TSAITONG-KAXTONG 7:1 - OTSAO BAIBEL (BSI)

¹ “Jowanpae hünzom a, hünzome kop angkya haxtok to apüiüi, ilaxle chixe ikha tokya jat-libu jwonle apaoüi. Chemtue hünzom soxle nguiüihex, chixe hünzom füi süchongkya tamchu tsak-zongle tüikya jat-libu anüt jwonle apaoüi; ibu a: Hit nok, Girga nok, Amor nok, Hip nok ilaxle Jebu nok le changüi.

TSAITONG-KAXTONG 7:1 ပူးပေါင်းရင်းမြစ်များ

TSAITONG-KAXTONG 31:3

Hünzom thoto achale Jowanpa hünzom Zang, chix jao paolaxle ikhato ngole tüikya jat-libu amütüi, ikoxle tix hünzome ija haxtok koptsuak angkya chang koxle. Jihusua a hünzom lompa ang changüi, ija a Jowanpa kaxtom changle.

WANGSHEMBU MWOT 13:19

Chixe Kanan haxtok angkya jat-li anüt max ang tom üntoxle ija chaxwan ma chixe ma khünaknu ho-ali punyi zangpua tukux hopunu ang achangle thom.

TSAITONG-KAXTONG 4:38

Hünzom süsox-süsoxle soxle hüikya zuma, chixe hünzom füi süchong tamchu tsak-zongle tüikya jat-libu jwonle apao, ikoxtix chixe hünzom ang ibu haxtok kox ang tsuak angkya daile, ija haxtok a athaxchu hünzom haxtok hex-olejao ngo angkya changpu.

TSAITONG-KAXTONG 20:1

“Chemtue hünzom zanbu füi azan ang laipuix tamchu hünzom ma tüikya füi süluile man-kanlin hia manbu tamchu süpahibu hünzome ngünle laxpuix, ibu thua hünzom za-ngo angkya münchang. Jowanpa hünzom Zang, owae hünzom Ijip nok chak tokya khosünle apüipuix, chix a hünzom füi tüile.

TSAITONG-KAXTONG 9:1

“Israel khünaknu, apalax! Anyix hünzome Jordan shuanu tale lelaxle hünzom füi ngaxchu süchongkya tamchu sütsak-süzongle tüikya jat-libu chaxwan le ngole hüikya haxtok hünzome laxüikhakha. Hwom tingnubu a tüle chongle ilaxle hwom panbu a zangkho to thule long füi tuklaxle tüile.

TSAITONG-KAXTONG 9:4

“Jowanpa hünzom Zang-e hünzom hanpak ang ibu jwonle apao füima, hünzome ija haxtok kopkoxle asule tüikya khoma chixe hünzom ikhato ngui ang tompule hünzom taxakax. Ile münchang, ikoxle hwom a chichang-chizangle tüikya khoma, Jowanpae hünzom hanpak ang hwom jwonle apao ang thüipu.

LAIPAO 33:2

Nang lom azüi ang kue kaxtaimix tuita ahüiüi, ilaxle kue Kanan nok, Amor nok, Hit nok, Peri nok, Hip nok ilaxlechu Jebu nok jwonle apaoüi.

MÜNCHUAK-TSAI 78:55

Chix khünakbu nguikya füi tomle ikhato ngokya khünakbu chixe jwonle apao; chixe ija haxtok Israel nok saxthom-homjen bama ahanle lax ang tom ilaxle chix khünaknu ang hwom ngo angkya hom-haxbu kox.

TSAITONG-KAXTONG 31:20

Kue hwom putong hwom füi tsaotsüt daokya ningle kue hwom ang ija ahak-aluale tamchu haxzaoe awangle tüikya haxtok to apüiüi. Ikhato hwom ang hwome alomlom sütli tüiüi ilaxle hwom mongtex ma shale ngo ang kopüi. Ikoxle hwom a mixnok baozangbu to sho ang anongle paoüi. Hwome ku awütüi ilaxle ku füikya Tsaotsüt amaüi.

TSAITONG-KAXTONG 11:29

Chemtue Jowanpae hünzom, hünzome kop angkya haxtok to apüile changüihex, hünzom Girizim Haxnu makhange mohiman khuapule changüi ilaxle Ebal Haxnu. Makhange othuak-ozom khuapule changüi. (

TSAITONG-KAXTONG 6:23

Kem putong hwom füi tsaotsütkya tüikya ningle kem ang ija haxtok koxangle kem ikhato apüi angkya hanpakmale kem dan ang tom.

TSAITONG-KAXTONG 6:19

ilaxle chix kax lailaile hünzome zan-nokbu jwonle apao ang thoüi.

TSAITONG-KAXTONG 6:10

“Jowanpa hünzom Zang-e chemle hünzom putong Abraham, Isak hia Jakop hwom füi, chongkya hia ahak-aluale tüikya tingnubu oja hünzome zingle alaikya münchanghex, ibu füi tüikya haxtok koxüile tsaosaxkya ningle changpuix,

TSAITONG-KAXTONG 6:1

“Ija a Jowanpa kem Zang-e hünzom hama anwot-anole chang angkya hanpakma fakya kaxtombu changle. Athax hünzome kop angkya haxtok to hünzome ibu kax ma laxle tüilax.

