TSAITONG-KAXTONG 5:29 - OTSAO BAIBEL (BSI)

²⁹ Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

TSAITONG-KAXTONG 5:29 ပူးပေါင်းရင်းမြစ်များ

ISAIA 48:18

“Hünzome ku kaxtombu kax ma laxle jangchang! Hünzom hanpakma mohiman a thokle-thokle jense chemtuechu chizopkya shuasa jajen ningle a! Hünzome zan to lütkya tüise tinu kax to tichap hüikya ningle a.

TSAITONG-KAXTONG 11:1

Jowanpa hünzom Zang to mongkünkox ilaxle othuithuima chix wanlombu kax ma laxle tüikox.

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

KAXHO MÜIKYA LUK 19:42

“Nange anyixkha mongsom tüi angkya bama laxli awanle koppuix thüikoxba! Ikoxle athax nange ija ngün ang chitho!

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

TSAITONG-KAXTONG 5:16

“‘Ku, Jowanpa nang Zang-e nang ang kaxtom koxkya ningle, nang ma manu hia mapa thua zakya tüilax, ikoxtix nang füi pangwüi müile tüiüi tamchu kue hünzom ang koxkya haxtok ma hünzom tsünlo-khothole ngo ang kopüi.

2 KORIN 5:20

Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

JAKOP 1:25

Ikoxlechu khünaknu ang khangkho angai le koxkya sukya wanlom to hu üntoxle atat zaza laxle asam le chichang homtoxle mong ma tikshingshing le kop üntoxle mwot ang achangle mokle jangchang thüiningle, nange mokkya mwotlom pangwüi ma nang to Zange mohimanüi.

EFISIA 6:3

“Nang shomüi wanmüi le tamchu tsünlo khothole chang angkya hanpakma” lükya kaxtom azuile hüipuix.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

JUHAN 15:14

Kue hünzom ang chem kaxtom fapuix, ija hünzome jangmok thüiningle, hünzom a ku zongto zuikhui changpu.

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

MÜNCHUAK-TSAI 106:3

Chix kaxtombu kax ma laxle tüikyabu mohiman changpu, othuithuima sukya mwot mokkyabu mohiman.

MÜNCHUAK-TSAI 19:11

Ibue, ku, nang dapa ang tsing-wankya koxle; Ibu kax ma laxle tüikya khoma ku to mohimanle.

RUT LAIPEX 3:1

Hanpak noxta lekya füima Naomi-e Rut ang thüi: “Nang ang ma homkha tüile ngo angkya hanpakma kakopa tuita lomle atak angkya changle.

TSAITONG-KAXTONG 22:7

Nange hosa lax ang tsuak ikoxle honu a danle apao angkya wüi changpu; ile changkox tix nang tsünlo-khothole tamchu ahak-aluale ngo ang kopüi.

TSAITONG-KAXTONG 19:13

Chix to chingcha aho angkya jao münchang. Ija mix mik amütdaokya khünak füi Israel khünakbu a atsaile ngo angkya changle. Ile changkox tix hünzom a kuimüi zangmale ngo ang thoüi.

TSAITONG-KAXTONG 12:28

Kue chempang kaxtom fale changdaopuix ibu pangwüi kax ma laxle tüilax, ikoxle othuithuima hünzom hia hünzom su-sabu kuimüi-zangmale ngo ang kopüi, chemthüikoxle hünzome Jowanpa hünzom Zang zongto müikyakya hia sukyakya mokle ngo angkya changle.

TSAITONG-KAXTONG 12:25

Hünzome ija kaxtom kax ma laxle jangtüi thüiningle, Jowanpa ang mongmüikya tüiüi, ilaxle hünzom hia hünzom su-sabu pangwüi kuimüi zangmale ngoüi.

TSAITONG-KAXTONG 6:18

Jowanpae changle tamchu sule le athüithüi pangwüi moklax, ile jangchang thüiningle hünzom a kuimüi-zangmale ngoüi. Hünzom putong hwom ang Jowanpae tsaosaxle changdaokya haxzao füikya haxtok hünzome kop ang thoüi,

TSAITONG-KAXTONG 6:3

Ibu kax ma laxle tüilax, hünzom Israel khünakbu, ilaxle ibu kax ma laxle tüilax! Ile jangchangba hünzom füi pangwüi müile hüiüi, ilaxle hünzom a chongkya jat-li tuita ang changüi ilaxle ija ahak-aluale haxzao füi tüikya haxtok ma ngoüi; ija a kem putong hwom Zang, Jowanpa chix kaxtsao ningle changüi.

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

TSAITONG-KAXTONG 5:30

Paokox ilaxle hwom thongnui pom to chat angkya akaxkox.

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

MÜNCHUAK-TSAI 78:7

Ile hwome chuwüi Zang to mongong thom ang thoüi ilaxle chixe mokdaokyabu alakle chiasamüi, ikoxle chix kaxtombu kax ma laxle tüiüi.

JEREMIA 42:6

Ijae kwom ang mongzom chiamüikoxlax amüikoxlax, kwom hanpakma ma nang ang owa to jop-hüile kwome atsang ngopuix, ija Jowanpa kwom Zang kax ma kwome lax angkya jao changpu. Kwome chix kax ma laxle tüikoxtix wüi kwom zongto jalinusa müile hüi angkya changpu.”

TSAITONG-KAXTONG 4:2

Kue hünzom ang fakya kaxtom boma janbo taxtüi ilaxle ikha angkya tütalichu awütle taxchang. Kue hünzom ang fadaokya Jowanpa hünzom Zang kaxtombu kax ma laxle tüilax.

TSAITONG-KAXTONG 4:10

‘Khünaknu sele asoxhüi. Hwom mazi tanto ku kax ma laxle tüi angkya awanle naxkoplax ang tamchu ilailaile mok angkya hwom su-sabu hama anwot-anole naxtoxlax ang, kue hwom füi wünse lükya zangwün hwome apale naxkop’ le Sinai Haxnukho ma hünzom Jowanpa chix ngwotnui ma ajongkya bama wünle laxkox.

TSAITONG-KAXTONG 6:17

Chixe hünzom ang koxle thomkya wanlom pangwüi kax ma laxle tüi ang-o thüilax.

TSAITONG-KAXTONG 8:6

Idaile, Jowanpae hünzom ang kaxtom chemle koxpuix, ile moklax; chix wanlom ningle ngolax ilaxle ibu kax ma laxle tüilax.

TSAITONG-KAXTONG 10:12

Athax a, O Israel khünaknu, Jowanpae hünzom ma chem jupuix ija to apalax: Jowanpa to shwom-to le changlax ilaxle chix kaxtom ma pangwüi moklax. Hünzome ma kün-hi-mong bakle koxle chix to mongkünkox tamchu chix thothakox,

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

1 PUKAX-PANGAO 29:18

Kwom putong Abraham, Isak, hia Jakop, hwom Khüthak Zang, nang khünaknu mong khama iningkya haxjop-zangkhom jento janzüi tüikya füi ngo ang tomkox ilaxle jento nang to mongong tüikya füi ngo ang tomkox.

MÜNCHUAK-TSAI 19:12

Kem owaechu ma thaikyabu mae alüile ngün ang müntho; Jowanpa, thaikya khomle thomkyabu chak tokya ku azünhüi!

MÜNCHUAK-TSAI 81:16

Ikoxlechu kue hünzom a müikya wonglai sax füi tuxüi üntoxle fao nax-tibu füi hünzom mongzom-müi ang tomüi.”