TSAITONG-KAXTONG 6:13 - OTSAO BAIBEL (BSI)

¹³ Jowanpa hünzom Zang chathua zale tüilax, chix tata tong shwomlax, ilaxle hünzome chix mün tata ma tsaosaxle changlax.

TSAITONG-KAXTONG 6:13 ပူးပေါင်းရင်းမြစ်များ

KAXHO MÜIKYA LUK 4:8

Jisu-e lan: “Otsao Lai ma thüile: Nange Jowanpa, nang Zang tata to shwomlax; chix mwot tix moklax!”

MATHI 4:10

Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

TSAITONG-KAXTONG 13:4

Jowanpa mantolax ilaxle chix achuak-achenle changlax; chix kax ma laxlax ilaxle chix kaxtombu thomlax; chix to shwom-to lax ilaxle chix to mongongle tüilax.

LIWI 19:12

Nange chithomtsuak angkya ningle jangchang thüiningle ku mün ma hexle tsaosaxle taxchang; ile changkyae ku hato münma apüile. Ku a Jowanpa hünzom Zang changle.

JEREMIA 12:16

Hwome hwom kün-hi-mong makhange zongbakle ku khünakbue tokya zanglom pongle jangkop ilaxle ‘Jowanpa chemle ozün ma ngopuix iningle ngo angkya’: kaitanto hwome ku khünaknu ang Bal mün ma tsaotsüt angkya anwot-anole koxkya ningle: tsaotsütle jangchang, hwom chuwüi ku khünaknu khama womüi ilaxle tomwüi ahak-aluale changüi.

ISAIA 65:16

Haxtok angkya khünak owae mohiman jule changüihex, chixe Mongong ma chialekya Zang ma ju angkya changpu. Owae tsaotsütle changüihex, chixe Mongong ma chialekya Zang mün ma chitsüt angkya changpu. Ledaokya sikngün a kaitoxdaoüi ilaxle alak angkya changle.”

ISAIA 45:23

Ku kaxtsao a otsingtsing changpu, ilaxle ija alüix angkya münchang. Ikhoma ku chemle tüipuix ile kue tsaosaxpu; Noknusa wüi ku hato nguiüi ilaxle akhuxüi ilaxle ku kax ma laxle ngo angkya tsaosaxüi.

MÜNCHUAK-TSAI 63:11

Zang-e chix ang lüt ang tomkoxle, wanghompa ang mongmüiüi. Zang mün male tsaosaxkyabue chix achuaküi, ikoxle atsekya mixe ma wikha a huxüi.

TSAITONG-KAXTONG 10:12

Athax a, O Israel khünaknu, Jowanpae hünzom ma chem jupuix ija to apalax: Jowanpa to shwom-to le changlax ilaxle chix kaxtom ma pangwüi moklax. Hünzome ma kün-hi-mong bakle koxle chix to mongkünkox tamchu chix thothakox,

JEREMIA 4:2

ku mün lünlaxle kaxlan fa angkya hünzom hanpakma sukya ang changüi. Ifüima pangnu jat-lie ku ang hwom to mohiman angkya akaxüi, ilaxle hwome ku achuakle changüi.”

JIHUSUA 2:12

Athaxpi chix mün ma, kue chemle hünzom to chingcha ahopuix ilailaile ku tamchu kwom kako to chingchakya tüiüile tsaohüi, ilaxle kue hünzom to mongong thomtsuak angkya kuxma münwan tütali fale toxhüi.

MÜNCHUAK-TSAI 15:4

Zang-e chilaxle awütkyabu to hwome e-sekya chitüi, ikoxle opange Jowanpa kax ma laxle tüipuix ibu achuak-achen. Ija mok ang otha tüle ngamkoxlechu Hwome tsaodaokya othuithuima hwome mokle.

TSAITONG-KAXTONG 6:2

Hünzom ozün ma ngokya kople, hünzom tamchu hünzom su-sa hwome hünzom Zang Jowanpa achuak-achenle tüi angkya oli changle. Hünzom ija haxtok ma tsün-khothole ngo angkya hanpakma kue hünzom ang fakya chix wanlombu pangwüi kax ma laxle tüilax.

