TSAITONG-KAXTONG 4:30 - OTSAO BAIBEL (BSI)

³⁰ Chemtue hünzome sikngün apong ilaxle ibu pangnu changle hüipuix, ifüimatix hünzom Jowanpa hato chatüi ilaxle chix kax ma laxle tüiüi.

TSAITONG-KAXTONG 4:30 ပူးပေါင်းရင်းမြစ်များ

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

JEREMIA 23:20

ilaxle chixe mok ang ole mong ma texkya mwot pangwüi lünle machang tanto ija münashuk. Hüi angkya chaxwan zanghan ma chix khünaknue ija tsaothale tsingle kopüi.”

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

ISAIA 1:19

Hünzome ku kax ma laxle jangchang, hünzome ma haxtok ma alaikya müikya oli sax-laxle ngoüi.

TSAITONG-KAXTONG 31:29

Ku zile paokya füima khünaknu a tüle chichang-chizangle tüi angkya tamchu kue anwot-anole koxkyabu hwome chilaxle awütüi. Athax füichima hwome thama füi apongle laxüi, chemthüikoxle chixe taxmokle abaxkya mwot mokle changkya tokhange ipongma hwome Jowanpa ang mong atsikle changdaoüi.”

PONGWANG LAIPEX 49:1

Jakop-e sasün hwom selaxle thüi: “Ku hama asoxhüi; athax füichi ma hünzom to chempangle changüihex ija kue wünfang:

HUAKE LAIPEX 24:20

Ifüima chix mikngün ma Balam-e Amalek nok ngün ilaxle ija jekax ngai: “Amalek nok a pangnu füi tsak-zongle tüikya nok, ikoxlechu oshukma othuithui hanpak ang maxle paoüi.”

IBRI 1:2

ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

ZEKARIA 6:15

Tsailo to ngokya khünakbu nguilaxle Jowanpa Zangshwom-Hom zingkya to asunle changüi. Ilaxle chemtue ija tamchatle zingkya tsuaküihex, Jowanpa Khüthak Zang-e hünzom hato ku tsanle ahüikya awanle laxüi. Hünzome Jowanpa hünzom Zang kaxtombu kax ma laxle jangchang, ibu pangwüi changle hüiüi.

DANEL 10:14

Athax füichi ma hünzom khünakbu to chempangle chang angkya hex ija nang hama apuale fa angkya hanpakmale ku nguikya changpu. Ija a athax füichi hanpak mikngün-ohün changpu.”

MANGSOP 3:40

Keme kem lomtangbu ajangle anohax ilaxle Jowanpa hato chat-hax.

TSAITONG-KAXTONG 31:17

Chemtue ija changle hüiüihex, ku hwom füi mongtsiküi; kue hwom danle toxüi ilaxle hwom a max ang tomüi. Tüle za-adünkya thamabu hwom hato hüiüi. Ifüimatix ibue ku hwom Zang hwom füi womle chitüikya khoma ibu ile changpule tsingle awan ang kopüi.

TSAITONG-KAXTONG 30:10

Ikoxlechu ija chix hwon-nwot laipex ma zale tüikya chix wanlom pangwüi kax ma hünzome lax angkya changpu. Hünzom chix hato mongpak-fünthole chat angkya wüi changpu.

LAIPAO 18:8

Israel khünaknu khosün ang Ijip nok hia hwom wanghompa to Jowanpae chemle mokpuix, ibu pangwüi chixe hohochong Jethro hama wün. Hwome lomba to apongle hüikya sikngün tamchu Jowanpae hwom khosünle hüikya pangwüi chix hama wün.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

TSAITONG-KAXTONG 30:2

Hünzom hia hünzom su-sa hwom Jowanpa hato mongchatle jangchang ilaxle anyix kue hünzom ang koxle ngokya kaxtombu pangwüi kax ma laxle jangchang,

TSAITONG-KAXTONG 31:21

Ifüima tüle chongkya thamabu hwom hato hüiüi, ikoxlechu ija tsai a ngaole wüi ngoüi, ilaxle ija a hwom zongto tuita manwan ang ngoüi. Athax ngaxchu kue hwom ang koxüihex-ole tsaole thomkya haxtok to mapaoba ngaxchu hwom mongto chemle thütle ngopuix kue awanle ngopu.”

MÜNCHUAK-TSAI 18:6

Ku sikngün pongma kue Jowanpa to nyak; ku to asun angkya hanpakma kue Zang nyak. Chix zangshwom-hom ma chixe ku kaxzing atatlelax; chixe fong angkya mix lomle ku sopkya apalelax.

MÜNCHUAK-TSAI 59:16

Ikoxlechu kue nang janzüi bama tsaingaoüi; chizakkya nang mongkün bama nopfo to ku akhongle tsai ngaoüi. Nang a ku hanpakma khangkhom angkya onui ang jao ngole hüi, sikngün apong pongma ku zak-zui angkya lox-o a.

MÜNCHUAK-TSAI 107:6

Ifüima hwom sikngün tokhange hwome Jowanpa nyak, ilaxle chixe ibu thangnak chak tokya hwom azün.

MÜNCHUAK-TSAI 107:13

Ifüima hwom sikngünle ngokya tukma hwome Jowanpa to nyak, ilaxle chixe hwom ija thangnak chak tokya azün.

JEREMIA 4:1

Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,

JEREMIA 4:2

ku mün lünlaxle kaxlan fa angkya hünzom hanpakma sukya ang changüi. Ifüima pangnu jat-lie ku ang hwom to mohiman angkya akaxüi, ilaxle hwome ku achuakle changüi.”

NEHEMIA 1:9

Ikoxlechu hünzom ku hato künlop-monglüile janghüi tamchu kue kaxtom fakya kax ma laxle jangmok thüiningle, hünzom chaxwan tok to chiakle tüikoxlechu, kue hünzome zangshwom angkya hanpakma zünle thomkya onui to hünzom tamchatle ngui ang tomüi.