TSAITONG-KAXTONG 6:6 - OTSAO BAIBEL (BSI)

⁶ Anyix kue nang ang koxle ngokya ija kaxtombu otuechu taxalak.

TSAITONG-KAXTONG 6:6 ပူးပေါင်းရင်းမြစ်များ

KOLOSI 3:16

Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

WANWÜNKAX 7:3

Ku hwon-nwot a othuithuima nang füi thomlax; ija nang mongkha ma zale koplax.

TSAITONG-KAXTONG 11:18

Kaxtom ibu texle ataklax ilaxle hwom ang mong amüilax. Texle atak angkya hanpakma ibu a hünzom suakto ma tamchu khangpong ma khakle koplax.

MÜNCHUAK-TSAI 37:31

Hwome hwom Zang wanlombu hwom mongkha ma thomle ilaxle ija füi chemtuechu atsaile münpao.

2 KORIN 3:3

Kwom makhange thwonkya laiza, ngünkya longkhua ma chichangle mong longkhua ma, khanti füi chichangle ozün ma tüikya Zang Chasa füi Khrista chix tomtatae zakya laiza a hünzom changpu le atsingsho.

TSAITONG-KAXTONG 32:46

chixe thüi: “Anyix kue hünzom ang koxkya kaxtom pangwüi kax ma laxle-ole thüilax. Hwome chu mongong tüikya füi Zang hwon-nwot pangwüi kax ma laxle naxtüi lax ang ibu naosombu hama chatchatnaole wünkox.

MÜNCHUAK-TSAI 119:11

Kue nang zongto ochax chilyen angkya hanpakma kue nang wanlom ku mongkha ma thompu.

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

WANWÜNKAX 3:5

Nang mong makhange abakle Jowanpa to mongongkya tüikox. Nange chem awanpu le texpuix otuechu ija to onglaxle taxngo.

KAXHO MÜIKYA LUK 2:51

Okhi füi tomle Jisu Nazareth to chat, ikha to chix hokhi kax ma laxle saxmok le ngo. Onue ibu pangnu wüi she mongto akhün le thom.

MÜNCHUAK-TSAI 119:98

Nang kaxtom a ku füi jento tüile ilaxle ku a zanpabu füichu onüi ang hwontüi-jelang mix ang achangle.

MÜNCHUAK-TSAI 40:8

Ku Zang, kue nang mongtex mok ang chemtukux mongkünpuix! Nang hwon-nwot kue ku mongkha ma thomle.”

2 JUHAN 1:2

chemthüikoxle kwom ma otsingtsing tüile ngole ilaxle ija a othuithuima ngo angkya changle.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

2 SAMUEL 22:23

Kue chix wanlombu pangwüi tole hüi; kue chix kaxtombu kax ma chilaxle chitüitox.

TSAITONG-KAXTONG 11:20

Hünzome ibu kapox-longkho hia zünkaibu to zale thomlax,

MÜNCHUAK-TSAI 119:13

Nange ku ang koxkya wanlombu pangwüi kue akhongle noxüi.

MÜNCHUAK-TSAI 119:30

Kue kax ma laxle tüi angkya zünle kopdaoa; kue nang kaxfünbu to mongkoxle changdaoa.