TSAITONG-KAXTONG 4:1 - OTSAO BAIBEL (BSI)

¹ Ifüima Mosa-e khünaknu ang thüi: “Kue hünzom ang anwot-anole ngokya wanlombu pangwüi kax ma laxle tüilax, ilaxle hünzome, Jowanpa, hünzom putong hwom Zang-e hünzom ang koxle ngokya haxtok kop ang thoüi.

TSAITONG-KAXTONG 4:1 ပူးပေါင်းရင်းမြစ်များ

ROM NOK HATO ZAKYA POL LAIZA 10:5

Wanlom kax ma laxkya tokhange Zang füi muamüi angkya bama Mosa-e zakya a ija: “Wanlom kax ma laxle saxmokkya mix, ija makhange azangle ngoüi.”

TSAITONG-KAXTONG 8:1

“Anyix kue hünzom ang koxkya wanlombu kax ma laxle tüilax, ikoxle tix hünzom khüzün müile ngoüi, pu-tsale changüi, ilaxle Jowanpae hünzom putong hwom ang koxüihex-ole tsaokya haxtok hünzome kop ang thoüi.

EZEKEL 20:11

Ibu kax ma laxle changkya hato khüzün apüi angkya ku kaxtombu hwom ang kox ilaxle ku wanlombu anole kox.

LIWI 18:5

Kue mokkya mwot hia ku wanlombu ningle moklax; ile jangmokba nange nang khüzün sünle kopüi; ku a Jowanpa changle.”

TSAITONG-KAXTONG 30:16

Hünzome Jowanpa hünzom Zang kax ma laxle jangtüi, chix kax ma laxlax, ilaxle chix wanlombu tole ngolax, jangchangba hünzom a ahak-aluale tamchu khünak huanuma tsale tüikya jat-li ang achangüi; ija a anyix kue hünzom ang koxle ngopu. Hünzome kop angkya haxtok ma Jowanpa hünzom Zang-e hünzom to mohimanüi.

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

TSAITONG-KAXTONG 5:1

Mosa-e Israel khünaknu komle nyakle asox ilaxle hwom ang thüi: “Israel khünaknu, anyix kue hünzom ang koxle ngokya wanlombu kax ma laxle tüilax. Ibu awan koplax ilaxle ibu kax ma laxle tüi angkya mongzangwünle tsuaklax.

LIWI 22:31

Jowanpae thüi: “Ku kaxtombu kax ma laxlax; ku a Jowanpa changpu.

LIWI 19:37

Ku wanlom hia kaxtombu pangwüi kax ma laxle tüilax. Ku a Jowanpa changle.”

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

EZEKEL 37:24

Ku dapa Dawid lailaikya khünak a hwom wanghom ang changüi. Hwom pangwüi pünpa-chongwang tuita fang ma notom le ngoüi ilaxle mongong tüikya füi ku wanlombu pangwüi kax ma laxle tüiüi.

EZEKEL 36:27

Kue hünzom ma ku chasa shole koxüi ilaxle hünzome kue fakya wanlombu hia kaxtombu pangwüi thomle changlaxma hexle ija to huüi.

EZEKEL 20:21

“Ikoxle ibu tsünthombue chuwüi ngaithole ku kax aba. Hwome ku wanlombu pünle ama ilaxle ku kaxtombu kax ma chilax; ijabue kax ma laxle tüikyabu pangwüi ang khüzün fase pa. Hwome Sabath tsaolyen. Ekha sak-hax towüi hwom ang ku mongtsik janzüi zongbakle apong ang tom ilaxle hwom pangwüi langle awüt ang ku achwonle tüikya.

EZEKEL 11:20

Ifüima hwome ku wanlombu thomüi ilaxle ku kaxtombu kax ma laxle tüiüi. Hwom a ku khünakbu ang changüi, ilaxle ku a hwom Zang ang changüi.

MÜNCHUAK-TSAI 119:4

Jowanpa, nange nang wanlombu kwom ang koxpu ilaxle chiale lüibu kax ma laxle tüi angkya kwom füi akaxpu.

MÜNCHUAK-TSAI 105:45

Ile chix khünakbue chix wanlombu kax ma laxle tüi angkya hanpakma tamchu chix kaxtombu bakle thom angkya kuxma. Jowanpa achuak kox!

TSAITONG-KAXTONG 30:19

Athax kue hünzom ang: khüzün hia mikmüt, ilaxle Zang mohiman hia Zang thuakzom, ibu monge atsutsu zünle kop ang hünzom danpu, üntoxle hünzome zünle kopkya bama ngünmix ang kue ding-hi-hax sepu. Khüzün wüi zünle koplax.

