TSAITONG-KAXTONG 7:2 - OTSAO BAIBEL (BSI)

² Chemtue Jowanpa hünzom Zang-e ibu hünzom chak to koxle changüihex tamchu ongai hünzome hwom to lütle changüihex, ipongma hünzome hwom pangwüi mik amüt angkya changle. Hwom füi tomsax-tommok angkya tsaotsüt taxtüi chichangba chingcha ahole taxchang.

TSAITONG-KAXTONG 7:2 ပူးပေါင်းရင်းမြစ်များ

KAXFÜNPA-HWOM 2:2

Ija haxtok ma tüikya khünak owa füichu hünzome Longzale kaxfün chizingüi. Hünzome hwom baozang to shwomnui angkya tö-tsapbu ama angkya changle.’ Ikoxle kue hünzom füi akaxkya hünzome chemchu chimok. Hünzome ija füi opüipüi mix mok!

KAXFÜNPA-HWOM 1:24

Ija mixsüne khünak tuita laile paoüi ngün. Ija mixsüne chix ang thüi: “Kwome nang to chem münthüipu, kwom hama tingnu to ngui angkya lom awanle fahüi.”

JIHUSUA 10:30

Jowanpae ija tingnu to chuwüi Israel nok ang lüt ang tom. Hwome tuita oli danle chitox ikoxle ikhama atüitüi bakle lang. Jeriko nok wanghompa to chemle hwonpuix ilailaile ija nok wanghompa tochu hwome hwon.

JIHUSUA 2:14

Hwome she ang thüi: “Kwome akax daokya kax jangthai thüiningle Zang-e kwom mik naxamütkox! Kwome chempang mokdaopuix ija owa hamachu chiwünle jangthom tsuak, kwome thüipu, chemtue Jowanpae kwom ang ija haxtok koxle changpuix, ipongma kwome hünzom khosünle kopüi.”

TSAITONG-KAXTONG 23:14

Hünzom pom a zanglom ma tsaothale thomlax, chemthüikoxle Jowanpa hünzom Zang a hünzom füi tomle pom ma, hünzom kho awa ang tamchu zan-nok to hünzome wüi anao ang tom angkya hanpakma hünzom füi womle tüile. Jowanpae hünzom hato tok ahole anong paokya li chisax-chisukya mwot chemchu taxmok.

2 SAMUEL 21:2

Gibeon nok a Israel nok chichang; hwom a Amor nok hidaole tüikya khünak othom, ilaxle Israel khünakbue hwom kho-awa angkya tsaosaxle chang, ikoxlechu Israel hia Judah khünaknu hanpakma chix ma mongtsukya tuita tüikya khomale chixe hwom pangwüi amüt ang azong.)

KAXFÜNPA-HWOM 1:4

Judah homjen zan to tomwüi ka. Jowanpae hwom ang Kanan nok hia Peri nok to lüt ang tom, ilaxle hwome Bezek ma 10, 000 khünaknu to lüt.

JIHUSUA 21:44

Hwom pupa hwom ang tsaodaokya ningle, Jowanpae hwom ang haxtok pangnu khato wüi tumüi-lomkhao le ngo ang tom. Hwom zan-nokbu tuita ngaxchu hwom füi alünle zongpan ma ajong ang chitho, chemthüikoxle Jowanpae Israel nok ang zan-nok pangwüi to lüt ang tom.

JIHUSUA 10:42

Jowanpa, Israel nok Zang hwom hanpakma azanle chang koxle, Jihusua-e ibibi haxtok hia wanghombu pangwüi zankat tamfang ma wüi kop ang tho.

JIHUSUA 10:40

Jihusua-e haxtok pangwüi lütle kop. Chixe haxhua nok wanghombu pangwüi to lüt, ilaxle handünchi haxsha nok, hannopchi haxnu chithong ma tüikya nok ilaxle shuathongchi ma haxkozan to tüikya onok, ibu pangwüi to chixe lüt. Chixe owachu danle chitox; pangwüi langle awüt. Ile chang angkya a Jowanpa Israel nok Zang kaxtom chang koxpu.

JIHUSUA 10:32

Nyix anyi-azom laxle Jowanpae Israel nok ang Lakish nok to lüt ang tom. Hwome Libnah ma mokle toxdaokya lailaile ija tingnu ma atüitüi oli tuita chitoxle komkaile amüt.

JIHUSUA 10:28

Ija nyix Jihusua-e Mekkedah nok tingtakle ija nok wanghompa kop. Tingnu mong ma chixe pangwüi mik amüt; owachu ozün ma danle chitox. Jeriko wanghompa to chixe chemle hwonpuix ija lailaile Mekkedah wanghompa to chuwüi hwon.

JIHUSUA 9:24

Hwome lan: “Alixachong, changle, kwome ile mokdao ngüna, ikoxle ija a, Jowanpa hünzom Zang-e chix dapa Mosa füi kaxtom koxle, hünzom ang ibibi haxtok komkaile koxdaoa ilaxle hünzom nguile hüikya zuma ikhato ngole tüikya khünaknu pangwüi langle awüt angkya kaxzing atatkya khoma kwome ile mokpu. Chemthüikoxle kwom hünzom thua tüle zalaxle tamchu kwome ma mik max angkya thua zalaxle ile mokdaoa.

JIHUSUA 8:24

Hwom achuale hüi ang tomlaxle Israel noke nguapabu kothofa to bakle langtsuak. Ilaxle hwom Ai tingnu to ngui üntoxle ima atüitüi pangwüi langle awüt.

