Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




TSAITONG-KAXTONG 6:5 - OTSAO BAIBEL (BSI)

5 Nang mongtsang pangnu füi, nang chamua pangnu füi, ilaxle nang tsak-zong pangnu füi Jowanpa nang Zang to mongkünkya tüilax.

အခန်းကိုကြည့်ပါ။ ကော်ပီ




TSAITONG-KAXTONG 6:5
26 ပူးပေါင်းရင်းမြစ်များ  

Nang monge abakle, nang chasae abakle, nang khangkae abakle, ilaxle nang tsakzonge abakle, nange Jowanpa, nang Zang to mongkün kox.’


Jisu-e lan: “Nange nang Zang to mong makhange abakle, chasa makhange abakle, tamchu tutex makhange abakle mongkünkox!


Ija mixsüne lan: “Nang mongtsange abakle, nang chamuae abakle, nang tsakzonge abakle, üntoxle nang khangkae abakle, Jowanpa nang Zang to mongkünlax; üntoxle nange ma tukux tomzi to künlax.”


Athax a, O Israel khünaknu, Jowanpae hünzom ma chem jupuix ija to apalax: Jowanpa to shwom-to le changlax ilaxle chix kaxtom ma pangwüi moklax. Hünzome ma kün-hi-mong bakle koxle chix to mongkünkox tamchu chix thothakox,


Hünzome chix to mongpak-fünthole mongkünkya tüi angkya hanpakma tamchu ija haxtok ma hünzom othuithuima ngole tsuak angkya hanpakma, Jowanpae hünzom tamchu hünzom sixlibu ang kax ma laxle tüi angkya kün-mong koxüi.


Ekhato hünzome Jowanpa hünzom Zang lomüi, ilaxle hünzom künbak-mongbakle janglom, hünzome chix ataküi.


Chemthüikoxle keme Zang to mongkünpu le chix kaxtombu kax ma laxle tüikya ang thüipu. Ikoxle chix kaxtombu a kem zongto aluile tsakkya münchang.


Khünake mong makhange tamchu tutex füi, tsakzonge abakle, Zang to mongkün angkya oli changle; ilaxle chixe ma tomzi to ma bütukuxle mongkün angkya changle. Müi langlaxle tamchu mama tö koxkya füi ngaxchu kaxtom ija anyi kax ma laxle changkya wüi tüichongpa changle.”


Idaile anyix kue hünzom ang fakya kaxtombu kax ma laxle tüilax. Jowanpa hünzom Zang to hünzome ma kün-hi-mong makhange zongbakle mongkünlax tamchu chix thothale changlax.


Mosa Wanlom tokya füi, chix kün-hi-mong, tutex hia tsak-zong pangwüi koxle Jowanpa thothale changkya mix chix lailaikya wanghom owachu chitüitox; tamchu chix tokfüi ma chix lailaikya wanghom owachu chitüitox.


“Owae manu hia mapa to ku khüthak le mongkünüi hex, chix a ku wangshem ang achang koxle münasu; üntoxlechu owae masu masa to ku khüthak le mongkünüi hex, chix ku wangshem ang changkoxle münasu.


Jowanpa hünzom Zang to mongkünkox ilaxle othuithuima chix wanlombu kax ma laxle tüikox.


chix zangwün to natha angkya oli münchang. Jowanpa hünzom Zang-e chix a hünzom to thwontsing ang, hünzome chix to mongpak-fünthole mongkünkya changchale awan ang twonwüi.


ifüima hünzome chatle chu tingnu azom süile kop angkya changle. (Anyix kue hünzom ang fapupu kaxtom kax ma lax tamchu ija ningle mokle hünzome Jowanpa hünzom Zang to mongkünkya tamchu chix hwon-nwot lailaile ngokya jangtüi thüiningle, chixe ija haxtok hünzom ang komkaile koxüi.)


Hünzome Jowanpa hünzom Zang kax ma laxle jangtüi, chix kax ma laxlax, ilaxle chix wanlombu tole ngolax, jangchangba hünzom a ahak-aluale tamchu khünak huanuma tsale tüikya jat-li ang achangüi; ija a anyix kue hünzom ang koxle ngopu. Hünzome kop angkya haxtok ma Jowanpa hünzom Zang-e hünzom to mohimanüi.


Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”


Solomon-e Jowanpa to mongkün ilaxle hopa Dawid-e adangle fakya kaxtombu kax ma laxle hüi, ilaxle chixe ngaxchu ma tö-tsaptsap to müibu langle zangshwomle hüi.


Opange hwom kün-hi-mong makhange abakle chix kax ma laxle chix kaxtombu tole tüipuix, hwom a mohiman.


Jowanpa mantolax ilaxle chix achuak-achenle changlax; chix kax ma laxlax ilaxle chix kaxtombu thomlax; chix to shwom-to lax ilaxle chix to mongongle tüilax.


Ikoxlechu ija chix hwon-nwot laipex ma zale tüikya chix wanlom pangwüi kax ma hünzome lax angkya changpu. Hünzom chix hato mongpak-fünthole chat angkya wüi changpu.


Mosa-e hünzom ang koxle toxkya wanlom: ‘Jowanpa hünzom Zang to mongkünkox, chix mongtex mokkox, chix kaxtombu kax ma laxkox, chix to mongong tüile ngokox, ilaxle hünzom kün-mong hia chasa pangnu makhange chix thothakox; le tüikyabu kax ma laxle-ole azongkox.’”


Izuma hwome, Jowanpa, hwom pupa hwom Zang to kün-hi-mong makhange zongbakle shwom angkya tsaosax.


Chix a wanghom ngwotnui ma ajong, ilaxle ija laipex ma zale tüikya ningle chix kax ma laxle tüi angkya, chix wanlom hia kaxtom, ibu pangwüi chilyenle kün-hi-mong makhange zongbakle thom angkya, ilaxle ija tsaotsüte lomkya mwot pangwüi mokle alyet angkya Jowanpa füi tsaotsüt.


Hünzom pangnu Jowanpa to monghom tüikyabu, chatsak-muazongle mongchong hüi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