TSAITONG-KAXTONG 34:4 - OTSAO BAIBEL (BSI)

⁴ Ifüima Jowanpae Mosa ang thüi: “Kue Abraham, Isak, hia Jakop hwom ang tamchu hwom su-sa hwom ang kox angkya hex-ole tsaokya haxtok a ija changle. Kue nang ang mike ngün ang koxpu ikoxlechu nang ikhato ngui ang müntom.”

TSAITONG-KAXTONG 34:4 ပူးပေါင်းရင်းမြစ်များ

TSAITONG-KAXTONG 32:52

Nange ija haxtok to tsailo tokhange atale huüi, ikoxle kue Israel khünaknu ang koxle ngokya haxtok to nang ngui ang müntho.”

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

PONGWANG LAIPEX 28:13

Ikhama Jowanpa chix zui ma ajongle tüikya. Chixe thüi: “Ku a, Jowanpa, Abraham hia Isak nyi Zang changpu. Athax nang jiple ngokya haxtok a, nang ang tamchu nangsix-nangli hwom ang kox angkya changpu.

HUAKE LAIPEX 20:12

Ikoxlechu Jowanpae Mosa hia Arun nyi füi mongmale ahe. Chixe thüi: “Israel khünaknu tuntho to ku tsak-zong angaile aho angkya hünkhi ma mongong okhonguile chitüikya khoma, kue hwom ang koxüihex-ole tsaokya haxtok to ngui ang hünkhie hwom lom münazuiüi.”

PONGWANG LAIPEX 26:3

Eja chaxwan to nang wünpa tuita ningle ngolax ilaxle ku nang füi tüile. Kue nang to mohimanüi, chemthüikoxle kue nang ang tamchu nangsix-nangli ang haxtok ibu pangwüi kox angkya changle. Ile kue hünpa Abraham füi tsaotsütdaokya ningle mokle wüi shu angkya changle.

PONGWANG LAIPEX 13:15

Nange ngünle tüikya haxtok komkaile kue nang ang tamchu nangsu-nangsa hwom ang kox angkya changle, idaile ija a othuithuima nang kux ang changle ngoüi.

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

JIHUSUA 21:43

Ikhoma Jowanpae hwom pupa hwom füi koxüihex-ole tsaokya haxtok Israel nok ang komkaile kox. Chemtue hwome ija haxtok kople tsuak puix, hwom ikhama tingtan-nokzingle ngo.

PONGWANG LAIPEX 17:8

Athax nang püntüi tuita ang achangle tüikya ija haxtok kue nang ang tamchu nangsu-nangsa hwom ang koxüi. Kanan haxtok komkaile othuithui hanpak ang nangsu-nangsa hwom haxtok ang achangüi ilaxle ku a hwom Zang ang ngoüi.”

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 1:37

Hünzom khoma hexle Jowanpa ku füi ngaxchu mongma laxle akaxle, ‘Mosa, nang ngaxchu ija haxtok to ngui ang müntho.

KAXFÜNPA-HWOM 1:16

Mosa hohochong, Kin nok, Jeriko makhange Judah hwom füi azuile pao. Jeriko a Judah angkya Arad zongma shuathong ma chemchu chitüikya haxza nok angkya pam tingnu tuita. Ikhato hwom Amalek-nok füi tomle tingtok kople ngo.