax: “Kem zanpabu thua zale taxngo. Zang chemtukux chongkya tamchu za-adünkya hex, texle ataklax, ilaxle hünzom ma-mixbu, hünzom naosombu, hünzom kakonubu, tamchu hünzom homkha hanpak ang azankox.”

1 KORIN 14:25

chix huxsa mongjang ko to angaiüi, ilaxle “Otsing tomtata ma hünzom khama ikhama Zang tüile”, le angaile chix akhuxlaxle Zang to shwomüi.

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

MÜNCHUAK-TSAI 46:5

Zang a ija tingnu ma tüile, ilaxle ija a otuechu münmaüi; huazungle zangngai sheme wüi ija to asun ang chix nguiüi.

2 PUKAX-PANGAO 32:8

Chix ma khünak janzüi tüiwüi, ikoxle kem ang a, kem hanpakma azan angkya Jowanpa, kem Zang tüipu.” Hwom wanghompa-e pünzün-wangsaikya kax ibu atatlaxle khünaknu ang mongchong.

1 SAMUEL 4:8

Ibu tsak-zong füikya baozangbu chak tokya kem owae azünüi? Ibu a sak-hax to Ijip nok langle awütkya baozangbu changle!

TSAITONG-KAXTONG 25:8

Ifüima tingsho angkya lompabue ija mixsün selaxle chix füi akaxüi. Chixe she münlaxpule jangthüi:

HUAKE LAIPEX 23:21

Israel khünaknue füichima Shoma hia sikngün münapongüile kue ngünle tsuakle. Jowanpa hwom Zang a hwom füi tüile; Hwome chix a hwom chongwangpa changpule khuapule.

HUAKE LAIPEX 16:3

Hwom Mosa hia Arun nyi zui ma asox ilaxle thüi: “Hünkhi a müimama lüwüi ziakaile leüna! Tunu angkya noknusa wüi Jowanpa kux changle, ilaxle Jowanpa a kem pangnusa füi tüipu. Jangchangba, Mosa, nange, Jowanpa khünakbu thakma akhokya nang tata wüile büthüikya ma texlaxpu?”

HUAKE LAIPEX 14:42

Taxka, Jowanpa a hünzom füi müntüi ilaxle hünzom to zan-noke wüi lütüi.

HUAKE LAIPEX 14:14

hwome ija Kanan haxtok ma ngole tüikyabu hato wünle apuküi. Ibu khünake kaiwüi nang kwom füi womle tüikya tamchu nang zangfwom kwom khangkho ma zakle changpongma tsaothale nang ngün ang kopkya tamchu nang kwom thothoma anyixningle thong lailaikya zangfwom ma ilaxle ajaning a wün lailaikya zangfwom ma kwom khangkho ma ahamkya ozing noke wüi atatle hüidaoa.

HUAKE LAIPEX 14:9

Jowanpa to kaxthup-ngaotünle taxchang-ngo tamchu ikhato tüikya khünakbu thua kem za-ngo angkya oli münchang. Keme ochwonpai ma hwom to lüt ang thoüi. Jowanpa kem füi tüile ilaxle hwom kho-awale ngokya baozangbu to chixe wüi anao angkya changle, idaile ojao taxza.”

HUAKE LAIPEX 9:20

Tamtampong a Nyihom tok ma zangfwom hanpak hidaole wüi ngo; tütale wüi chang koxlax, hwom pom ma nui angkya hia achex angkya hwome Jowanpa kaxtom ma tix tsuak.

LAIPAO 29:45

Ku Israel khünaknu füi tomle ngoüi, ilaxle ku hwom Zang ang ngoüi.

MÜNCHUAK-TSAI 47:2

Khüthak Jowanpa thua a za-angkya wüi; chix a zangfang pangnu apünkya chongwangpa changle.

MÜNCHUAK-TSAI 68:35

Chix otsao ngwotnui angkya nguipongma Zang ngünlaxle chemtukuxle mong anyonkya tüipuix: Israel nok Zang nguipongma a! Chixe chix khünaknu ang janzüi hia tsak-zong kox. Zang achuak kox!

DANEL 9:4

Kue Jowanpa ku Zang to zangjop ilaxle ku khünaknu ochaxbu bama thailak tüihüile ju. Kue thüi: “Jowan Zang, nang a chongkya changle, ilaxle kwome nang achuak-achenpu. Nange nang kaxtsao bama chialekya mongong füi ngo ilaxle nang to mongkünkyabu hia nang kaxtom kax ma laxle tüikyabu hato chizakle mongkün aho.

HUAKE LAIPEX 21:34

Jowanpae Mosa ang thüi: “Chix thua taxza, kue hünzom ang chix to, chix khünakbu to tamchu chix haxtok to anao ang tomüi. Heshbon makhange apünle ngokya Amor nok wanghompa Sihon to hwonkya lailaile chix to chuwüi hwonkox.”

TSAITONG-KAXTONG 20:1

“Chemtue hünzom zanbu füi azan ang laipuix tamchu hünzom ma tüikya füi süluile man-kanlin hia manbu tamchu süpahibu hünzome ngünle laxpuix, ibu thua hünzom za-ngo angkya münchang. Jowanpa hünzom Zang, owae hünzom Ijip nok chak tokya khosünle apüipuix, chix a hünzom füi tüile.

TSAITONG-KAXTONG 31:17

Chemtue ija changle hüiüihex, ku hwom füi mongtsiküi; kue hwom danle toxüi ilaxle hwom a max ang tomüi. Tüle za-adünkya thamabu hwom hato hüiüi. Ifüimatix ibue ku hwom Zang hwom füi womle chitüikya khoma ibu ile changpule tsingle awan ang kopüi.

JIHUSUA 8:1

Jowanpae Jihusua ang thüi: “Süpahi pangwüi laxlaxtox ilaxle Ai tingnu hato donglax. Nang ojao taxza chichangba mong taxhi. Ai nok wanghompa to kue nang ang lüt ang tomüi; chix khünaknu, chix tingnu, chix haxtok pangwüi nangkux ang changüi.

MÜNCHUAK-TSAI 27:1

Jowanpa a ku zangngai üntoxle ku khosün changpu; ku owa thuachu münzapu. Jowanpae thama pangnu chak tokya ku azün; ku chemtuechu münzapu.

MÜNCHUAK-TSAI 46:6

Jat-libu a abüt-abanle, wangtingbu a abünle; Zang atsak-adung, ilaxle chaxwannu achuk.

MÜNCHUAK-TSAI 89:8

Jowanpa Khüthak Zang, nang lailaile tsak-zongkya owachu müntüi; O Jowanpa, nang a pangnuli to chialekya mongong füi ngopu.

MÜNCHUAK-TSAI 95:3

Chemthüikoxle Jowanpa a akhokya Zang changle.