TSAITONG-KAXTONG 4:39 - OTSAO BAIBEL (BSI)

³⁹ Idaile anyixkya texle ataklax ilaxle Jowanpa a zangkangting hia chaxwannu ma Zang changpule chemtuechu taxalak. Chatle mama Zang tümüntüi.

TSAITONG-KAXTONG 4:39 ပူးပေါင်းရင်းမြစ်များ

JIHUSUA 2:11

Ibu zing atatkya füi tomle kwom zale ngopu; hünzom zing thoto kwom pangwüi ang mongmaxle changüna. Jowanpa hünzom Zang a zangkangting hia chaxwannu pangnu thakma Zang changle.

TSAITONG-KAXTONG 4:35

Jowanpae hünzom hato ija ahodaoa; ija a: Zang chix tata wüi, chix boma mama owachu müntüile aho angkya hanpakma changle.

MÜNCHUAK-TSAI 135:6

Ding hia hax ma, tamchu tinu hia ija othong to, chix zongto amüimüi ma mokle.

2 PUKAX-PANGAO 20:6

Chixe akhongle zangjople thüi: “O Jowanpa, kwom pupa hwom Zang, zangkho wangting tokhange nange zangfang angkya onok pangwüi thakma apünle ngopu. Nang a tsak-zong tamchu zaxzangle tüikya mix, ilaxle owaechu nang füi alünle chang ang chitho.

1 PUKAX-PANGAO 29:11

Akhole tsak-zongkya, fuazangkya, fixfax-jikjeple müikya, tüle zaxzangkya Zang a nang changle. Ding hia hax ma atüitüi komkaile nang kux, ilaxle nang a chongwang hwom pangnu thakma apünkya Zang.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

HOSIA 7:2

Ibu ochax kue mong ma kople thom angkya le hwon khangka ma ojao chiale; ikoxle hwom ochaxe hwom to akanle kop, ilaxle ibu chingünle kue tsiaktox ang chitsuak.”

DANEL 4:35

Chixe chaxwan tok angkya khünaknu to chem angchu chilaxle hule; zangkangting tokya kaxtaimixbu hia chaxwannu angkya khünak pangwüi chix chak fang ma tüile. Chix mongtex füi apüile owachu ajong ang müntho chichangba chixe mwot to tsa ang müntho.

TSAITONG-KAXTONG 32:29

Hwom to büthüikoxle lütpuixle hwome chingüntsuak; chempangle changpuix hwome ojao chitsing.

ISAIA 5:12

Hünzom pwonle le changpongma, hünzom waxmai, khopsya hia thuaput, ibu füi ju kop. Ikoxlechu Jowanpae chempang moktüipuix hünzome müntik,

MÜNCHUAK-TSAI 115:3

Kwom Zang a Zangkangting to tüile; chix mong ma chem tsupuix ija chixe mokle.

ISAIA 1:3

Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”

1 KORIN 8:4

Idaile chapa ang koxkya süt saxkya bama; keme awanpu chapa ma ozün müntüi; ikoxle keme awankya a, Zang a tuita wüi.

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

LAIPAO 8:10

Ifüima wanghompa-e lan: “Ku hanpakma ngainyix jop-hüi.” Mosa-e lan: “Nange akaxkya ningle kue jopüi, ifüima Jowanpa kwom Zang ningkya owachu müntüile nange awan ang kopüi.

TSAITONG-KAXTONG 6:4

“Israel, ija texle ataklax! Jowanpa —tamchu Jowanpa chix tata tix—kem Zang changpu.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

TSAITONG-KAXTONG 32:12

Jowanpa chix tatae chix khünaknu lom azüi mixnok baozang tokhange fongkya chemchu chilax homtoxle.

ISAIA 44:8

Taxza, ku khünakbu! Kaipong tokhange anyix kople ichu ile chang angkya kue tix aje thompule hünzome awan ngopu, ilaxle hünzom a ku kaxkhibu changpu. Tamchatle mama baozangbu tütüichami? Kue ma-atatkya tsak-zong füikya mama baozang züita tüichami?”

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

2 SAMUEL 7:22

Nang a chemkuxma chongpuix, Khüthak Jowanpa! Nang lailaikya owachu müntüi; Zang a nang tata wüile kue jento awanle hüipu.

1 PUKAX-PANGAO 17:20

Jowanpa nang lailaikya owachu müntüi; jento kwome awan ngopu, Zang a nang tata wüi.

MÜNCHUAK-TSAI 100:3

Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

ISAIA 43:10

“Israel khünakbu, hünzom a ku ngünmixbu changpu; kue nang a ku da ang kampu, ile hünzome ku awan ang kop ilaxle mongongle naxchang ilaxle Zang a ku tata wüile nax awan kop ang. Ku bobo ma mama Zang tam müntüi; ami chu müntüikya athax chu müntüiüi.