TSAITONG-KAXTONG 5:5 - OTSAO BAIBEL (BSI)

⁵ Ipongma chixe chem akaxpuix, ija hünzom hama wünle fa angkya hanpakma ku a Jowanpa hia hünzom obama ajongpu, chemthüikoxle hünzom a wün thua zalaxle haxnukho to dong ang chitho. “Jowanpae thüi:

TSAITONG-KAXTONG 5:5 ပူးပေါင်းရင်းမြစ်များ

GALATIA 3:19

Jangchangba, wanlom thomkya chem hanpak? Ija a thaikya chemhex ija aho angkya obo, üntoxle ija a Zang kaxtsao owa ang koxle thomlaxpuix, ija Abraham sixli mahüikya bama ngo angkya hanpak changle. Wanlom a pongtai mix chak tokhange kaxtaimixbue apongle fakya.

LAIPAO 19:16

Nyix azom lükya anopningle zangtsak-zangdung hüi; tüle shixkya zangfwom tuita haxnukho to lai üntoxle tüle zongkya nyazong mütkya ozing atat ang kop. Pom ma tüikya khünaknu pangwüi za.

IBRI 9:24

Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

JEREMIA 30:21

Hwom thak ma apün ang hwomkha angkya wüi ngaiüi, hwom wanghom ang hwomkha angkya ngaiüi. Kue sepongma chix ku hato hüiüi, chemthüikoxle chinyakkya mix ku hato owa mongchongle hüiüi? Hwom a ku khünaknu ang changüi, ilaxle ku a hwom Zang ang changüi. Ku, Jowanpae ija akaxdaoa.”

MÜNCHUAK-TSAI 106:23

Chemtue Zang-e chix khünaknu amütüile thüipuix, ipongma chixe zünle kopkya Mosa Zang füi apüile ajong ilaxle hwom olithule amase chix mongtsik abaxle achat.

TSAITONG-KAXTONG 5:27

Chatkox, Mosa, ilaxle Jowanpa kem Zang-e akaxkya pangwüi atatle kop-hüi. Ilaxle chixe nang füi chempang akaxpuix ibu kwom hama wünle fahüi. Kwome ija to apaüi ilaxle ija kax ma laxle tüiüi.’

HUAKE LAIPEX 16:48

Ijae ija kak abax, ilaxle chix a omang hia ozün nyi bama danle tox.

PONGWANG LAIPEX 18:22

Ifüima mixsün anyi a Sodom hia Gomorah chito ju ang achex ikoxle Jowanpa a Abraham füi ikhama tox.

LAIPAO 19:21

Mosa ikhato dong. Jowanpae chix ang thüi: “Ku to hu angle longzi akaile chihüi angkya bama julaxle khünaknu ang kaxkhün koxle changkox. Longzi kaile jangchang thüiningle khünak ibu a zi angkya changle.

LAIPAO 19:25

Mosa ju ilaxle Jowanpae chix füi akaxkya pangwüi khünaknu hama wün.

2 WANGHOMBU 18:4

Chixe Bal baozang to shwomkya onuibu ama, longlo küikyabu ama ilaxle baozangchanu Asherah chapa dakle atsun. Chixe Nehushtan le nyakkya khop füi Mosa-e zingkya pe chuwüi akhixle awüt. Ija tuk kople Israel noke ija achuakle ongan müikya so zokle shwomle tüikya.