TSAITONG-KAXTONG 6:20 - OTSAO BAIBEL (BSI)

²⁰ “Athax füichi ma hünzom su-sabue hünzom ma atüiüi, ‘Chemthüikoxle Jowanpa kem Zang-e ibu wanlombu pangwüi kax ma laxle tüi angkya kem ang kaxtom koxle tüipuix?’

TSAITONG-KAXTONG 6:20 ပူးပေါင်းရင်းမြစ်များ

LAIPAO 13:14

Athax füichi ma hünzom naosombue ija olom twonkya a chem hanpakhex le atüikya zuma, hünzome hwom kax to lan angkya changle, ‘Jowanpae chongkya chix tsak-zong makhange Ijip chaxwan tokya kem laile pao ang tomkya changpu. Ikhato kem a dan ang ngole tüikya.

LAIPAO 12:26

Chemtue hünzom su-sa hwome ‘Ija zomzing a chem hanpak?’, le atüikya zuma,

WANWÜNKAX 22:6

Naosom hama hwom chemle ngoüihex ija apuale laxkox, ija hwome tsünjang masule mong ma thomüi.

TSAITONG-KAXTONG 6:7

Nang hom ma ngopongma tamchu nang kotho to ngopongma, nange nazak laxle ngopongma tamchu nange mwot mokle ngopongma, ibu a nange naosombu hama anwot-anole changkox.

LAIPAO 13:8

Pangpwon owang wangkya zuma, Ijip nok angkya hünzom alaile pao angkya hanpakma Jowanpae tüle ohünotün mwotbu mokle changdaokya khoma, ija chialak angkya hanpakma ija pangpwon nuipule hünzome masu-masa hwom hama apua angkya changle.

TSAITONG-KAXTONG 4:9

Hünzom khünzaile hunga ngolax! Hünzome ma mik füi ngünle laxdaokya oli, mazi tanto alakle münawüt-ole amonglax. Hünzome su-sabu hama,

TSAITONG-KAXTONG 6:19

ilaxle chix kax lailaile hünzome zan-nokbu jwonle apao ang thoüi.

TSAITONG-KAXTONG 6:21

“Ipongma hwom ang thüikox, ‘Kem a Ijip nok to da ang ngole hüikya changle, ikoxle chixtsak chixzong chongkya füi Jowanpae kem khosünle kopkya changle.

MÜNCHUAK-TSAI 44:1

Kwom na makhange jao kwome ija atatdaoa, O Zang: kwom pupa hwome ija bama kwom hama wünpu, hwom tsün ma nange mokkya ohünotünbu bama a, kaile pupa hwom tsün to a;

LAIPAO 10:2

Anaole chu ohünotün mwot makhange kue Ijip nok wanghompa ongat ang achangpuix, ija bama nange hünsu-hünsa hwom hama wün angkya hanpakma ile changpu. Ile changkox tix hünzom pangnusae wüi ku a Jowanpa changpule awanüi.”