TSAITONG-KAXTONG 16:20

Othuithuima masüi-mixlüikya chitüile tüilax, ile changkox tix Jowanpa hünzom Zang-e hünzom ang fakya ngokya haxtok hünzome kopüi ilaxle ikhama hünzom jento ngo ang kopüi.

TSAITONG-KAXTONG 11:32

anyix kue hünzom ang koxle ngokya wanlombu pangwüi kax ma laxle tüi angkya taxalak.

TSAITONG-KAXTONG 11:1

Jowanpa hünzom Zang to mongkünkox ilaxle othuithuima chix wanlombu kax ma laxle tüikox.

TSAITONG-KAXTONG 4:45

Ija a hwom Ijip nok tokya laile paokya füima, Jordan shuanu zongma handünchi kao haxcha ma Bethpeor tingnu zongma jannongchi ma, Mosa-e hwom ang wanlom ibu kox. Ija a Heshbon tingnu makhange apün-awangle ngokya Amor nok wanghompa Sihon haxtok ma changkya. Ijip nok angkya laile paopongma Mosa hia Israel khünaknue chix to anao.

TSAITONG-KAXTONG 4:8

Jat-li owa angchu, hwom tütatukux chongle tüikoxlechu, anyix kue hünzom ang anwot-ano koxkya ningkya sukya wanlom owa angchu müntüi.

LIWI 20:8

Ku wanlombu kax ma laxlax, chemthüikoxle ku a Jowanpa tamchu nang otsao ang zingkya Zang changle.”

JUHAN 15:14

Kue hünzom ang chem kaxtom fapuix, ija hünzome jangmok thüiningle, hünzom a ku zongto zuikhui changpu.

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

LAIPAO 18:20

Nange hwom hama, hwom chemle ngoüi tamchu hwome chem moküi, ibu bama, Jowanpa kaxtom nange hwom hama akhix-akhanle ano fa angkya changle.

TSAITONG-KAXTONG 1:3

Hwome Ijip nok dantox füima zanglao punyi to lyetbün-ata lükya owang nyixkha, Jowanpae chix ang akaxle koxkyakya kaxtom pangwüi Mosa-e khünaknu hama wün.

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

LIWI 19:19

“Ku kaxtom kax ma laxle tüilax. Mali-mali müi kuilex-litai ang taxtom. Haxtok jongta khama wüi mali-mali pün anyi tomle taxküi. Zi-li-anyi füi zingkya nyiwun taxlax.

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 6:1

“Ija a Jowanpa kem Zang-e hünzom hama anwot-anole chang angkya hanpakma fakya kaxtombu changle. Athax hünzome kop angkya haxtok to hünzome ibu kax ma laxle tüilax.

TSAITONG-KAXTONG 6:24

Ifüima Jowanpa kem Zang-e wanlom ibu to ilaxle chix to achuak-achenle tüi angkya kem ang kaxtom kox. Keme ile jangmok thüiningle chixe kemjat kemli to nyele ngoüi ilaxle ahak-aluale ngo ang tomüi.

TSAITONG-KAXTONG 7:11

Idaile athaxpi, hünzom hama anwot-anole changdaokya pangwüi kax ma laxle tüilax, ilaxle anyix kue hünzom ang koxkya wanlom pangwüi kax ma laxle tüilax.

TSAITONG-KAXTONG 8:11

“Hünzome Jowanpa hünzom Zang chemtuechu taxalak; ilaxle anyix kue hünzom ang koxkya chix wanlombu kax ma chilaxle otuechu taxtüi.

TSAITONG-KAXTONG 9:1

“Israel khünaknu, apalax! Anyix hünzome Jordan shuanu tale lelaxle hünzom füi ngaxchu süchongkya tamchu sütsak-süzongle tüikya jat-libu chaxwan le ngole hüikya haxtok hünzome laxüikhakha. Hwom tingnubu a tüle chongle ilaxle hwom panbu a zangkho to thule long füi tuklaxle tüile.

TSAITONG-KAXTONG 13:1

“Aje tuita chichangba wünmang taipupae ohünotün chichangba khomtsikya kaxbu akax koxlax, ikoxlechu

JIHUSUA 3:9

Ifüima Jihusua-e khünaknu ang thüi: “Ikhato hüilax ilaxle Jowanpa hünzom Zang-e hünzom füi akaxse lükya zangwün to apale koplax.

JEREMIA 11:6

Ifüima Jowanpae ku füi akax: “Judah tingnu hia Jerusalem tingjang lomnu to paokox. Ikhato ku kaxho laxkox ilaxle khünaknu ang Tsaotsüt füikya zangwün to nathale apa angkya ilaxle ibu kax ma laxle tüi angkya akaxkox.