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

JEREMIA 5:7

Jowanpae atüi: “Kue ku khünaknu thaikya ochaxbu chemkhoma alak angkya? Hwome ku chilaxle dantoxpu ilaxle changjao chichangkya baozangbu to hwome shwompu. Kue hwom ang wok afwotle machang machangle ku khünaknu tuxpu, ikoxlechu hwome chinunchakkaile changpu ilaxle hwom hanpakbu a tsangtsa hangkyabu füi alyetpu.

JEREMIA 5:2

Hünzome Jowanpa to shwompule akaxkoxle chu, hünzome ija kaxwa akax wüi.

MATHI 5:33

“Kaitokya khünakbu füi akaxkya hünzome atatdaoa: ‘Nange othai to tsao taxsax, Jowanpa füi tsao saxdaokya nange mokkox.’

LAIPAO 20:7

“Ochax lom to ku mün Lünle taxchang; chemthüikoxle Jowanpa, ku hünzom Zang-e chichang-chizang lom to ku mün lünkyabu to sikngün apong ang tomüi.

LAIPAO 23:25

Hünzome Jowanpa hünzom Zang, ku to shwomle jangchang, kue süt hia ti füi hünzom to mohimanüi ilaxle hünzom kaklak komkaile paoüi.

TSAITONG-KAXTONG 5:11

“‘Ku mün a ochax lom to taxtwon, chemthüikoxle ku, Jowanpa hünzom Zang-e, othai to ku mün twonle changkya mix pangwüi to sikangünüi

JIHUSUA 23:7

ilaxle hünzom khama danle toxkya mixnok khünakbu füi hünzom tomsax-tommok le chichangüi chichangba hwom baozangbu mün lünle zang chiwünüi chichangba tsaosaxle changpongma ibu mün chilünüi chichangba ibu baozangbu to shwom-to le chichangüi chichangba ibu tong to puinaile chichangüi.

1 SAMUEL 7:3

Israel khünaknu füi Samuel akax: “Hünzom a Jowanpa hato mongchatle jangchang, hünzom mixnok baozangbu hia baozangchabu Astarte chapabu pangwüi füi atsai angkya changle. Hünzome ma alüile Jowanpa chak to ma alüile atsaole bakle koxlax ilaxle chix tata to shwomlax, ile jangchangba chixe hünzom a Filistia nok chak tokya khosünle kopüi.”

1 SAMUEL 20:3

Ikoxlechu Dawid-e lan, “Nange ku to chemtukux akhüix tüipuix ija hünpae awan ngopu, ilaxle chixe ile mok ang aziakya mwot nang hama chiwün angkya chix mong ma Tüile ngole, chemthüikoxle chix mwottho ibu nange jangtsing thüiningle nang mongto huanuma kaküi. Kue ozün ma tüikya Zang mün ma nang hama akaxpu, athax ku ziüima chikap tuita wüi!”

2 WANGHOMBU 17:36

Hünzome Jowanpa, owae hünzom chongkya janzüi füi Ijip nok tokya apüile changpuix, ibu kax ma lax angkya changpu. Hünzom ku tong to akhuxüi ilaxle ku ang töbu koxle changüi.

ISAIA 48:1

Ija to apalax, Israel khünaknu, hünzom Judah su-sa hwom: Hünzome Jowanpa mün ma tsaosax ilaxle Israel nok Zang to shwompule akax — ikoxle hünzome akaxkya kax hünzom ojao chimok.

PONGWANG LAIPEX 24:3

Ku sa hanpakma kakonu ang ikha tokya Kanan naochabu kha angkya münzünpu le, nange ding-hi-hax zingkya Jowanpa mün ma tsaohüi.

TSAITONG-KAXTONG 13:5

Ikoxlechu Jowanpa, owae hünzom Ijip nok to da ang ngokya khosünle apüipuix, chix zan to ka angkya zangwün alaikya khünak owawa wünmang taipa chichangba aje-ahing jangtüi, chix a mik max ang tomkox. Iningkya mix a haxshix changpu; ilaxle Jowanpae hünzom ang ozün ma ngo angkya kaxtom fale tüikya khüzün lomtang angkya othai to hünzom zunle pao angkya a chix mwot chang koxpu. Chix a langle awüt angkya wüi changpu; ikoxtix hünzom a ija haxshix chak tokya azangle ngo ang thoüi.

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.