TSAITONG-KAXTONG 33:3 - OTSAO BAIBEL (BSI)

³ Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

TSAITONG-KAXTONG 33:3 ပူးပေါင်းရင်းမြစ်များ

KAXHO MÜIKYA LUK 10:39

Üntoxle she ang Meri le amünkya honao tuita tüikya, she-e a Jowanpa chitong ma thung laxle chix kax apa.

MALAKI 1:2

Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,

1 PITAR 1:5

Ibua, oshuk ma ngaile aho ang achwonle tüikya khosün bama mongong makhange Zang tsakzonge sünle thomkyabu hünzom hanpakma changle.

WANGSHEMBU MWOT 22:3

“Ku a Jehudi khünak, Silisia angkya Tarsas ma puxkya changle, ikoxlechu ija Jerusalem ma Gamaliel chitong ma lainao tuita ningle tsongle hüikya mix changpu. Bangkya kem pupa wanlom to angkya bama kue thutle awan kopkya changpu, ilaxle anyix hünzom ningle kuechu wüi tsuakkya apongle ma tsün Zang mwottho to koxle thomkya mix changpu.

KAXHO MÜIKYA LUK 8:35

Bülepang changdaokoxpu le hu ang khünaknu laile pao, üntoxle otue hwom Jisu hato nguipuix, chix angkya haxshix laile paokya mixsün khangka hingle üntoxle nyilax laxle Jisu chitong ma thungle ngokya ngün; ngünlaxle hwom pangnu wüi za.

KAXHO MÜIKYA LUK 2:46

Nyix azom lekya to tix hokhie chix Zangshwom-Hom to atak. Chixe Jehudi nok wanlom tsingpabu kax apa ilaxle chixechu hwom ma kax atüikyalibu atüile ngokya.

HOSIA 11:1

Jowanpae thüi: “Chemtue Israel a naosa tuita changkya hex, kue chix to mongkün ilaxle kusa ningle kue chix Ijip nok tokya nyakle apüi.

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

JEREMIA 31:3

tsailo tokya ku hwom hato ngaipu. Israel khünaknu, kue jento hünzom to mongkünpu, ikhoma chizakle kue hünzom hato ku mongkün aho ngopu.

WANWÜNKAX 2:1

Ku sa, kue nang ang anwot-anokya awanle koplax üntoxle kue nang ang chem moklax thüipuix ija taxalak.

MÜNCHUAK-TSAI 50:5

Chixe thüi: “Ku to mongong thomkya ku khünaknu asoxhüi, tö hia danbu koxkya makhange ku füi Tsaotsüt laxkyabu a.

MÜNCHUAK-TSAI 47:4

Kem ngokya haxtok chixe kem hanpak ang zünle kop, keme mongkünkya chix khünaknue kopkya mongngam mantswon. Selah

MÜNCHUAK-TSAI 31:15

Othuithuima nange ku to humele ngopu; ku zanpabu chak tokya nange ku khosünhüi, ku zothuple ngokyabu chak tokya a.

1 SAMUEL 2:9

“Chix to mongong-chalomle tüikya khünakbu kho chixe awa, ikoxle chichang-chizangkyabu a zangnak fangto asam; khünak tuita ang chix tsak-zong füi tholünkya kha chitüi.

TSAITONG-KAXTONG 14:2

Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

1 JUHAN 4:19

Pongwang ma Zange mongkün ikhoma keme mongkünpu.

1 THESALONIKA 1:6

Hünzome kwom thüi tamchu Jowanpa thüi anopu; ilaxle hünzom huanuma sikngün koxlechu, Otsao Chasa tokhange hüikya mongmüi füi hünzome ija kaxho pongle koppu.

MATHI 23:2

“Wanlom nwotmixbu hia farisibu a Mosa wanlom tai angkya tsakzong fale thomkyabu changle.

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

TSAITONG-KAXTONG 6:1

“Ija a Jowanpa kem Zang-e hünzom hama anwot-anole chang angkya hanpakma fakya kaxtombu changle. Athax hünzome kop angkya haxtok to hünzome ibu kax ma laxle tüilax.

HWON-NWOT-JAONO 9:1

Kue ibu pangnu bama okuilole tamchu zongbakle ajangdaoa ilaxle jetüi-hwonlangkyabu hia otsao khünakbu mwot, tamchu hwom mongkün hia miktsak-mongngwom pangwüi to Zang-e akumathumle changkya kue ngünle. Thünthochi ma chempang tüingopuix ija owaechu awan ang müntho.

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.