TSAITONG-KAXTONG 4:9 - OTSAO BAIBEL (BSI)

⁹ Hünzom khünzaile hunga ngolax! Hünzome ma mik füi ngünle laxdaokya oli, mazi tanto alakle münawüt-ole amonglax. Hünzome su-sabu hama,

TSAITONG-KAXTONG 4:9 ပူးပေါင်းရင်းမြစ်များ

TSAITONG-KAXTONG 6:7

Nang hom ma ngopongma tamchu nang kotho to ngopongma, nange nazak laxle ngopongma tamchu nange mwot mokle ngopongma, ibu a nange naosombu hama anwot-anole changkox.

TSAITONG-KAXTONG 11:19

Ibu a hünzome su-sabu hama anwot-anole changkox. Hünzome hom ma ngopongma, hünzom lomba to tüipongma, hünzome nazak laxpongma tamchu hünzome mwot mokle ngopongma, ibu bama zangwünkya tüikya.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

TSAITONG-KAXTONG 32:46

chixe thüi: “Anyix kue hünzom ang koxkya kaxtom pangwüi kax ma laxle-ole thüilax. Hwome chu mongong tüikya füi Zang hwon-nwot pangwüi kax ma laxle naxtüi lax ang ibu naosombu hama chatchatnaole wünkox.

EFISIA 6:4

Honu hopa hom, hünzome ma naosom to hwom mongma adün angkya olom taxmok. Itülüi, Jowanpa zongma müikya olom ma hwom ajung atangle zünsaikox.

TSAITONG-KAXTONG 29:29

“Kem Jowanpae pyenle thomkya tütali tütüile; ikoxle chu chixe chix Wanlom ngaile ahodaoa, ilaxle kem tamchu kem su-sa hwome ija kax ma jento laxle ngo angkya wüi changpu.

WANWÜNKAX 23:26

Müile mongkoxle apalax, sasün, ilaxle ku tsün a nang hanpakma tuita apyen angkya ang naxchang.

MIKNGÜN-OHÜN 3:3

Idaile nang hama chem anwot-ano daopuix ilaxle chempang atat daopuix; ija kax ma laxlax ilaxle hünzom ochaxbu tokhange chatlax. Nang chizo jangthüiba nang hato ku ahuxmix ningle nguiüi, üntoxle ku otue nguiüihex ija hanpak hünzome awan ang müntho.

WANWÜNKAX 1:8

Ku sa, hünnu hia hünpa hwome nang füi akaxkya to nathale apalax.

MÜNCHUAK-TSAI 71:18

Athax ku azudaoa ilaxle kho thole changdaoa, O Zang, ku danle taxtox! Kue nang tsak-zong hia janzüi bama khuapule changpongma ku füi ngohüi hüile ngokya tsüntsün ma a.

IBRI 2:1

Ikhoma keme atatle hüidaokyabu otsingtsing to shingmongle künkop angkya changle, ikoxtix kem tswonle münpaoüi.

WANWÜNKAX 3:21

Ku sa, nang je-hwon hia mongje to künle thomlax. Ibu otuechu nang angkya atsaile pao ang taxtom.

MÜNCHUAK-TSAI 119:11

Kue nang zongto ochax chilyen angkya hanpakma kue nang wanlom ku mongkha ma thompu.

JIHUSUA 4:21

Chixe Israel khünaknu ang thüi: “Athax füichima, su-sabue ija long chem hanpak-hexle atüikya zuma,

WANWÜNKAX 7:1

Ku sa, kue akaxkya kax texle ataklax ilaxle ku mok ang akaxkya otuechu taxalak.

IBRI 2:3

Ikoxlechu ipong chongkya khosün bama mong chikoxba kem azangtsuak angchami? Ija khosün pongwang ma Zang chixjaoe apuk, üntoxle chix kax to apakyabu kem ang ija otsing changpu le ahole.

ISAIA 38:19

Athax kue nang achuakkya ningle, nang achuak angkya a ozün ma ngokyabue tix. Nu-pa hwome naosombu hama chialekya nang mongong bama wün.

TSAITONG-KAXTONG 4:23

Jowanpa hünzom Zang-e hünzom füi Tsaotsüt tüidaokya hünzome chemtuechu taxalak. Hünzome ma hanpak ang chemchem chapa zingle chichang angkya bama chix kaxtom kax ma laxle tüilax,

JAKOP 2:22

Chix mongong hia mwot nyi tomle mokkya; chix mongong chix mwot makhange okhonguikya ang achang; ibu nange ngünpu.

TSAITONG-KAXTONG 31:19

“Athax, ija tsai zale koplax, Ija a Israel nok hama anole laxkox, ikoxtix ija a hwom hanpakma manwan tuita ang ngoüi.

KAXHO MÜIKYA LUK 8:18

“Ijadaile, hünzome atatkya ningle khünzai lax; chemthüikoxle owama muale tüipuix chix ang aluile koxüi, ikoxle owama chitüipuix, chix ma tüipule texngokya sasa ngaxchu bakle paoüi.”

