TSAITONG-KAXTONG 6:3 - OTSAO BAIBEL (BSI)

³ Ibu kax ma laxle tüilax, hünzom Israel khünakbu, ilaxle ibu kax ma laxle tüilax! Ile jangchangba hünzom füi pangwüi müile hüiüi, ilaxle hünzom a chongkya jat-li tuita ang changüi ilaxle ija ahak-aluale haxzao füi tüikya haxtok ma ngoüi; ija a kem putong hwom Zang, Jowanpa chix kaxtsao ningle changüi.

TSAITONG-KAXTONG 6:3 ပူးပေါင်းရင်းမြစ်များ

PONGWANG LAIPEX 22:17

Ding angkya lyettsi hia tinu kax tokya sak büta kue nang ang sixlibu kox angkya tsaopu. Nang sixli hwome zan-nokbu to tingtakle tsuaküi.

LAIPAO 3:8

Ku a Ijip nokbu chak tokya hwom khosün angle nguikya changpu; ilaxle kue hwom ikhatokya, müikya tamchu haxka khaole tüikya; tsomti hia nax-ti shuajen jenle tüikya: Kanan nok, Hit nok, Amon nok, Periz nok, Hip nok, Jebu nok, ibu ngokya Kanan chaxwan to apüi angkya changle.

PONGWANG LAIPEX 28:14

Hwom a haxtsa angkya haxbu büta pu-tsale changüi. Hwome hwom haxsüt longzi pangnu chito akhaole paoüi, ilaxle nang hia nangsix-nanglibu makhange pangnu jat-li to mohimankya tüiüi.

PONGWANG LAIPEX 26:4

Kue nang sixlibu ding angkya lyettsi büta lai ang tomüi, ilaxle nang sixlibu ang ibibi haxtok komkaile koxüi. Chaxwannu angkya jat-libue ma hanpak ang mohiman, nangsix-nanglibu makhange tix koplaxüi;

PONGWANG LAIPEX 15:5

Chix homtho to alailaxle Jowanpae thüi: “Zangdingkho to hulax ilaxle lyettsibu elax, itukux jao nang sixlibu tüi angkya changle.”

WANGSHEMBU MWOT 7:17

“Zange Abraham ang tsaosaxkya angai angkya hanpakma hanpak ngangle hüikya zuma, Ijip nok to hwom khünak huak huanuma tsale hüi.

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

HWON-NWOT-JAONO 8:12

Ochax khünak tuitae oho to lünle mütkop koxlechu ozün ma wüichu ngole. Oh changle: “Nange Zang kax ma laxle jangchang thüiningle, pangwüi sukya ang changpule hwome akaxkya kue awanle,

TSAITONG-KAXTONG 4:6

Mongongkya füi ijabu kax ma laxle tüilax, ilaxle ija makhange mama mixnokbu hato, hünzom chemtukuxle jetüi-hwonlangkyabu hex, aho ang tsuaküi. Ibu wanlom pangnu bama chemtue hwome atatle changüihex, hwome thüiüi, ‘Ija tüle chongkya jat-li tuita ma jetüi-hwonlangkya huanu changa!’

LAIPAO 1:7

Ikoxlechu hwomsix-hwomli, Israel khünaknu müimamale pu-tsale hüi. Ijip haxtok hwom-hwome wüi awangle tüle tsak-zongle hüi.

PONGWANG LAIPEX 13:16

Kue nang ang owaechu akiak ang chithole su-sa hwom huanuma koxüi; hwom akiakkya füi a chaxwan tok angkya haxbu akiakkya wüi ochwon changüi!

PONGWANG LAIPEX 12:2

Kue nang ang su-sabu huanuma koxüi ilaxle hwom a chongkya jat-li tuita ang achangüi. Kue nang to mohimanüi ilaxle nang fuale wünkya mix ang achangüi, ikoxle nang a mohiman tuita ang achangüi.

LAIPAO 3:17

Kue thüipu, kue hünzom Ijip nok chak to sikngün apongle ngokya chak tokya alaile paoüi, ilaxle tsomti hia nax-ti shuajen jenle ngokya Kanan haxtok; Kanan nok, Hit nok, Amon nok, Periz nok, Hip nok tamchu Jebu nok ngokya chaxwan to apüiüi.’

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

JEREMIA 42:6

Ijae kwom ang mongzom chiamüikoxlax amüikoxlax, kwom hanpakma ma nang ang owa to jop-hüile kwome atsang ngopuix, ija Jowanpa kwom Zang kax ma kwome lax angkya jao changpu. Kwome chix kax ma laxle tüikoxtix wüi kwom zongto jalinusa müile hüi angkya changpu.”

LAIPAO 3:6

Zang-e akax: “Ku a hünpa hwom Zang, Abraham, Isak hia Jakop hwom Zang changle.” Ijama Mosa-e Zang thünza to hu ang za ilaxle chix thün khom.

TSAITONG-KAXTONG 8:8

haxtok tuita oja ma wonglai tsax hia tsaxsa tula tsax, grep ziak, fup ziak, pomegrenet ziak, olip ziak tamchu nax-ti, iningkyabu huanuma alaile tüipuix.

TSAITONG-KAXTONG 11:9

Ilaxle Jowanpae hünzom putong hwom hia hwom su-sa hwom ang koxüihex-ole tsaokya haxtok ma hünzom tsünlo-khothole ngo ang thoüi.

TSAITONG-KAXTONG 26:9

Chixe kwom ikhato apüi ilaxle ipong müikya tamchu ahak-aluale tüikya haxzao füikya haxtok ija kwom ang kox.

TSAITONG-KAXTONG 26:15

Nang ngwotnui otsao zangkangting tokhange hüihüi ilaxle nang khünaknu Israel nok to mohimanhüi; nange kwom füi tsaotsütkya ningle kwom ang fakya, ahak-aluale hia haxzaoe awangle tüikya kwom haxtok to mohimanhüi.’

TSAITONG-KAXTONG 27:3

ilaxle ibu ma wanlom hia hwon-nwot ijabu pangwüi zale thom angkya changle. Chemtue Jowanpa, hünzom putong hwom Zang-e hünzom ang koxüihex-ole tsaosaxkya, ahak-aluale tamchu haxzao füikya haxtok to hünzom nguiüihex,

TSAITONG-KAXTONG 31:20

Kue hwom putong hwom füi tsaotsüt daokya ningle kue hwom ang ija ahak-aluale tamchu haxzaoe awangle tüikya haxtok to apüiüi. Ikhato hwom ang hwome alomlom sütli tüiüi ilaxle hwom mongtex ma shale ngo ang kopüi. Ikoxle hwom a mixnok baozangbu to sho ang anongle paoüi. Hwome ku awütüi ilaxle ku füikya Tsaotsüt amaüi.

MÜNCHUAK-TSAI 119:4

Jowanpa, nange nang wanlombu kwom ang koxpu ilaxle chiale lüibu kax ma laxle tüi angkya kwom füi akaxpu.