TSAITONG-KAXTONG 6:2 - OTSAO BAIBEL (BSI)

² Hünzom ozün ma ngokya kople, hünzom tamchu hünzom su-sa hwome hünzom Zang Jowanpa achuak-achenle tüi angkya oli changle. Hünzom ija haxtok ma tsün-khothole ngo angkya hanpakma kue hünzom ang fakya chix wanlombu pangwüi kax ma laxle tüilax.

TSAITONG-KAXTONG 6:2 ပူးပေါင်းရင်းမြစ်များ

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

HWON-NWOT-JAONO 12:13

Ibu pangnu füima, zangwün angkya oli tuita wüi: Zang chathua zalax, ilaxle chix kaxtombu kax ma laxle tüilax, chemthüikoxle kem a ija hanpakmale zingle alaikya changle.

TSAITONG-KAXTONG 13:4

Jowanpa mantolax ilaxle chix achuak-achenle changlax; chix kax ma laxlax ilaxle chix kaxtombu thomlax; chix to shwom-to lax ilaxle chix to mongongle tüilax.

LAIPAO 20:20

Mosa-e lan: “Taxza; Zang a hünzom to wan ang tamchu chix thuazale ngo ang tom angkya hanpakma nguiwüi; ile changkoxle tix hünzome ochax chilyen angkya chang koxle.”

MÜNCHUAK-TSAI 128:1

Jowanpa kax ma laxle tüikyabu mohiman, chix kaxtombu ningle ngotsuakkyabu a.

TSAITONG-KAXTONG 5:16

“‘Ku, Jowanpa nang Zang-e nang ang kaxtom koxkya ningle, nang ma manu hia mapa thua zakya tüilax, ikoxtix nang füi pangwüi müile tüiüi tamchu kue hünzom ang koxkya haxtok ma hünzom tsünlo-khothole ngo ang kopüi.

WANWÜNKAX 3:16

Je-hwone nang ang tsünlwot fale, ifüi tomle tuina hia achuak-achenkya chuwüi fale.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

MÜNCHUAK-TSAI 111:10

Jepa tuita ang achang angkya olom a Jowanpa chathua za angkya changle; chix kaxtombu kax ma laxle tüikyabu ang chixe tsaothakya kaxfün fale. Chix a othuithuima achuak angkya wüi changle.

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

KAXHO MÜIKYA LUK 12:5

Ikoxlechu hünzom owa thua za angkya hex kue hünzom hama apuafang: Zang thua zalax, owama tsangtsa lang füimachu chasa omalum to awüt tsuak angkya zong tüipuix. Anaolechu kue hünzom ang thüipu, Chix thua zalax!

WANWÜNKAX 16:6

Kax ma laxle tamchu mongong-chalomle tüile, jangchangba Zang-e nang ochax thailak tüiüi. Jowanpa kax ma laxle tüilax, chichang-chizangkya nang füi chemchu münapong.

TSAITONG-KAXTONG 22:7

Nange hosa lax ang tsuak ikoxle honu a danle apao angkya wüi changpu; ile changkox tix nang tsünlo-khothole tamchu ahak-aluale ngo ang kopüi.

TSAITONG-KAXTONG 6:7

Nang hom ma ngopongma tamchu nang kotho to ngopongma, nange nazak laxle ngopongma tamchu nange mwot mokle ngopongma, ibu a nange naosombu hama anwot-anole changkox.

TSAITONG-KAXTONG 4:10

‘Khünaknu sele asoxhüi. Hwom mazi tanto ku kax ma laxle tüi angkya awanle naxkoplax ang tamchu ilailaile mok angkya hwom su-sabu hama anwot-anole naxtoxlax ang, kue hwom füi wünse lükya zangwün hwome apale naxkop’ le Sinai Haxnukho ma hünzom Jowanpa chix ngwotnui ma ajongkya bama wünle laxkox.

PONGWANG LAIPEX 22:12

Chixe thüi: “Nao to chak taxmok chichangba tütale chu taxchang. Nange hünsa tuita wüi tüikya chix ang münkoxpu le chiamongkya ngünlaxle athax kue nang ma Zang achuak-achenkya hia chix kax ma laxle tüikya ngünle laxdaoa.”

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

LAIPAO 20:12

Manu hia mapa chathua zale tüikox, ikoxle tix kue hünzom ang koxkya haxtok ma hünzom tsünlo-khothole ngo ang kopüi.

TSAITONG-KAXTONG 4:9

Hünzom khünzaile hunga ngolax! Hünzome ma mik füi ngünle laxdaokya oli, mazi tanto alakle münawüt-ole amonglax. Hünzome su-sabu hama,

TSAITONG-KAXTONG 6:1

“Ija a Jowanpa kem Zang-e hünzom hama anwot-anole chang angkya hanpakma fakya kaxtombu changle. Athax hünzome kop angkya haxtok to hünzome ibu kax ma laxle tüilax.

TSAITONG-KAXTONG 11:9

Ilaxle Jowanpae hünzom putong hwom hia hwom su-sa hwom ang koxüihex-ole tsaokya haxtok ma hünzom tsünlo-khothole ngo ang thoüi.

MÜNCHUAK-TSAI 91:16

Kue hwom ang tsünlo-zaknuile ngo angkya hingho koxüi; kue hwom khosünle kopüi.”

EZEKEL 20:19

Ku Jowanpa a hünzom Zang changle. Ku wanlombu tamchu ku kaxtombu kax ma laxle tüilax.

TSAITONG-KAXTONG 6:24

Ifüima Jowanpa kem Zang-e wanlom ibu to ilaxle chix to achuak-achenle tüi angkya kem ang kaxtom kox. Keme ile jangmok thüiningle chixe kemjat kemli to nyele ngoüi ilaxle ahak-aluale ngo ang tomüi.

TSAITONG-KAXTONG 15:5

ile hünzome anyix kue hünzom ang koxkyakya kaxtom pangnusa kax ma laxle khünkhile twonle ngoüihex jangthüiba a.

TSAITONG-KAXTONG 30:19

Athax kue hünzom ang: khüzün hia mikmüt, ilaxle Zang mohiman hia Zang thuakzom, ibu monge atsutsu zünle kop ang hünzom danpu, üntoxle hünzome zünle kopkya bama ngünmix ang kue ding-hi-hax sepu. Khüzün wüi zünle koplax.

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

JIHUSUA 4:24

Ikhokhoma wüi chaxwannu angkya khünak noke Jowanpa tsak-zong chemtukux chongkya hex, ija awan ang kopüi, ilaxle hünzome Jowanpa hünzom Zang jento achuak-achenle ngo angkya changpu.”

1 WANGHOMBU 8:40

ikoxle hwome ija haxtok ma ngokya kople nange kwom putong hwom ang koxkya kax ma othuithuima laxle naxngokox.

WANWÜNKAX 9:11

Je-hwone nang tsün to zangpua-e bole changüi.

JEREMIA 32:39

Kue hwom ang tsün ma mwotli tuita wüi koxüi: ija a, hwom tamchu hwom su-sa hwom fünmüi angkya hanpakma, hwome othuithuima ku chathua zale ngo angkya.