TSAITONG-KAXTONG 6:12 - OTSAO BAIBEL (BSI)

¹² hünzom da ang achangle ngokya Ijip nok chak tokya hünzom khosünle apüikya Jowanpa münalak-o thüilax.

TSAITONG-KAXTONG 6:12 ပူးပေါင်းရင်းမြစ်များ

LAIPAO 6:6

Ija daile Israel khünaknu ang, kue hwom ang thüile le thüikox, ‘Ku a Jowanpa changpu. Hünzom Ijip nok da ang achangle ngokya chak tokya kue danüi. Kue tüle tsak-zong füikya ku chak makhange hwom hato khomtsikya sikngün apüiüi ilaxle kue hünzom khosünüi.

HUAKE LAIPEX 15:39

Ija sutuae hünzom ang texle atak ang tomüi, ilaxle chemtue hünzome ibu ngünpuix, ku kaxtombu texle ataküi ilaxle ibu kax ma laxle tüiüi; ifüima hünzome ku hato tok ahole tamchu hünzom mongtex hia mongtsukyabu füito azuile münchangüi.

TSAITONG-KAXTONG 4:9

Hünzom khünzaile hunga ngolax! Hünzome ma mik füi ngünle laxdaokya oli, mazi tanto alakle münawüt-ole amonglax. Hünzome su-sabu hama,

2 WANGHOMBU 17:38

ilaxle kue hünzom füi zingkya Tsaotsüt chialak.

MÜNCHUAK-TSAI 59:11

Hwom a taxlangünkox, O Zang, chichangba kwom khünaknue alakle asamüi. Nang janzüi makhange hwom to lütlaxle chiakle sam ang tomkox, O Jowanpa, kwom kho-awapa.

MÜNCHUAK-TSAI 78:7

Ile hwome chuwüi Zang to mongong thom ang thoüi ilaxle chixe mokdaokyabu alakle chiasamüi, ikoxle chix kaxtombu kax ma laxle tüiüi.

MÜNCHUAK-TSAI 103:2

Ku chasa, Jowanpa achuak kox! chix ma chemtukux mongkün-chingcha tüipuix ija taxalak.

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

LAIPAO 13:3

Mosa-e khünaknu ang thüi: “Anyixkya hanpak texle ataklax. Ija nyix kha, Ijip nok to da angkya danle toxlaxle hünzom laile paopu. Ija a Jowanpae chongkya chixtsak-chixzong makhange hünzom alaile paokya din changle. Ija nyix twonkhax awonkya an owaechu chisax angkya changle.

LAIPAO 13:14

Athax füichi ma hünzom naosombue ija olom twonkya a chem hanpakhex le atüikya zuma, hünzome hwom kax to lan angkya changle, ‘Jowanpae chongkya chix tsak-zong makhange Ijip chaxwan tokya kem laile pao ang tomkya changpu. Ikhato kem a dan ang ngole tüikya.

TSAITONG-KAXTONG 4:23

Jowanpa hünzom Zang-e hünzom füi Tsaotsüt tüidaokya hünzome chemtuechu taxalak. Hünzome ma hanpak ang chemchem chapa zingle chichang angkya bama chix kaxtom kax ma laxle tüilax,

TSAITONG-KAXTONG 8:10

Hünzome saxse tsupupu pangwüi ikhato tüiüi, ilaxle chixe hünzom ang koxkya haxzao füikya haxtok bama hünzome Jowanpa hünzom Zang ang münchong faüi.

TSAITONG-KAXTONG 32:18

Hwome hwom Zang, tsak-zong chongkya füi tüikya khosünpa alakle asam, hwom hanpakma tsün koxkya Zang a chix changkya.

KAXFÜNPA-HWOM 2:12

Hwome, Jowanpa, hwom putong hwom Zang, Zang owae hwom Ijip nok chak tokya alaile apüipuix, chix alakle awüt, ilaxle hwom akhople tüikya tomzi nok baozangbu to shwom ang süt. Hwome ibu chitong to akhuxle shwom ilaxle Jowanpa ang mong ama.

2 WANGHOMBU 17:36

Hünzome Jowanpa, owae hünzom chongkya janzüi füi Ijip nok tokya apüile changpuix, ibu kax ma lax angkya changpu. Hünzom ku tong to akhuxüi ilaxle ku ang töbu koxle changüi.

JOB LAIPEX 8:13

Zang chitüikya khünakbu a ibu acha ningle changle; tam Zang alak sheme, hwom monghom samle.

MÜNCHUAK-TSAI 44:17

Kwome nang alakle chichang koxlechu chichangba nange kwom füi zingkya Tsaotsüt chiamale tüikoxchu Ibu pangnu kwome apongle hüipu.

WANWÜNKAX 30:9

Ku ma alüile jangtüi thüiningchu, owatsing, kue nang chem ma lax angle thüiüi. Ikoxle ku mütmix ang jangchangchu, kue ahuxüi ilaxle nang mün amaüi.

ISAIA 17:10

Israel, longnu tuita lailaile nang to tukle khosünle tamchu wintuk-hanthale ngokya Zang nange alakle asamdaoa. Itülüi, nange mixnok baozangbu to shwom angkya hanpakmale otsao tsawatbu azün.

JEREMIA 34:13

Israel nok Zang-e, khünaknu hama wün angkya kax ile akax: “Kue hünpu hünpa hwom Ijip nok chak to dahai ang ngokya danle khangkho angai pongma tsaotsüt tuita zing. Kue hwom füi

HOSIA 2:13

She-e Bal baozang tuntho to so zokle tamchu she likwünbu aza-apua laxle she mowünpabu füito ziküima ku alakle asamkya tu-wan hanpakma kue she to sikangünüi.

KOLOSI 2:8

Khrista makhange chichang homtoxle khünake wünle hüikya tamchu zangfang apünkya chasabu hwon-nwot jaono tokhange nang owaechu üntoxle chemlechu chilaxle khünak owaechu nang da tuita ang chikop angkya bama khünli lax.