TSAITONG-KAXTONG 13:8

Ikoxlechu chix ang nang jikle lax ang taxtom; chix kax to najao taxtha. Chix hato chingcha-jaja aho angkya oli jao münchang ilaxle chix kho-awale taxchang.

TSAITONG-KAXTONG 3:3

“Ikhoma Jowanpae wanghompa Og hia chix khünakbu kem chak to dan, ilaxle keme hwom pangwüi langle awüt.

HUAKE LAIPEX 33:52

ija haxtok ma tingtan-nokzing laxle tüikya khünak pangwüi jwonle apao angkya changle. Hwom kux, long hia jan füi zingle tüikya chapabu hia hwom baozang to shwomkya onuibu pangwüi amale awüt angkya changpu.

PONGWANG LAIPEX 14:20

Jowanpa Taitax Zang, owae nang ang zanbu to lüt ang tompuix, chix mün achuakpu!” Ilaxle Abram-e, chixe zanchak tokya kopkya tuina bün ma ahanlaxle othom tuita Melkizedek ang kox.

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.

HUAKE LAIPEX 31:17

Idaile athax hünzome, naosom hia shekobu opange sheko lüka atu-amaikya mwot mokle hüidaopuix, ibu pangwüi langdao.

TSAITONG-KAXTONG 2:33

ikoxle Jowanpa kem Zang-e chix a kem chak to dan, ilaxle keme chix langpu; chix sasün hwom tamchu chix khünaknu pangwüi keme langpu.

TSAITONG-KAXTONG 2:34

Ifüi tomle keme tingnubu pangwüi koplaxle ibu amüt, ilaxle khünak pangwüi, mixnu-naosa, mixmüi chemchu chisüile, komkaile langle awütpu. Keme owachu ozün ma chitox.

TSAITONG-KAXTONG 7:16

Jowanpae hünzom ang lüt ang tomkya hünzom zanpabu pangwüi amütkox, hwom to ojao chingcha taxaho. Hwom baozangbu to taxshwom, chemthüikoxle ija a mawüt masan ang changüi.

TSAITONG-KAXTONG 19:13

Chix to chingcha aho angkya jao münchang. Ija mix mik amütdaokya khünak füi Israel khünakbu a atsaile ngo angkya changle. Ile changkox tix hünzom a kuimüi zangmale ngo ang thoüi.

TSAITONG-KAXTONG 25:12

ija mixcha to chingcha angkya jao münchang. She chak texle awütdao.

TSAITONG-KAXTONG 31:5

Jowanpae ibu to hünzome wüi lüt ang tomüi, ilaxle hünzome hwom to, kue hünzom füi chemle akax daopuix, ile wüi hwon angkya changpu.

TSAITONG-KAXTONG 33:27

Zang a othuithuima hünzom ziakop mix ang ngole hüi; oshuk chitüikya chix chak a hünzom juafong ang. Hünzom nguikya füi shemle chixe zan-nokbu jwonle apao, ilaxle ibu pangwüi olithule amüt angkya nang füi akax.

JIHUSUA 9:7

Ikoxlechu Israel noke lan: “Kwome hünzom füi chemkhoma muamüile pongsax angkya tüipu? Owatsing hünzomchu tomzi nok wüi changtüilax.”

IZRA 10:3

Athax kwome Zang tunthoma ibu shekobu hia naosom apao angkya shingmongle tsaotsüt angkya changle. Nang üntoxle Zang kaxtom kax ma laxle tüikyabue kwom ang adangle fakya kwome moküi. Zang Wanlom ma chemle tüipuix ile kwome moküi.

MÜNCHUAK-TSAI 106:34

Hwome songsaribu mik chiamüt. Jowanpa a hwom ang ibu amüt angkya kaxtom koxle thomdaokya,

HUAKE LAIPEX 21:2

Ifüima Israel khünakbue Jowanpa füi tsaotsüt: “Nange kwom ang ibu nok to lüt ang jangtom, hwom amütüi ilaxle kwom nang chak to atsaole koxüi.”

TSAITONG-KAXTONG 9:3

Ikoxle athax hulax, Jowanpa hünzom Zang a wünnu dongkya lailaile hünzom thoto achale leüi. Hünzom hüikya zuma chixe hwom to lütüi, ile chixe tsaosaxkya lailaile ochwonpai ma hünzome hwom jwonle apao ang tamchu amüt ang thoüi.

TSAITONG-KAXTONG 13:9

Hwom langle awütkox! Hwom to longfüi thup angkya owang lükya mix ang nang changkox, ilaxle pangnusae wüi azuile thup ang tomkox.

JIHUSUA 11:8

Jowanpae ibu to Israel noke wüi lüt ang tom; Israel nok hwom to single shuakuxchi Misrefoth Maim hia Sidon alople jao achua, ilaxle handün chito Mizpah haxsha alople jao achua. Zan nok tuita ozün ma chitoxle ma-amüt tanto hwom chizakle azan.

1 WANGHOMBU 20:34

Benhadad-e chix ang thüi: “Hünpa angkya ku apae laxkya tingnubu kue nang ang wüi achatle koxfang. Apa-e Samaria ma zingkya ningle nangechu Damaska ma thalex-juatai nui zing ang tsuak.” Ahap-e lan: “Ija zangwün otsing tomtata jangchang thüiningle, kue nang a danle apaoüi.” Chixe Benhadad füi nokmüi zing ilaxle danle apao.