TSAITONG-KAXTONG 4:35 - OTSAO BAIBEL (BSI)

³⁵ Jowanpae hünzom hato ija ahodaoa; ija a: Zang chix tata wüi, chix boma mama owachu müntüile aho angkya hanpakma changle.

TSAITONG-KAXTONG 4:35 ပူးပေါင်းရင်းမြစ်များ

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

ISAIA 45:5

“Ku a Jowanpa changpu; mama baozang owachu müntüi. Kue nang ang nange laxse tsak-zong koxüi, nange ku owahex chitsing koxlechu.

ISAIA 44:8

Taxza, ku khünakbu! Kaipong tokhange anyix kople ichu ile chang angkya kue tix aje thompule hünzome awan ngopu, ilaxle hünzom a ku kaxkhibu changpu. Tamchatle mama baozangbu tütüichami? Kue ma-atatkya tsak-zong füikya mama baozang züita tüichami?”

TSAITONG-KAXTONG 4:39

Idaile anyixkya texle ataklax ilaxle Jowanpa a zangkangting hia chaxwannu ma Zang changpule chemtuechu taxalak. Chatle mama Zang tümüntüi.

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

ISAIA 44:6

Jowanpa, owae Israel nok to apün-ada ilaxle kho-awale thompuix, Jowanpa Khüthak Zang, chixe ija akaxle: “Ku a owang, oshuk, tuita wüi tüikya Zang changpu; ku boma Zang mama owachu müntüi.

MÜNCHUAK-TSAI 83:18

Zangfang pangnu thakma apünkya a Jowanpa a nang tata wüile hwome tsing ang tomkox.

TSAITONG-KAXTONG 32:39

“Ku, Ku tata tix, Zang changpu; mama baozang otsingtsing tuita müntüi. Mik kue amütpu ilaxle khüzün kue koxpu, mak kue khapu ilaxle kue wüi amüile koxpu, ilaxle kue mokkya mwot owaechu abax ang chitho.

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

MARK 12:32

Wanlom nwotmixe chix ang thüi: “Nwotmix! Nang kax changtomta le. Otsingtsingma Jowanpa, chix tix Zang changpu ilaxle chix boma mama zang owachu müntüi;

TSAITONG-KAXTONG 32:23

“‘Kue hwom hato oshuk chitüikya thama ahüiüi ilaxle ku sanhapbu pangwüi hwom to hap ang twonüi.

MARK 12:29

Jisu-e lan: “Akhokya kaxtom a ija; O Israel, Apalax: ‘Jowanpa kem Zang a tuita wüi.

MÜNCHUAK-TSAI 58:11

Khünaknue thüiüi: “Otsingtsingsa ma otsao khünakbu ang hingho koxdaoa; zangfang ang kaxfün fakya Zang tüijao tüile.”

2 WANGHOMBU 19:19

Athax a, Jowanpa kwom Zang-e, nange kwom Asiria nok chak tokya khosünhüi, ilaxle chaxwannu angkya jat-libu noke Jowanpa, nangtix Zang changpule naxtsing.”

1 KORIN 8:4

Idaile chapa ang koxkya süt saxkya bama; keme awanpu chapa ma ozün müntüi; ikoxle keme awankya a, Zang a tuita wüi.

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

LAIPAO 8:10

Ifüima wanghompa-e lan: “Ku hanpakma ngainyix jop-hüi.” Mosa-e lan: “Nange akaxkya ningle kue jopüi, ifüima Jowanpa kwom Zang ningkya owachu müntüile nange awan ang kopüi.

LAIPAO 9:14

Izuma chixe nang wangshembu hia nang khünaknu tata ang sikangünüi münchang ikoxle nang ang chuwüi sikngün ang tomüi, ikoxle tix nange chaxwannu ma chix ninglükya owachu müntüile awan ang kopüi ta.

TSAITONG-KAXTONG 6:4

“Israel, ija texle ataklax! Jowanpa —tamchu Jowanpa chix tata tix—kem Zang changpu.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

TSAITONG-KAXTONG 32:12

Jowanpa chix tatae chix khünaknu lom azüi mixnok baozang tokhange fongkya chemchu chilax homtoxle.

TSAITONG-KAXTONG 33:26

Israel khünaknu, hünzom Zang lailaikya mama baozangbu müntüi, zangding kho akaile fixfax-jikjeple, zangfwom ding ma ngalaxle nang jua fong ang nguile.

1 WANGHOMBU 8:60

Ikhoma chaxwannu pangnok-jating towüi Jowanpa ti Zang changpule awan ang kopüi, chix boboma Zang mama tamtüikya münchang.

MÜNCHUAK-TSAI 100:3

Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

ISAIA 43:10

“Israel khünakbu, hünzom a ku ngünmixbu changpu; kue nang a ku da ang kampu, ile hünzome ku awan ang kop ilaxle mongongle naxchang ilaxle Zang a ku tata wüile nax awan kop ang. Ku bobo ma mama Zang tam müntüi; ami chu müntüikya athax chu müntüiüi.

LAIPAO 8:6

Ikhoma Arun-e Ijip haxtok ma tüikya ti pangnu ding to kiathox füi ma chak thüi; ilaxle ibu khatokya luknubu laile Ijip haxtok awang.

2 SAMUEL 7:22

Nang a chemkuxma chongpuix, Khüthak Jowanpa! Nang lailaikya owachu müntüi; Zang a nang tata wüile kue jento awanle hüipu.

2 SAMUEL 22:32

Jowanpa chix tata wüi Zang a; Kem ziakop pan long katuk a chix tata wüi.

1 PUKAX-PANGAO 17:20

Jowanpa nang lailaikya owachu müntüi; jento kwome awan ngopu, Zang a nang tata wüi.