HUAKE LAIPEX 14:31

Hünzome thüipu, hünzom su-sabu zan-noke kopüi le; ikoxlechu hünzome münlaxpule awütkya haxtok to kue hwom ngui ang tomüi, ilaxle ija a hwom tingtok ang changle ngoüi.

LAIPAO 15:7

Chongwangpa tsak-zong füi nang zanpabu to lüt; wünle ningle laikya nang mongtsike tsaxsa ningle ibu zokle ashun.

LAIPAO 6:8

Abraham, Isak hia Jakop hwom ang koxüihex-ole tsaokya haxtok to kue hünzom apüiüi; ilaxle kue ijakha ma haxtok ang lax ang hünzom chak to koxüi. Ku a Jowanpa changle.’”

LAIPAO 23:28

Kue hünzom zanpabu chabüt-lasün ang tomüi; hünzome hwom ha alople changkya zuma kue Hip nok, Kanan nok üntoxle Hit nok pangwüi jwonle apaoüi.

LAIPAO 23:33

Ibu khünakbu hünzom chaxwan ma ngo ang taxtom; hünzome hwom ngo ang jangtsan, hwome hünzom ang ku zongto ochax lyenle chang ang tomüi. Hünzome hwom baozangbu to shwomle jangchang, ija a hünzom hanpakma opao chimüikya longfyen ang changle bangüi.”

LIWI 14:34

(Chemtue Jowanpae hwom ang koxkya haxtok Kanan chaxwan aloplaxle tingtan-nokzingle changüihex ipongma) Israel noke hwom hombu to ngwon paxle changpongma twon angkya wanlombu adangle kox: Hünzom owawae ma homkha ma ngwon-kak paxkya ngün ang kople jangchang,

TSAITONG-KAXTONG 20:16

“Ikoxlechu chemtue hünzom ang Jowanpa hünzom Zang-e koxle ngokya haxtok hünzome koptsuaküihex, ikhama abangbang komkaile lang kox.

JIHUSUA 3:10

Hünzome alople hüikya zuma chixe Kanan nok, Hit nok, Hip nok, Peri nok, Girga nok, Amor nok ilaxle Jebu nok; ibu pangwüi jwonle apao angkya changle. Khüzün Zang a hünzom khama womle tüile le hünzome awan ang kopüi.

JIHUSUA 11:3

Chixe ibibi nok hato chuwüi kaxpua apik: Jordan shuanu pangnyichi ma tüikya Kanan nokbu, Amor nok, Hit nok, Peri nok ilaxle Jebu nok, haxhua to tüikya onok pangwüi hato ilaxle Mizpah haxtok angkya Hebron haxnu chithong ma tüikya Hip nok, ibu pangwüi hato kaxho kox.

JIHUSUA 24:11

Hünzome Jordan shuanu tale lelaxle Jeriko tingnu to ngui. Jeriko nok chuwüi Amor nok, Kanan nok, Hip nok, Hit nok, Peri nok, Girga nok, Jebu nok, ibu lailaile hünzom füi azan ang lai. Ikoxle ibu pangnusa to kue hünzom ang lüt ang tom.

1 WANGHOMBU 16:31

Jeroboam ningle achaxkya chix zongto ojao chingui; chix a ito kaile paolaxle Jezebel chix kako ang lax. Jezebel a Sidon nok wanghompa Ethbal sacha achangkya. She füi kako tan ilaxle Ahap-e Bal chuwüi shwom.

NEHEMIA 13:23

Ipongma kue Judah khünakbue Ashdod, Amon, hia Moab nok shekobu kako ang laxle thomkyabu huanuma lomle atak.

LAIPAO 23:32

Ibu khünakbu hia hwom baozangbu füi tüta tsaifün-kaxwünkya motom taxtüi.

HUAKE LAIPEX 13:29

Shuathongchi kaoma Anakimbu ngole; ikoxle Hit, Jebu hia Amor nokbu a haxhuachi ma tüile; ilaxle Mediterenian tinu chikao ma Jordan shuanu ajole Kanan nok tüile.”

TSAITONG-KAXTONG 9:3

Ikoxle athax hulax, Jowanpa hünzom Zang a wünnu dongkya lailaile hünzom thoto achale leüi. Hünzom hüikya zuma chixe hwom to lütüi, ile chixe tsaosaxkya lailaile ochwonpai ma hünzome hwom jwonle apao ang tamchu amüt ang thoüi.

1 PUKAX-PANGAO 1:14

Kanan a Jebu nok, Amor nok, Girgash nok,

2 PUKAX-PANGAO 8:7

Israel noke chaxwan kople nguipongma chilang homtoxle toxkya Kanan nok susabu ang Solomon-e atsangle mwot amok. Ibu khama Hit nok, Amor nok, Peri nok, Hip nok, Jebu nok, opang susa hwom anyix kople da ang achangle ngotüipuix, ibibi.

IZRA 9:1

Ibu mwot pangwüi tsuakle hüikya füima, Israel khünak lompabu züizüi ngui ilaxle khünaknue tamchu nguapabu hia Liwi hwome tomzi nok Amon, Moab, hia Ijip nok chichangba Kanan nok, Hit nok, Peri nok, Jebu nok, Amor nok, ibu füi malualua to atsaile chingokya kax ku hama wün. Ebu khünakbue mokkya ningle hwome chuwüi nushix-dongkya mwotbu mokle ngo.