TSAITONG-KAXTONG 4:10 - OTSAO BAIBEL (BSI)

¹⁰ ‘Khünaknu sele asoxhüi. Hwom mazi tanto ku kax ma laxle tüi angkya awanle naxkoplax ang tamchu ilailaile mok angkya hwom su-sabu hama anwot-anole naxtoxlax ang, kue hwom füi wünse lükya zangwün hwome apale naxkop’ le Sinai Haxnukho ma hünzom Jowanpa chix ngwotnui ma ajongkya bama wünle laxkox.

TSAITONG-KAXTONG 4:10 ပူးပေါင်းရင်းမြစ်များ

LAIPAO 19:9

Jowanpae Mosa ang thüi: “Ku hünzom hato tüle shixkya zangfwom ma nguiüi; ile kue nang füi zangwünkya khünaknue atatle laxüi üntoxle imakhange hwome nang to mongongkya tüiüi.” Mosa-e khünaknu kaxlan Jowanpa hama apua.

TSAITONG-KAXTONG 17:19

Chixe ija laipex chix zui ma thomüi ilaxle tsün-tsün ma e-le ngoüi, ikoxtix chixe monge sung-zaokya hia chix thua zakya füi ija ma fale tüikya kaxtom lailaile Jowanpa kax ma laxle tüi angkya awanle laxüi.

TSAITONG-KAXTONG 5:2

Sinai haxnu ma Jowanpa kem Zang-e Tsaotsüt tuita zingpu,

LAIPAO 20:20

Mosa-e lan: “Taxza; Zang a hünzom to wan ang tamchu chix thuazale ngo ang tom angkya hanpakma nguiwüi; ile changkoxle tix hünzome ochax chilyen angkya chang koxle.”

LAIPAO 20:18

Chemtue khünaknue zangtsak-zangdung hia nyazong mütkya ozing atatpuix tamchu haxnukho to zangchang ajepkya hia wünkhut ngünle laxpuix, hwome zale abün ilaxle ochu to ajong laxle hu.

LAIPAO 19:16

Nyix azom lükya anopningle zangtsak-zangdung hüi; tüle shixkya zangfwom tuita haxnukho to lai üntoxle tüle zongkya nyazong mütkya ozing atat ang kop. Pom ma tüikya khünaknu pangwüi za.

HWON-NWOT-JAONO 12:13

Ibu pangnu füima, zangwün angkya oli tuita wüi: Zang chathua zalax, ilaxle chix kaxtombu kax ma laxle tüilax, chemthüikoxle kem a ija hanpakmale zingle alaikya changle.

MIKNGÜN-OHÜN 19:5

Ifüima chongwang tüntong makha-nge ozing tuita laile ile akax, “Chix chathua zale tüikya, chix dabu tamchu chix khünaknu; hixkya chongkya noke, Zang achuakkox!”

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

KAXHO MÜIKYA LUK 1:50

Chix chathua zakyabu hato, tsün ta makhange ata tsün kople, chixe chingcha aho.

1 SAMUEL 12:24

Nang kün-hi-mong tokhange zongbakle mongong tüikya füi Jowanpa thothale changkox. Hünzom hanpakma chixe mokkya ohünotün mwotbu taxalak.

TSAITONG-KAXTONG 14:23

Ifüima onui tuita, ojongkha, Jowanpa hünzom Zang-e chix to shwom angkya zünle koplax puix; ilaxle ikhato chix pomtho ma hünzom saxziak, grep-ti, olip-münga ilaxle owangpa ma puxkya maihu hia chun hosa, ibu bünfong saxlax. Jowanpa hünzom Zang jento achuak-achenle chang angkya awan ang hünzome ija moklax.

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

LAIPAO 19:1

Israel khünakbue Refidim danle tox, ilaxle hwome Ijip danle toxkya füima lyetkua azom lükya pongwang nyix hwom Sinai haxnu sak-hax to ngui. Ikhato hwome Sinai haxnucha ma pom zaile athong.

TSAITONG-KAXTONG 4:9

Hünzom khünzaile hunga ngolax! Hünzome ma mik füi ngünle laxdaokya oli, mazi tanto alakle münawüt-ole amonglax. Hünzome su-sabu hama,

TSAITONG-KAXTONG 11:19

Ibu a hünzome su-sabu hama anwot-anole changkox. Hünzome hom ma ngopongma, hünzom lomba to tüipongma, hünzome nazak laxpongma tamchu hünzome mwot mokle ngopongma, ibu bama zangwünkya tüikya.

TSAITONG-KAXTONG 12:1

Jowanpa, hünzom putong hwom Zang-e hünzom ang koxkya wanlom ibibi changle. Ibu kax to nathalax!

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

LAIPAO 19:11

ilaxle hopnyix a achwon-athale changüi. Ija nyix ku Sinai haxnu ma juüi. Ikhato khünaknu pangnusae ku ngün ang kopüi.

TSAITONG-KAXTONG 6:2

Hünzom ozün ma ngokya kople, hünzom tamchu hünzom su-sa hwome hünzom Zang Jowanpa achuak-achenle tüi angkya oli changle. Hünzom ija haxtok ma tsün-khothole ngo angkya hanpakma kue hünzom ang fakya chix wanlombu pangwüi kax ma laxle tüilax.

TSAITONG-KAXTONG 6:7

Nang hom ma ngopongma tamchu nang kotho to ngopongma, nange nazak laxle ngopongma tamchu nange mwot mokle ngopongma, ibu a nange naosombu hama anwot-anole changkox.

MÜNCHUAK-TSAI 145:4

Nange chem mokdaolaxpuix ija a tsün tuita makhange ata tsün to achuakle le angkya changle; hwome ohünotün nang mwotbu khuapule changüi.

ISAIA 38:19

Athax kue nang achuakkya ningle, nang achuak angkya a ozün ma ngokyabue tix. Nu-pa hwome naosombu hama chialekya nang mongong bama wün.