TSAITONG-KAXTONG 5:16 - OTSAO BAIBEL (BSI)

¹⁶ “‘Ku, Jowanpa nang Zang-e nang ang kaxtom koxkya ningle, nang ma manu hia mapa thua zakya tüilax, ikoxtix nang füi pangwüi müile tüiüi tamchu kue hünzom ang koxkya haxtok ma hünzom tsünlo-khothole ngo ang kopüi.

TSAITONG-KAXTONG 5:16 ပူးပေါင်းရင်းမြစ်များ

LAIPAO 20:12

Manu hia mapa chathua zale tüikox, ikoxle tix kue hünzom ang koxkya haxtok ma hünzom tsünlo-khothole ngo ang kopüi.

KOLOSI 3:20

Naosombu, jento manu hia mapa kax ma laxle ngo angkya hünzom khristanbu mwot changle. Chemthüikoxle ija a tuita Zang mong amüi angkya mwot changle.

TSAITONG-KAXTONG 27:16

“‘Owae manu hia mapa kax ma chilaxle tüipuix, Zang-e chix to thuakzomle changkox!’ “Ilaxle noknusae lanüi, ‘Amen!’

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

KAXHO MÜIKYA LUK 18:20

Nange Zang Kaxtom ibu awanle ngopu: Chinunchakkai taxtüi, mix taxlang, taxahux, mixkho taxhang, manu mapa chathua zalax.”

LIWI 19:3

Hünzome pangnusae wüi manu hia mapa chathua zale tüi angkya changpu, üntoxle Sabath nyix nuiüi. Ija a, ku, Jowanpa, hünzome Zang-e fakya kaxtom changle.

MARK 10:19

Nange kaxtom ibu awan ngopu: Mix taxlang; chinunchakkai taxtüi; taxahux; chichang khato othai huxfe le taxchang; ngan-jut le taxlax; hünpa hia hünnu nyi thua zalax.”

MARK 7:10

Chemthüikoxle Mosa-e thüi: ‘Manu mapa chathua zakox; ilaxle owae manu mapa thuakzomle changüi hex, chix mik amüt dao!’

MATHI 19:19

manu mapa chathua zalax; ilaxle ma tomzi to ma ningle mongkünlax.”

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

TSAITONG-KAXTONG 11:9

Ilaxle Jowanpae hünzom putong hwom hia hwom su-sa hwom ang koxüihex-ole tsaokya haxtok ma hünzom tsünlo-khothole ngo ang thoüi.

EZEKEL 22:7

Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

TSAITONG-KAXTONG 6:2

Hünzom ozün ma ngokya kople, hünzom tamchu hünzom su-sa hwome hünzom Zang Jowanpa achuak-achenle tüi angkya oli changle. Hünzom ija haxtok ma tsün-khothole ngo angkya hanpakma kue hünzom ang fakya chix wanlombu pangwüi kax ma laxle tüilax.

WANWÜNKAX 3:1

Ku sa, kue nang hama anwot-anole fakya taxalak. Kue chem mok ang akaxpuix ija jento mong ma kople thomlax.