JIHUSUA 1:18

Owae nange apün-adakya to atüi-atuale changüihex chichangba nang kaxtom tütali kax ma chilaxle abaüihex, chix a mik max ang tomüi. Mongzangwünle tsuaklax tamchu mongong thomlax!”

TSAITONG-KAXTONG 4:15

“Chemtue Sinai Haxnukho tokhange Jowanpae hünzom füi wün makhange akaxle changpuix, hünzome tütali ningkyachu chingün. Hünzom zongma müi angkya hanpak ang malualua to khünzailax,

LAIPAO 10:2

Anaole chu ohünotün mwot makhange kue Ijip nok wanghompa ongat ang achangpuix, ija bama nange hünsu-hünsa hwom hama wün angkya hanpakma ile changpu. Ile changkox tix hünzom pangnusae wüi ku a Jowanpa changpule awanüi.”

LAIPAO 23:13

“Jowanpa kue akaxkax to hünzome nathale apalax. Mama baozangbu to taxjop; ibu mün ngaxchu taxlün.

TSAITONG-KAXTONG 4:10

‘Khünaknu sele asoxhüi. Hwom mazi tanto ku kax ma laxle tüi angkya awanle naxkoplax ang tamchu ilailaile mok angkya hwom su-sabu hama anwot-anole naxtoxlax ang, kue hwom füi wünse lükya zangwün hwome apale naxkop’ le Sinai Haxnukho ma hünzom Jowanpa chix ngwotnui ma ajongkya bama wünle laxkox.

TSAITONG-KAXTONG 6:2

Hünzom ozün ma ngokya kople, hünzom tamchu hünzom su-sa hwome hünzom Zang Jowanpa achuak-achenle tüi angkya oli changle. Hünzom ija haxtok ma tsün-khothole ngo angkya hanpakma kue hünzom ang fakya chix wanlombu pangwüi kax ma laxle tüilax.

TSAITONG-KAXTONG 6:12

hünzom da ang achangle ngokya Ijip nok chak tokya hünzom khosünle apüikya Jowanpa münalak-o thüilax.

TSAITONG-KAXTONG 6:20

“Athax füichi ma hünzom su-sabue hünzom ma atüiüi, ‘Chemthüikoxle Jowanpa kem Zang-e ibu wanlombu pangwüi kax ma laxle tüi angkya kem ang kaxtom koxle tüipuix?’

TSAITONG-KAXTONG 8:11

“Hünzome Jowanpa hünzom Zang chemtuechu taxalak; ilaxle anyix kue hünzom ang koxkya chix wanlombu kax ma chilaxle otuechu taxtüi.

TSAITONG-KAXTONG 8:14

hünzom taxngam tamchu hünzom a da ang thomkya Ijip nok chak tokya hünzom khosünle dale apüikya Jowanpa hünzom Zang otuechu taxalak.

TSAITONG-KAXTONG 12:1

Jowanpa, hünzom putong hwom Zang-e hünzom ang koxkya wanlom ibibi changle. Ibu kax to nathalax!

TSAITONG-KAXTONG 16:3

Chemtue hünzome ija Kaitox Pangpwon saxle changüihex, twonkhax awon zingkya ankhao taxsax, chemthüikoxle nyix-anüt mong ma hünzome an a twonkhax chiawon homle zingkya tix sax angkya changle. Hünzome ipongpong nonokhaile Ijip nok dantox pongma ngaxchu ile wüi mokpu. Iningkya an saxlax, ija ang sikngün an le nyaküi: ikoxtix hünzome hünzom mazi tanto hünzom Ijip nok angkya laile paokya nyix tamchu ija sikngün ashukle ngole hüikya haxtok chialaküi.

TSAITONG-KAXTONG 17:19

Chixe ija laipex chix zui ma thomüi ilaxle tsün-tsün ma e-le ngoüi, ikoxtix chixe monge sung-zaokya hia chix thua zakya füi ija ma fale tüikya kaxtom lailaile Jowanpa kax ma laxle tüi angkya awanle laxüi.

KAXFÜNPA-HWOM 3:7

Israel noke Jowanpa, hwom Zang alakle awüt; hwome chix zongto ochax lyen ilaxle Bal hia Asherah chapabu to shwom.

KAXFÜNPA-HWOM 8:34

ilaxle hwom akhople tüikya tomzi nok zanpabu chak tokya hwom khosünle thomkya Zang, Jowanpa thothakya danle tox.

JEREMIA 17:21

Hwome hwom khüzün to mongkünle jangtüi, hwome Sabath nyix hün chemchu chihün angkya oli; hwome Jerusalem zünkaibu makhange tütalichu hün laxle münngui angkya changpu

JIHUSUA 23:11

Idaile, Jowanpa hünzom Zang to mongkün angkya bama khünkhilax.

ISAIA 42:20

Israel, hünzome müimamale ngünle laxdaoa, ikoxle ijae nang zongto chem chang? Atat angkya hanpakma nang ma na tüipu, ikoxle hünzome chemtom tata atatle lax?”