TSAITONG-KAXTONG 6:10 - OTSAO BAIBEL (BSI)

¹⁰ “Jowanpa hünzom Zang-e chemle hünzom putong Abraham, Isak hia Jakop hwom füi, chongkya hia ahak-aluale tüikya tingnubu oja hünzome zingle alaikya münchanghex, ibu füi tüikya haxtok koxüile tsaosaxkya ningle changpuix,

TSAITONG-KAXTONG 6:10 ပူးပေါင်းရင်းမြစ်များ

JIHUSUA 24:13

Chemthüikoxle hünzome thomo-manzaile machangkya haxtok tamchu ojao hünzome chizingkya tingnubu kue hünzom ang koxpu. Athax hünzom ikhato ngo ang koppu, ilaxle hünzome otuechu chiküitoxkya zu angkya grep tamchu chithwon toxkya pün angkya olip khaile sax ang koppu.’”

MÜNCHUAK-TSAI 105:44

Chixe hwom ang mix haxtok hwom kux ang kox üntoxle hwom ang ibu haxtokbu lax ang tom,

NEHEMIA 9:25

Nang khünakbue pan zaile ziakop thomkya tingnubu tingtakle lax, haxzao füikya haxtok, tuinabue awangle tüikya homhaxbu, thole achwon daokya tüküibu, olip pünbu, oziak füikya pünbu, ilaxle grep haxtokbu. Hwome saxse tsukya oli pangwüi hwom sax ilaxle tsaktsa dongle nut; nange hwom ang koxkya müikya oli pangwüi füi hwom mongmüile ngo.

MÜNCHUAK-TSAI 78:55

Chix khünakbu nguikya füi tomle ikhato ngokya khünakbu chixe jwonle apao; chixe ija haxtok Israel nok saxthom-homjen bama ahanle lax ang tom ilaxle chix khünaknu ang hwom ngo angkya hom-haxbu kox.

PONGWANG LAIPEX 26:3

Eja chaxwan to nang wünpa tuita ningle ngolax ilaxle ku nang füi tüile. Kue nang to mohimanüi, chemthüikoxle kue nang ang tamchu nangsix-nangli ang haxtok ibu pangwüi kox angkya changle. Ile kue hünpa Abraham füi tsaotsütdaokya ningle mokle wüi shu angkya changle.

PONGWANG LAIPEX 15:18

Ija nyix Jowanpae Abram füi Tsaotsüt laxle thüi: “Ijip shuanu makhange Eufrat shuanu alople ija haxtok kue nang sixlibu ang koxpu.

PONGWANG LAIPEX 28:13

Ikhama Jowanpa chix zui ma ajongle tüikya. Chixe thüi: “Ku a, Jowanpa, Abraham hia Isak nyi Zang changpu. Athax nang jiple ngokya haxtok a, nang ang tamchu nangsix-nangli hwom ang kox angkya changpu.

TSAITONG-KAXTONG 9:1

“Israel khünaknu, apalax! Anyix hünzome Jordan shuanu tale lelaxle hünzom füi ngaxchu süchongkya tamchu sütsak-süzongle tüikya jat-libu chaxwan le ngole hüikya haxtok hünzome laxüikhakha. Hwom tingnubu a tüle chongle ilaxle hwom panbu a zangkho to thule long füi tuklaxle tüile.

TSAITONG-KAXTONG 19:1

“Jowanpa hünzom Zang-e hünzom ang koxle ngokya haxtok ma tüikya mixnokbu amütle changkya füima tamchu hünzome ibu tingnu hia hom-haxbu koplaxle tingtan-nokzingle ngokya füima,

TSAITONG-KAXTONG 31:20

Kue hwom putong hwom füi tsaotsüt daokya ningle kue hwom ang ija ahak-aluale tamchu haxzaoe awangle tüikya haxtok to apüiüi. Ikhato hwom ang hwome alomlom sütli tüiüi ilaxle hwom mongtex ma shale ngo ang kopüi. Ikoxle hwom a mixnok baozangbu to sho ang anongle paoüi. Hwome ku awütüi ilaxle ku füikya Tsaotsüt amaüi.

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 6:18

Jowanpae changle tamchu sule le athüithüi pangwüi moklax, ile jangchang thüiningle hünzom a kuimüi-zangmale ngoüi. Hünzom putong hwom ang Jowanpae tsaosaxle changdaokya haxzao füikya haxtok hünzome kop ang thoüi,

TSAITONG-KAXTONG 6:23

Kem putong hwom füi tsaotsütkya tüikya ningle kem ang ija haxtok koxangle kem ikhato apüi angkya hanpakmale kem dan ang tom.

TSAITONG-KAXTONG 8:12

Chemtue hünzome alomlom pangwüi atak tamchu hom-hax müile zinglaxle ngo ang kople changüihex,