TSAITONG-KAXTONG 4:26 - OTSAO BAIBEL (BSI)

²⁶ Anyix kue mikngün-kaxkhi ang ding-hi-hax sepu: Hünzome ku kax ma laxle chitüi, hünzom a chwonchwonle wüi chaxwan tok angkya amuale paoüi; athax hünzome tingtak laxle kopüi tüikya Jordan Shuanu tachi angkya haxtok ma hünzom ngo angkya münchang. Hünzom a bakle amütüi.

TSAITONG-KAXTONG 4:26 ပူးပေါင်းရင်းမြစ်များ

TSAITONG-KAXTONG 32:1

“Ding hia hax, ku zangwünbu apalax, kue akaxkya to soxle apalax.

MIKA 6:2

Hünzom haxnubu, oshuk chitüikya chaxwannu chifünbu, Jowanpae tsetwon-zangwün to apalax! Jowanpa ang ma khünaknu füi tsetwon-zangwün tüile. Israel khünaknu ma tsaihux-kaxhux fe angkya tüile.

JEREMIA 22:29

O haxtok, haxtok, haxtok! Jowanpa zangwün to apalax:

JEREMIA 2:12

Ikhoma kue khompua-zadünle zangding alox angkya kaxtom koxpu, abütle tamchu khosamle naxchang kox ang a,

ISAIA 1:2

Jowanpae akax: “Ding-hi-hax, kue chem akaxpuix ija to apalax! Kue tux-tsomle atsünkya naosombue ku zan to kale.

JIHUSUA 23:16

Jowanpa hünzom Zang-e hünzom ang koxkya kaxtom hünzome chithom ilaxle hünzome mama baozangbu thothale hia ibu to shwomle jangchang, izuma chix mongtsik füi chixe hünzom to sikangünüi, ilaxle chixe hünzom ang fakya ipong müikya kaxtom ma hünzome tuita ota chitoxle chixe chwonle wüi amütüi.”

LIWI 18:28

ile changkox tix, hünzom thoma bangkya songsaribu awütkya ningle awütkya ningle haxtoke hünzom mün-awütüi.

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

EZEKEL 36:4

Idaile athaxpi, Jowanpa Khüthak Zang, kue, haxhuabu hia haxnubu, shuasa hia haxbangbu, amale dantoxkya onuibu, ilaxle khünak chingole dantoxkya pünle amatox tamchu tomzi nokbue chanyile tüikya tingnubu, hünzom pangnusa füi akaxkya kax to apahüi.

JEREMIA 44:22

Anyixkha hünzom haxtok a pünle ama thomdaoa ilaxle ikhato owachu münngo. Jowanpae hünzom chichang-chizangkya hia ochax mwotbu füi adu ang chithokya tokhange, ija a mikngün zongma za-adünkya tuita ang changdaoa, ilaxle khünaknue ija mün a othuak-ozom lom ma lünle.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

TSAITONG-KAXTONG 31:28

Hünzom lompabu hia nguakax-wangkhobu pangwüi ku hato sele asox hu, ikoxle tix kue hwom hama ibu zangwün apua ang tho angkya chang koxle; hwom bama mikngün kaxkhi ang kue ding-hi-hax seüi.

TSAITONG-KAXTONG 29:28

Jowanpa ang hwom füi mong huanuma ma, ilaxle chix mongtsik füi chixe hwom, hwom haxtok angkya file awüt ilaxle anyix hwom ngole tüikya mixnok chaxwan to hwom tswonle awüt, le changputa.’

EZEKEL 33:28

Kue onok a khünak chingole awütkya haxtok ang achangüi, ilaxle hwom mongngam ang laxle ngokya tsak-zong a oshuk ang achangüi. Israel haxnubu a owachu mata-anyi le ang chithokya shonak-lingnu ang achangüi.

MIKA 1:2

Ija apalax, jat-li pangnu; ija to apalax, chaxwan ma ngokyabu pangnu! Jowanpa Khüthak Zang-e hünzom füi alünle kaxkhi koxüi. Apalax! Chixe zangkangting zangshwom-hom tokhange akaxle.

PONGWANG LAIPEX 19:13

chemthüikoxle kwome ijakha amüt angkya changle. Ikha angkya khünakbu bama kaxhux-fekya Jowanpae huanuma atatle hüidaoa ilaxle kwom a ija Sodom tingnu amüt angkya hanpakma tsanle ahüikya changpu.”

