TSAITONG-KAXTONG 5:14 - OTSAO BAIBEL (BSI)

¹⁴ ikoxle anüt lükya nyix a ku hanpakma atsaole thomkya nyix changpu. Ija nyix a owaechu mwot chimoküi: Hünzomechu, hünzom naosomechu, hünzom dabuechu, hünzom müibuechu, hünzom haxtok ma ngole tüikya mixnokbue ngaxchu münmok angkya changpu. Chemle nange nazak laxpuix ija ningle nang dabuechu nazak lax angkya changle.

TSAITONG-KAXTONG 5:14 ပူးပေါင်းရင်းမြစ်များ

IBRI 4:4

chemthüikoxle Otsao Lai ojongjong ma ija a nyix anüt bama wünle: “Nyix anüt lükya to chix mwot pangnu tokya Zang nazak.”

PONGWANG LAIPEX 2:2

Nyix anüt lükya to chix mwot tsuaklaxle Zang ang chakngai.

LAIPAO 23:12

“Hatdang ma nyix azok mwot mokkox ilaxle nyix anüt lükya to mwot chemchu taxmok; ile hünzom dabu üntoxle mixnokbu opange hünzom hanpakma mwot mokle koxpuix hwomchu nazak ang kopüi.

NEHEMIA 13:21

Kue hwom ang kaxkhün koxle thüipu: “Ikhama hünzom ngainopkya zangngai tanle nuikya chem olüi müntüi. Hünzome anaole chuwüi ile mok ang jang-azong, kue hünzom a zong ma laxle jwonle apaoüi.” Ija makhange hwom Sabath nyix tamchatle münhüi.

NEHEMIA 5:5

Kwom chuwüi mama Judah khünakbu füi lita-kanta changpu. Hwom su-sabu ningle kwomsu-kwomsa hwom a münmüi le hia? Ikoxle kwome masu masabu da ang achang angkya laipu. Züizüi kwom sacha hwom a da ang hangle changdaoa. Manzai haxtok hia grep haxtok, ibu kwom chak tokya apao koplaxle kwom a chingcha ashukkya chifün ma tüile.”

NEHEMIA 13:15

Ipongma Judah angkya khünaknue Sabath nyix grepti-ju fyetkya kue ngünle lax. Mamabue saxziak, grepti-ju, grep ziak, fupsa ziak, ilaxle mama mwotkatbu mantsakbu ma hünzing laxle ibu a Jerusalem to paole ngokya; Sabath nyix chemchu hang-jole chichang angkya kue hwom ang kaxkhün kox.

MARK 2:27

Ilaxle Jisu-e ashuk: “Nazak nyix a khünak hanpak ang zingpu, ikoxle khünak mix nazak nyix hanpak angle münchang.

KAXHO MÜIKYA LUK 23:56

Ilaxle hwom chat, üntoxle mang to paküli ongan müikya müngabu achwon. Üntoxle nazak nyix Wanlom ma tüikya ningle hwomchu wüi nui.

LIWI 23:3

Hünzom ang ma mwot mok angkya hanpakma nyix azok tüile, ikoxle nyix-anüt lükya a Sabath nyix, nazakle nui angkya nyix changpule texle ataklax. Ija nyix a mwot taxmok, ikoxle zangshwom ang asoxlax. Nang tütajongkha towüi ngole asukoxlax, Sabath a Jowanpa kux changle.

TSAITONG-KAXTONG 5:13

Hünzom ang ma mwot mok angkya hanpak nyix azok tüipu,

NEHEMIA 13:16

Tair tingnu angkya khünak züizüi Jerusalem ma ngole tüikya, ilaxle hwom Sabath nyix kwom khünakbu ang hang ang nyax hia mama mwot-katbu tingnu to apüi.