TSAITONG-KAXTONG 4:27 - OTSAO BAIBEL (BSI)

²⁷ Hünzom a Jowanpae mix jat-libu khato chiakle sam ang tomüi, ikhato hünzom hidaole ozün ma ngoüi.

TSAITONG-KAXTONG 4:27 ပူးပေါင်းရင်းမြစ်များ

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

EZEKEL 32:26

“Meshek hia Tubal hwomchu ikhato tüile. Hwom süpahibu zukting hwom akhopkhakle tüile. Hwom pangwüi khwonzüt zom mazingkyabu tamchu zan ma maxkyabu changle. Tam a hwome ozün ma ngole tüikyabu azale thomkya.

EZEKEL 12:15

“Kue chemtue hwom mama haxtok hia mixnok chaxwanbu to afale apaoüihex, izuma hwome ku a Jowanpa changpule awanle laxüi.

NEHEMIA 1:3

Hwome ku hama, ikhato ozün ma toxkya hia ma chaxwan to chatle nguikyabu a müimamale sikngün-ashukle ngole tüikya tamchu hozui-onam to ngole tüikya mixnokbue hwom to asongle hule tüikya, ibu ku hama wünle kox.

PONGWANG LAIPEX 11:4

Ifüima hwome thüi: “Kem mün naxngo ang tamchu kem fong chifan angkya hanpakma, oman, kemepi tingnu tuita zingle alaihax ilaxle ikhama ding to thukya longhom tuita zaile alaihax.”

PONGWANG LAIPEX 34:30

Jakop-e Simeon hia Liwi nyi ang thüi: “Hünkhie ku hato tingtui apüidaoa; athax-a, Kanan nok, Periz nok tamchu ija haxtok ma atüitüi pangnusae ku to miktsakle changüi. Ku ma khünak aluile chitüi; hwom pangwüi asüilaxle ku füi alünle ajongle jangchangba, kem homkha pangwüi max angkya changle.”

TSAITONG-KAXTONG 29:28

Jowanpa ang hwom füi mong huanuma ma, ilaxle chix mongtsik füi chixe hwom, hwom haxtok angkya file awüt ilaxle anyix hwom ngole tüikya mixnok chaxwan to hwom tswonle awüt, le changputa.’

TSAITONG-KAXTONG 30:3

Jowanpa hünzom Zang-e hünzom to chingchakya tüiüi. Hünzom chiakle asam thomkya haxtok tokya chixe hünzom tamchatle apüiüi, ilaxle tamchatle chixe hünzom ahak-aluale chang ang tomüi.

TSAITONG-KAXTONG 32:26

Kue hwom a komkaile olithu ang tomse, ikoxtix owaechu hwom texle atak angkya chitüiüi.

MÜNCHUAK-TSAI 44:11

Nange kwom chun langkya ningle lang ang tompu; nange kwom mix chaxwanbu to chiakle asampu.

MÜNCHUAK-TSAI 106:27

ilaxle hwom a songsaribu khato chiakle asam angkya akax. Hwom a mixnok chaxwan to zi ang tom angkya kaxkox.

ISAIA 17:6

Khünak hidaole wüi ozün ma toxüi, ilaxle Israel a, okho to tomta hia anyi toxlaxle chichangba kangtong to tomta anyi toxlaxle oziak bakle khaile laxdaokya olip pün tuita ningle changüi. Jowanpa, Israel nok Zang kue akaxdaoa.”

JEREMIA 16:13

Ikhokhoma, kue hünzom a, hünzomechu chichangba hünpu hünpa hwomechu tümatsingkya haxtok to tswonle awütüi. Ilaxle ikhato zangnak zangngaile hünzome mama baozangbu thotha-manzaile ngoüi, ilaxle kue hünzom hato chingcha ahoüi münchang.’”

EZEKEL 20:23

Ikhoma kue sak-hax to chatle mama tsaosax. Izuma kue hwom a chaxwan tok pangkha to chiakle asam angkya tsaosax.

EZEKEL 22:15

Kue hünzom khünakbu a chaxwannu nok pangting-jahax towüi chiakle pao ang tomüi, ile kue hünzom ochax mwotbu olithu ang tomüi.

DANEL 9:7

Jowanpa, nange jento sukyakya wüi mokpu, ikoxle kwome kwom hato alüile thünkhux-thajao apüipu. Judah hia Jerusalem ma ngole tüikya hia nang kax ma chilaxle tüikya khoma zangfang ma pangnu chaxwan tok to chiakle tüikya Israel nok pangwüi zongto ija a otsing tomtata changpu.

ZEKARIA 7:14

Zangchei ningle kue hwom mixnok chaxwan to ngo ang jeple pao. Ipong müikya haxtok ija a, ngo angkya mix owachu chitüile awütle tox.”

TSAITONG-KAXTONG 28:36

“Jowanpae hünzom tamchu hünzom wanghompa, mixnok chaxwan, hünzome tamchu hünpu hünpa hwome owaechu mangüntoxkya haxtok to paoüi. Ikhato hünzome long hia pün, ibu makhange zingkya baozangbu thothale ngoüi.

MÜNCHUAK-TSAI 44:12

Hwom a chem thakhochu chinguikya ningle nange nang khünaknu thanai ma hangle awütpu.

EZEKEL 11:16

“Athax a kue chem akaxpuix ija nang füi tomle zanda ang ngole tüikya nang üithobu hama akaxkox. Tsailo nok to ngo ang mix chaxwan to hwom chiakle afankya a ku changpu. Ikoxlechu jantakya hanpak bama hwom ngole tüikya nok to ku hwom füi womle ngoüi.

HOSIA 9:17

Zag, kue owa thothale tüipuix, chixe ma khünaknu chilaxle awütüi, chemthüikoxle hwome ku kax to münapa. Hwom a mixjat-mixlibu khato samle aham ngokyabu ang achangüi.