TSAITONG-KAXTONG 7:4

chemthüikoxle ile jangchang thüiningle hwome hünzom su-sabu mama baozangbu to shwom ang jikle pao angkya changle. Ile jangchang thüiningle Jowanpa ang hünzom füi mongmakya tüiüi ilaxle chixe janta bama wüi hünzom max ang tomüi.

TSAITONG-KAXTONG 8:19

Hünzome Jowanpa hünzom Zang otuechu taxalak chichangba mama baozangbu hato hwom to shwom-to ang taxpao. Hünzome ile jangmok thüiningle anyix kue hünzom ang kaxfün koxle akaxpu, hünzom a tütakoxlechu max ang tomüi.

TSAITONG-KAXTONG 8:20

Hünzome Jowanpa kax ma laxle chitüi thüiningle, hünzom nguikya zuma, hünzome amüt angkya jat-libu ningle chixe hünzom chuwüi max ang tomüi.

TSAITONG-KAXTONG 11:17

Hünzome ile jangmok, Jowanpa ang hünzom füi mongtsikkya tüiüi. Chixe zangwat tsyenle tüiüi, ikoxle hünzom haxtok a manzai ang ojao chimüile tüle tsakle maüi. Ile, chixe hünzom ang fale ngokya haxtok tüle müikya haxtok chang koxlechu, lebama wüi hünzom ikhato samüi.

TSAITONG-KAXTONG 28:20

“Hünzome ochax mwot moklaxle Jowanpa awütle jangchang, chixe hünzom hato okak-olak ahüiüi, jemax-hwonsam ang tomüi, ilaxle hünzom momle tamchu komkaile amütle machang tanto, hünzome mokkya mwottho pangwüi to sikngün apong ang tomüi.

TSAITONG-KAXTONG 28:22

Jowanpae hünzom to kakma-lakshix; fingle kakkya hia khamle kakkya, ibu okak-olak füi fitüi; chixe hünzom manzai olithule naxchang ang chaxwan ako ang tomüi tamchu zangwin okhame jep ang tomüi. Okak-olak ibu a hünzom füi mazi-mazile ngo ang tomüi.

TSAITONG-KAXTONG 28:45

“Hünzome Jowanpa, hünzom Zang kax ma chilax tamchu chixe hünzom ang koxle changkya wanlombu hünzome chithomkya khoma ibu thama hünzom hato nguiüi ilaxle hünzom pangwüi olithule machang tanto ibu hünzom füi ngoüi.

TSAITONG-KAXTONG 28:61

Chixe kaklak hia kaxma-lakshix pangnu li chempang ija Zang wanlombu hia chix hwon-nwotbu laipex ma zale chitüipuix, ibu chuwüi pangwüi chixe ahüiüi ilaxle hünzom max ang tomüi.

JIHUSUA 24:20

ilaxle mixnok baozangbu thothale changüi ma hünzome chix danle toxkoxle, chix a hünzom zan to kaüi ilaxle hünzom to sikangünüi. Chix hünzom zongto müile hüidaobachu chixe hünzom max ang tomüi.”

1 WANGHOMBU 9:7

izuma kue hwom ang fale thomkya ija haxtok angkya Israel khünakbu achaüi. Ku to shwom angkya onui hex-ole zünle kopkya ija haxtok tamchu Zangshwom-Hom chuwüi kue danle toxüi. Khünaknue pangkha towüi Israel nok to anu-ahaile changüi ilaxle she to adix-adale changüi.

JEREMIA 16:13

Ikhokhoma, kue hünzom a, hünzomechu chichangba hünpu hünpa hwomechu tümatsingkya haxtok to tswonle awütüi. Ilaxle ikhato zangnak zangngaile hünzome mama baozangbu thotha-manzaile ngoüi, ilaxle kue hünzom hato chingcha ahoüi münchang.’”

JEREMIA 32:24

“Babilon noke tingnu akhople hax thokle atsua ilaxle hwome single ngo. Ochax-ozan, woknuak-tilan hia okak-olak ibue ija tingnu a hwom chak to adün-saxpu. Nange chem akaxpuix ibu pangwüi changle ngaikya nange ngün ang kople.