TSAITONG-KAXTONG 6:7 - OTSAO BAIBEL (BSI)

⁷ Nang hom ma ngopongma tamchu nang kotho to ngopongma, nange nazak laxle ngopongma tamchu nange mwot mokle ngopongma, ibu a nange naosombu hama anwot-anole changkox.

TSAITONG-KAXTONG 6:7 ပူးပေါင်းရင်းမြစ်များ

TSAITONG-KAXTONG 11:19

Ibu a hünzome su-sabu hama anwot-anole changkox. Hünzome hom ma ngopongma, hünzom lomba to tüipongma, hünzome nazak laxpongma tamchu hünzome mwot mokle ngopongma, ibu bama zangwünkya tüikya.

EFISIA 6:4

Honu hopa hom, hünzome ma naosom to hwom mongma adün angkya olom taxmok. Itülüi, Jowanpa zongma müikya olom ma hwom ajung atangle zünsaikox.

1 PITAR 3:15

Ikoxchu hünzom mongtsang ma, Khrista a Jowanpa changpu le achuak achenkya tüilax. Hünzom ma tüikya monghom bama owawae kaxtik-ngaoshokya jangtüiba, chix kax to lan ang othuithuima achwonle ngolax.

TSAITONG-KAXTONG 6:2

Hünzom ozün ma ngokya kople, hünzom tamchu hünzom su-sa hwome hünzom Zang Jowanpa achuak-achenle tüi angkya oli changle. Hünzom ija haxtok ma tsün-khothole ngo angkya hanpakma kue hünzom ang fakya chix wanlombu pangwüi kax ma laxle tüilax.

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

WANWÜNKAX 6:22

Ibu hwon-nwote aham pongma nang lomzunüi, zangnak ma kho-awaüi, ilaxle anyixningle nang to zünsaile changüi.

KAXHO MÜIKYA LUK 6:45

Müikya mixe ma mongtsang ma müikya athünle thomkya khato kya müikya alaiüi; makya mixe ma mongtsang ma oma athün thomkya khato kya makya alaiüi; chemthüikoxle chemfüi mongtsang awangle ngopuix tune ija akaxpu.

MATHI 12:35

Khünak müikya mixe ma mong ma müikya athün thomkya tokhange müikya oli alaile; chimüikya mixe ma mong ma chimüikya athün thomkya tokhange chimüikya oli alaile.

KOLOSI 4:6

Othuithuima hünzom zangwün a mix zongma müile tamchu apa ang tsule tüikox, ilaxle pangnusasa ang wüi changkya kaxlan fa ang hünzome awanle tüikox.

WANWÜNKAX 15:7

Tsingwankya a jetüi-hwonlangkya khünakbue apuk wüi, ongatbue münchang.

WANWÜNKAX 10:21

Müikya khünak zangwünbu füi khünakbue olap kopüi, ikoxle ongat makhange nange ma alüile lang ang thoüi.

MALAKI 3:16

Ifüima Jowanpa thua zale ngokya khünakbue tata füi zangwün, ilaxle Jowanpae hwom zangwün to apa üntoxle ija atatle lax. Chix mikngün ma, zale thomkya laipex tuita ma, Jowanpa chathua zale tüikya hia chix to achuak-achenle tüikyabu zale kop.

WANWÜNKAX 15:2

Chemtue jetüi-hwonlangkya khünakbue zangwünpuix, hwome tsing-wankya to mongzao ang tomle, ikoxle ongat khünakbu wikha makhange khangka ma chilekyabu alaile.

MÜNCHUAK-TSAI 129:8

Imakhange lekya owaechu, “Jowanpae nang to mohimanle naxchang! Jowanpa mün ma kwome nang to mohimanpu.” Chithüiüi.

MÜNCHUAK-TSAI 119:46

Nang kaxtombu kue wanghombu hato tsing ang tomüi ilaxle ku ojao münazaküi.

RUT LAIPEX 4:11

Ikhama tüikya lompabu hia khünak mamabue thüi: “Changle, ngünmixbu kwom changpu. Nang kakonu wüi, Jakop ang sasün hwom huanuma pux-paile koxkya Rachel hia Liah nyi ningle Jowanpae wüi naxachang kox. Efrath saxthom ma tamchu Bethlehem ma nang ahak-aluale naxtüi.

MÜNCHUAK-TSAI 37:30

Khünak müikyabu zangwün ma je tüile, üntoxle ibu a othuithuima sukya changle.

RUT LAIPEX 2:12

Nang chem mokdaopuix ija to Jowanpae mohimankya naxtüi. Israel nok Jowanpa owa tong to nang ma khang khom ang nguile tüilaxpuix, chixe nang to chingchajajakya naxtüikox!”

RUT LAIPEX 2:4

Noxta füima Bethlehem tokhange Boaz chix jaojao ikhato ka ilaxle mwotmokle ngokyabu ang salam kax akax. Chixe thüi: “Jowanpa hünzom füi naxtüi.” Hwome lan: “Jowanpae nang to mohimanle naxchang!”

MÜNCHUAK-TSAI 71:17

Ku naosa ma tüitanto tokhange wüi nange ku hama anwot-anole fapu, üntoxle athaxchu kue nange ohünotün mwotbu mo wünpu.

ISAIA 38:19

Athax kue nang achuakkya ningle, nang achuak angkya a ozün ma ngokyabue tix. Nu-pa hwome naosombu hama chialekya nang mongong bama wün.

JOB LAIPEX 8:10

Ikoxlechu kaikya jepabue nang ang anwot-anole naxfa; Hwome atsai-akaxkya to nathale apalax;

MÜNCHUAK-TSAI 119:13

Nange ku ang koxkya wanlombu pangwüi kue akhongle noxüi.