TSAITONG-KAXTONG 4:6 - OTSAO BAIBEL (BSI)

⁶ Mongongkya füi ijabu kax ma laxle tüilax, ilaxle ija makhange mama mixnokbu hato, hünzom chemtukuxle jetüi-hwonlangkyabu hex, aho ang tsuaküi. Ibu wanlom pangnu bama chemtue hwome atatle changüihex, hwome thüiüi, ‘Ija tüle chongkya jat-li tuita ma jetüi-hwonlangkya huanu changa!’

TSAITONG-KAXTONG 4:6 ပူးပေါင်းရင်းမြစ်များ

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

MÜNCHUAK-TSAI 111:10

Jepa tuita ang achang angkya olom a Jowanpa chathua za angkya changle; chix kaxtombu kax ma laxle tüikyabu ang chixe tsaothakya kaxfün fale. Chix a othuithuima achuak angkya wüi changle.

2 TIMOTHI 3:15

ilaxle nang naosa ma tüitanto wüi, nange Otsao Lai awanle hüipu, chempange nang ang Khrista Jisu to mongongkya makhange atak angkya khosün hato zun ang je-hwon fa ang thopuix, ibu ma akhax akhün le thompu.

1 WANGHOMBU 4:34

Chaxwantok angkya wanghombue chix hwon-je bama atat ilaxle chix tsai chix kax to apa ang khünakbu ngui.

JAKOP 3:13

Hünzom khama tsingwankya hia jetüi hwonlangkya mix owawa tüicha? Chixe puinaikya hia je-hwon füi mwotmüi mokkya hia tsün müile ngokya tokhange ija kaxkhi fa angkya changle.

JEREMIA 8:9

Hünzom jepabu a zak-kop ang tompu; hwom ang kho asamdaoa ilaxle tsün ma amandaoa. Hwome ku kaxbu chilaxle awüt; ikoxle athax hwom ma chemningkya je-hwon tüile ngo?

WANWÜNKAX 1:7

Jetüi-hwonlangle chang angkya hanpakma nang owangpa ma Jowanpa thua zakop angkya changpu. Angabue je-hwon chathua zale münchang ilaxle tsing-wanle münchangpu le angamle.

MÜNCHUAK-TSAI 19:7

Jowanpa Wanlom a okhonguikya changle; ijae janzüi hozün koxle. Jowanpa kaxtombu a mongong tüikya wüi changle, je chitüikyabu ang je kox.

MALAKI 3:12

Ifüima pangnu jat-li angkya khünaknue hünzom ang mongmüi mixbu le nyaküi, chemthüikoxle hünzom haxtok a ngo ang amüikya haxtok ang changüi.

DANEL 1:20

Wanghompa-e tüningkya kax atüi chichangba tüningkya khosam ahüi koxlechu, ibu mixsün hwom ali zongto chemchu chichang chemthüikoxle hwom haxtok angkya jenu-shipabu pangwüi to thombün-thomtsae nüile pangnuli hwome tikle ngo.

WANWÜNKAX 14:8

Tsingtsang füikya khünak ma je büthüikoxle tüipuix? Chixe chem mok angkya hex ija awankoxle. Angapa a ongat ang büthüikoxle changpuix? Ija a chixe pangwüi tikle ngole thütkya khoma changle.

DANEL 4:9

Belshazzar, jenu-shipa khama akhokya mix, nang ma, ku hato wünmang ma ahokya baozangbu chasa nang ma tüile ilaxle nange kue wünmang chito ngünkya huxsa zangwün pangwüi tsingle thoüile ongpu. Ija a Ija chem hanpak hex ku hama wünhüi.

TSAITONG-KAXTONG 29:9

Ija tsaotsüt ma tüikya wanlom pangwüi kax ma laxle tüikox, ile changkox tix mokkya mwottho pangwüi ma hünzom tho-lünle tüiüi.

TSAITONG-KAXTONG 32:46

chixe thüi: “Anyix kue hünzom ang koxkya kaxtom pangwüi kax ma laxle-ole thüilax. Hwome chu mongong tüikya füi Zang hwon-nwot pangwüi kax ma laxle naxtüi lax ang ibu naosombu hama chatchatnaole wünkox.

TSAITONG-KAXTONG 32:47

Ibu hwon-nwot a zangwün ohuabu münchang; ibu a hünzom khüzün tomtata changpu. Ibu kax ma laxlax ilaxle Jordan shuanu talaxle hünzome kop angkya haxtok ma hünzom tsünlo-khothole ngoüi.”

EZEKEL 5:5

Jowanpa Khüthak Zang-e thüi: “Jerusalem to hulax. Kue she a, mama tingnokbue akhople chaxwannu osungkha ma danpu.

HOSIA 8:12

Hwom hanpakma kue e-ang chithole anwot-anokya kaxbu zale toxpu, ikoxle hwome ibu otuechu chingünkya oli tamchu mixnok wünpa ningle chilaxle awüt.

MÜNCHUAK-TSAI 19:8

Jowanpa wanlombu a otsingtsing changle, üntoxle ibu kax ma laxle tüikyabu ang mongmüi tüile. Jowanpa kaxtombu a sukya changle üntoxle tutex ma atsing-awankya koxle.

WANWÜNKAX 1:4

Ijabue jali apongle hüidaokya khünakbu ma tsingtsang zaile chang ang tamchu tsünzün thom ang chemle sütlom-mwotlom awanle tüi ang tomüi.

WANWÜNKAX 1:5

Wanwün-kax ibue jepabu je-hwon to janbo lang tamchu laitsing-ngakman mix lomzunle chang ang tsuakle,

WANWÜNKAX 14:34

Otsaoe jat-li tuita achenle; ochax a jat-li tüta hanpakma chu tsangmüt changpu.

ISAIA 42:21

Jowanpa a khosünle kopsele mongtsukya Zang changpu, ikhoma chixe chix wanlombu hia chix hwon-nwot ding to nwonle, ilaxle chix khünaknue chix achuak-achenle namchangbae le texle.