TSAITONG-KAXTONG 5:10 - OTSAO BAIBEL (BSI)

¹⁰ Ikoxlechu ku to mongkün laxle ku wanlombu kax ma laxle tüikyabu hato tsünthom to lünle kue ku mongkün ahole.

TSAITONG-KAXTONG 5:10 ပူးပေါင်းရင်းမြစ်များ

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

JEREMIA 32:18

Nange chizakle nang mongkün ojat-ojat hato ahopu, ikoxle hwom pupa hwom ochaxbu khoma nange khünaknu to sikchu angünpu. Nang a tüle tsak-zongle tüikya Zang tuita changle; nang a Khüthak Jowan Zang changpu.

JAKOP 1:25

Ikoxlechu khünaknu ang khangkho angai le koxkya sukya wanlom to hu üntoxle atat zaza laxle asam le chichang homtoxle mong ma tikshingshing le kop üntoxle mwot ang achangle mokle jangchang thüiningle, nange mokkya mwotlom pangwüi ma nang to Zange mohimanüi.

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

JUHAN 15:14

Kue hünzom ang chem kaxtom fapuix, ija hünzome jangmok thüiningle, hünzom a ku zongto zuikhui changpu.

DANEL 9:4

Kue Jowanpa ku Zang to zangjop ilaxle ku khünaknu ochaxbu bama thailak tüihüile ju. Kue thüi: “Jowan Zang, nang a chongkya changle, ilaxle kwome nang achuak-achenpu. Nange nang kaxtsao bama chialekya mongong füi ngo ilaxle nang to mongkünkyabu hia nang kaxtom kax ma laxle tüikyabu hato chizakle mongkün aho.

JUHAN 14:15

“Hünzome ku to mong jangkünba, hünzome ku kaxtombu kax ma laxlax.

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

LAIPAO 34:7

Kue ku kaxtsao tsünthom-tsünthom to kople thomle ilaxle chichang-chizangkya hia ochax mwotbu thailakkya tüile; ikoxlechu hopu-hopa hwom ochax khoma kue hwom sutai-sulai tsün kople sikngün chifa homtoxle müntox.”

HUAKE LAIPEX 14:18

‘Ku a Jowanpa, chwonle mongtsik-mongmakya mix münchang, kue mongkün hia mongong ahopu tamchu ku zongto ochax lyenkya hia chichang-chizangle tüikyabu thaikya alakpu. Ikoxle chutix hwom pupa hwom ochax khoma, hwom su-sabu to sutai-sulai alople kue sikngün chifa homtoxle münngo’ le akax pongkya nangtsak-nangzong ngaile ahohüi.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

JIHUSUA 22:5

Mosa-e hünzom ang koxle toxkya wanlom: ‘Jowanpa hünzom Zang to mongkünkox, chix mongtex mokkox, chix kaxtombu kax ma laxkox, chix to mongong tüile ngokox, ilaxle hünzom kün-mong hia chasa pangnu makhange chix thothakox; le tüikyabu kax ma laxle-ole azongkox.’”

MÜNCHUAK-TSAI 103:17

Ikoxlechu opange Jowanpa chathua zale tüipuix, hwom hanpakma chix mongkün jento ngo, ilaxle chix müikya tsüntsün to ngo;

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

TSAITONG-KAXTONG 7:12

“Hünzome ibu kaxtom to na thale apalax tamchu mongong tüikya füi ibu kax ma laxle jangchang, Jowanpa hünzom Zang-e, hünzom füikya Tsaotsüt thomüi ilaxle hünzom putong hwom füi tsaosax daokya ningle hünzom ang chixe chizakle mongkün ahokya tüiüi.