TSAITONG-KAXTONG 7:18 - OTSAO BAIBEL (BSI)

¹⁸ Hwom thua taxza; Jowanpa hünzom Zang-e Ijip nok wanghom hia chix khünaknu hanpakma chempangle mokdaopuix ibu texle ataklax.

TSAITONG-KAXTONG 7:18 ပူးပေါင်းရင်းမြစ်များ

MÜNCHUAK-TSAI 105:5

Hünzom Abraham, chix dapa sixli hwom; hünzom Jakop, chixe zünle kopkya, sixli hwom: Zang-e mokkya ohünotün mwotbu ilaxle chixe hünzom ang koxkya kaxfünbu texle ataklax.

TSAITONG-KAXTONG 31:6

Mongtex tüilax tamchu mongchonglax. Hwom thua ojao taxza. Jowanpa, hünzom Zang, chix jaojao hünzom füi tüiüi. Chixe hünzom mün-ale tamchu danle müntox.”

MÜNCHUAK-TSAI 77:11

Nang mwot tüpong-tüpongkyabu kue texle ataküi, O Jowanpa; Kaitanto nange mokkya ohünotün mwotbu kue texle ataküi.

TSAITONG-KAXTONG 1:29

“Ikoxlechu kue thüipu, ‘Ibu thua taxza.

MÜNCHUAK-TSAI 78:11

Chixe chem mokdaolaxpuix ibu hwome alakle asam, hwom mike ngünle chixe mokkya ohünotün mwotbu a.

KAXFÜNPA-HWOM 6:13

Gideon-e chix ang thüi: “Alixachong, Jowanpa kwom füi jangtüiba anyix kwom to ile büthüikoxle chang-ngopu, le kue nang ma atüikoxle? Ijip nok tokya hwom alai pongma Jowanpae mokkya ohünotün mwotbu bama apu-apa hwome kwom hama wünle apuakya a chemningkya pang? Jowanpae kwompi awütdaoa ilaxle Midi nok chak to maxsax-ole dantoxdaoa.”

TSAITONG-KAXTONG 3:6

Heshbon angkya wanghompa Sihon tingnubu to chemle hwonpuix, ija lailaile ibu tingnubu chuwüi keme ama ilaxle mixnu naosa, lüka mixmüi pangwüi langle awüt.

TSAITONG-KAXTONG 20:1

“Chemtue hünzom zanbu füi azan ang laipuix tamchu hünzom ma tüikya füi süluile man-kanlin hia manbu tamchu süpahibu hünzome ngünle laxpuix, ibu thua hünzom za-ngo angkya münchang. Jowanpa hünzom Zang, owae hünzom Ijip nok chak tokya khosünle apüipuix, chix a hünzom füi tüile.

HUAKE LAIPEX 21:34

Jowanpae Mosa ang thüi: “Chix thua taxza, kue hünzom ang chix to, chix khünakbu to tamchu chix haxtok to anao ang tomüi. Heshbon makhange apünle ngokya Amor nok wanghompa Sihon to hwonkya lailaile chix to chuwüi hwonkox.”

TSAITONG-KAXTONG 1:30

Jowanpa, hünzom Zang-e lom azuiüi. Ijip nok to hünzome ngünle hüidaokya ningle hünzom hanpakma chix azanüi. Chixe iningle mokkya hünzome Ijip nok to ngünle hüidaoa

TSAITONG-KAXTONG 31:5

Jowanpae ibu to hünzome wüi lüt ang tomüi, ilaxle hünzome hwom to, kue hünzom füi chemle akax daopuix, ile wüi hwon angkya changpu.

JIHUSUA 8:1

Jowanpae Jihusua ang thüi: “Süpahi pangwüi laxlaxtox ilaxle Ai tingnu hato donglax. Nang ojao taxza chichangba mong taxhi. Ai nok wanghompa to kue nang ang lüt ang tomüi; chix khünaknu, chix tingnu, chix haxtok pangwüi nangkux ang changüi.

MÜNCHUAK-TSAI 77:12

Nange mokdaokya pangnu bama kue ajangüi; Chongkya nang mwotbu otua kue lomüi.