TSAITONG-KAXTONG 4:5 - OTSAO BAIBEL (BSI)

⁵ “Kue wanlombu pangwüi hünzom hama anwot-anole fadaoa, ija a Jowanpa, ku Zang-e ku füi akaxkya lailaile mokpu. Hünzome tingtakle koplaxle tingtan-nokzingle ngo angkya haxtok ma hünzom ibu kax ma laxle tüilax.

TSAITONG-KAXTONG 4:5 ပူးပေါင်းရင်းမြစ်များ

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

IBRI 3:5

Mosa a da tuita ningle Zang hom ma mongao angkya chitüi le tüikya, üntoxle athax füichi ma Zange wün angkyabu akax.

TSAITONG-KAXTONG 4:1

Ifüima Mosa-e khünaknu ang thüi: “Kue hünzom ang anwot-anole ngokya wanlombu pangwüi kax ma laxle tüilax, ilaxle hünzome, Jowanpa, hünzom putong hwom Zang-e hünzom ang koxle ngokya haxtok kop ang thoüi.

WANGSHEMBU MWOT 20:27

Chemthüikoxle kue Zang tutex pangnu hünzom hama chingai homle chitox.

1 KORIN 15:3

Kue kopkya, okhüzax ang laxlaxle kue hünzom hato taile fakya a: Otsao Lai ma zale tüikya ningle, Khrista kem ochax khoma zipu;

1 KORIN 11:28

Idaile noke wüi pongwangma ma thwon shongtsing koplax, ilaxletix an sax ilaxle wansa angkya linglax.

LAIPAO 18:20

Nange hwom hama, hwom chemle ngoüi tamchu hwome chem moküi, ibu bama, Jowanpa kaxtom nange hwom hama akhix-akhanle ano fa angkya changle.

LIWI 7:38

Ija a Israel khünaknu ang, Sinai faonu-lingnak khato tüipongma, chix hato tö apüi angkya hanpakma Mosa ang Sinai haxnukho tokya Jowanpa kaxtom changle.”

LIWI 26:46

Ijabu a Sinai haxnukho to Israel khünaknu hanpakma Jowanpae Mosa ang koxkya wanlom hia kaxtombu changle.

LIWI 27:34

Sinai haxnukho to Israel khünaknu hanpak ang Jowanpae fakya wanlombu a ibu changpu.

TSAITONG-KAXTONG 4:2

Kue hünzom ang fakya kaxtom boma janbo taxtüi ilaxle ikha angkya tütalichu awütle taxchang. Kue hünzom ang fadaokya Jowanpa hünzom Zang kaxtombu kax ma laxle tüilax.

TSAITONG-KAXTONG 4:4

ikoxle hünzom opange Jowanpa hünzom Zang to mongong thomtsuak puix, athax kople pangwüi ozün ma tüipu.

MÜNCHUAK-TSAI 71:17

Ku naosa ma tüitanto tokhange wüi nange ku hama anwot-anole fapu, üntoxle athaxchu kue nange ohünotün mwotbu mo wünpu.

LIWI 19:19

“Ku kaxtom kax ma laxle tüilax. Mali-mali müi kuilex-litai ang taxtom. Haxtok jongta khama wüi mali-mali pün anyi tomle taxküi. Zi-li-anyi füi zingkya nyiwun taxlax.

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

TSAITONG-KAXTONG 5:1

Mosa-e Israel khünaknu komle nyakle asox ilaxle hwom ang thüi: “Israel khünaknu, anyix kue hünzom ang koxle ngokya wanlombu kax ma laxle tüilax. Ibu awan koplax ilaxle ibu kax ma laxle tüi angkya mongzangwünle tsuaklax.

TSAITONG-KAXTONG 6:1

“Ija a Jowanpa kem Zang-e hünzom hama anwot-anole chang angkya hanpakma fakya kaxtombu changle. Athax hünzome kop angkya haxtok to hünzome ibu kax ma laxle tüilax.

TSAITONG-KAXTONG 7:11

Idaile athaxpi, hünzom hama anwot-anole changdaokya pangwüi kax ma laxle tüilax, ilaxle anyix kue hünzom ang koxkya wanlom pangwüi kax ma laxle tüilax.

TSAITONG-KAXTONG 8:11

“Hünzome Jowanpa hünzom Zang chemtuechu taxalak; ilaxle anyix kue hünzom ang koxkya chix wanlombu kax ma chilaxle otuechu taxtüi.

TSAITONG-KAXTONG 11:32

anyix kue hünzom ang koxle ngokya wanlombu pangwüi kax ma laxle tüi angkya taxalak.

JEREMIA 11:6

Ifüima Jowanpae ku füi akax: “Judah tingnu hia Jerusalem tingjang lomnu to paokox. Ikhato ku kaxho laxkox ilaxle khünaknu ang Tsaotsüt füikya zangwün to nathale apa angkya ilaxle ibu kax ma laxle tüi angkya akaxkox.

EZEKEL 20:11

Ibu kax ma laxle changkya hato khüzün apüi angkya ku kaxtombu hwom ang kox ilaxle ku wanlombu anole kox.