TSAITONG-KAXTONG 6:18 - OTSAO BAIBEL (BSI)

¹⁸ Jowanpae changle tamchu sule le athüithüi pangwüi moklax, ile jangchang thüiningle hünzom a kuimüi-zangmale ngoüi. Hünzom putong hwom ang Jowanpae tsaosaxle changdaokya haxzao füikya haxtok hünzome kop ang thoüi,

TSAITONG-KAXTONG 6:18 ပူးပေါင်းရင်းမြစ်များ

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

TSAITONG-KAXTONG 12:25

Hünzome ija kaxtom kax ma laxle jangtüi thüiningle, Jowanpa ang mongmüikya tüiüi, ilaxle hünzom hia hünzom su-sabu pangwüi kuimüi zangmale ngoüi.

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

JUHAN 8:29

Tamchu ku tsanle ajokya mix ku füi tüile; otuechu chixe ku kutata danle müntox, chemthüikoxle kue chix mong amüi angkyakya mokpu, le hünzome awan ang kopüi.”

EZEKEL 33:19

Chemtue ochax khünak owawae ochax lyenle ngokya zak laxle sukya hia müikya mwot mokle changpuix, chixe chix kho sündaoa.

HOSIA 14:9

Ikhama chem zale tüipuix, jetüi-hwonlangkyabue tsingle naxlaxkox, ilaxle hwome ija mong ma pongle naxkopkox. Jowanpa lomtang a otsing lomtang, ilaxle otsao khünakbu a ija lomtang ma ahamle ozün ma ngoüi, ikoxle hwome ija thajaole tüikya khoma ochax khünakbu a ija ma asuaüi ilaxle atiüi.

EZEKEL 33:16

Chixe mokkya ochax kue thailak tüiüi, ilaxle chixe sukya hia müikya mwot mokle changkya khoma chix a ozün ma ngoüi.

EZEKEL 33:14

Kue ochax khünak owawa ang chix zikmüt mangkho bama kaxkhün koxle changüi, ipongma chixe ochax lyenkya zak laxle sukya hia müikya mwot mokle jangchang:

EZEKEL 18:27

Ochax khünak owawae ochax lyenle ngokya zak ilaxle chem supuix ijaja mokle jangchang, chixe ma khangkho sünpu.

EZEKEL 18:21

“Owawa ochax khünak tuitae ochax mwot mokle ngokya zak ilaxle ku wanlom ma ngole ilaxle chixe chem supuix tamchu chem müipuix ijaja mokle jangchang, chix a münziüi; chix a tütakoxlechu ozün ma ngoüi.

EZEKEL 18:5

“Namthütba müikya khünak tuita tüile, chix a otsao tamchu sukya khünak.

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

MÜNCHUAK-TSAI 19:11

Ibue, ku, nang dapa ang tsing-wankya koxle; Ibu kax ma laxle tüikya khoma ku to mohimanle.

TSAITONG-KAXTONG 13:18

Anyix kue hünzom ang fakya kaxtombu kax ma laxle jangtüi thüiningle, chixe ibu pangwüi ile chang ang tomüi.

TSAITONG-KAXTONG 12:28

Kue chempang kaxtom fale changdaopuix ibu pangwüi kax ma laxle tüilax, ikoxle othuithuima hünzom hia hünzom su-sabu kuimüi-zangmale ngo ang kopüi, chemthüikoxle hünzome Jowanpa hünzom Zang zongto müikyakya hia sukyakya mokle ngo angkya changle.

TSAITONG-KAXTONG 8:11

“Hünzome Jowanpa hünzom Zang chemtuechu taxalak; ilaxle anyix kue hünzom ang koxkya chix wanlombu kax ma chilaxle otuechu taxtüi.

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

EZEKEL 18:19

“Ikoxle nang atüipu: ‘Hopa ochax khomale sasün sik büthüikoxle ngün angkya?’ Ija kaxlan a ile changpu, ija sasüne chem supuix tamchu chem müipuix ijaja mokpu. Chixe ku wanlombu khile thompu ilaxle ibu lom ma lepu, idaile chix ozün ma ngo angkya wüi changpu.

TSAITONG-KAXTONG 6:19

ilaxle chix kax lailaile hünzome zan-nokbu jwonle apao ang thoüi.

ISAIA 38:3

“Texle ataklax, Jowanpa, kue mongong füi tamchu kax ma laxle nang thothale hüidaoa, ilaxle kue nang mong ma atsutsu mokle-ole azongle hüidaoa.” Ilaxle chix mongmaxle sop ang süt.

TSAITONG-KAXTONG 6:10

“Jowanpa hünzom Zang-e chemle hünzom putong Abraham, Isak hia Jakop hwom füi, chongkya hia ahak-aluale tüikya tingnubu oja hünzome zingle alaikya münchanghex, ibu füi tüikya haxtok koxüile tsaosaxkya ningle changpuix,