TSAITONG-KAXTONG 32:9 - OTSAO BAIBEL (BSI)

⁹ Ikoxlechu Jakop sixli hwom ang chixe jaoe chix kux ang süile koppu.

TSAITONG-KAXTONG 32:9 ပူးပေါင်းရင်းမြစ်များ

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

JEREMIA 51:19

Jakop Zang a hwom lailaikya münchang; chix a jalinusa zingpupa changle, ilaxle chixe Israel a chix khünaknu ang zünle kopdaoa. Jowanpa Khüthak Zang a chix mün changle.

1 WANGHOMBU 8:53

Nange hwom a khünaknu pangnu kha angkya nang khünaknu ang kamle kopkyabu changle; ija kax nange nang dapa Mosa makhange, Ijip nok tokya hwom alaile apüi pongma angaidaoa.”

1 WANGHOMBU 8:51

Hwom a tüle zaxle chuale ngokya Ijip nok wünkham khatokya alaile apüikya nang khünaknu jao changpu.

ISAIA 43:21

Ibu a kue ku hanpakma zingkya khünakbu changle, ilaxle hwome ku achuakle tsai ngaoüi!”

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

MÜNCHUAK-TSAI 78:71

ikhato chixe chun ozyembu to hule ngokya changkya, ilaxle chixe Israel nok wanghom ang chix achang, Zang khünaknu chunnyetpa ang chix achang.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

MIKA 2:5

Ikhoma, Jowanpa khünakbu ang ija haxtok achatle kox ang tu nguile hüipongma, ikhama hünzom süntswon ikuxsa ngaxchu müntüiüi.

1 SAMUEL 10:1

Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

LAIPAO 15:16

Zakya hia khomtsikya hwom hato hüi. Hwome nang tsak-zong ngünle, O Jowanpa, da ang ngokyabu nange danle khangkho angaikya, nang khünaknue toknople machang-machangle, hwom tüle zangale ajong.

LAIPAO 34:9

Chixe thüi: “Nang otsingtomtata ma ku füi mongzom müikya jangchang, kue nang kwom füi tomle azuihüi le tsaiju-kaxjupu. Ibu khünakbu a kax ma chilaxkyabu changle, ikoxlechu kwome mokdaokya bao mwot hia ochax thailakkya tüifa. Kwom a nang khünaknu lüwüi pongle laxhüi.”

2 SAMUEL 14:16

Ija daile nange ku kax to apaüi ilaxle ku sasün kukhi langlaxle Zang-e chix khünaknu ang koxkya haxtok angkya kukhi apao ang atumle ngokyabu chak tokya kukhi azünüile thütpu.

MÜNCHUAK-TSAI 28:9

Jowanpa, nang khünaknu khosünhüi, opangpang nang kux hex ibu to mohimanhüi. Hwom chunnyetpa ang nang changhüi, ilaxle othuithuima hwom to humele changhüi.

MÜNCHUAK-TSAI 74:2

Nang kaitanto wüi ma hanpak angle zünle kopkya nang khünaknu texle ataklax, hwom a nang saxthom ang lax angkya hanpakma zanda ang ngokya nange alaile apüikya khünakbu changpu. Ami nang ngotoxkya kha Zaion texle ataklax.

MÜNCHUAK-TSAI 106:40

Ikhoma Jowanpa ang chix khünaknu füi huanuma mongma; chix a hwom füi nushix dongkya ang chang.

ZEKARIA 2:12

Anaole chuwüi, chix otsao haxtok ma, Judah a Jowanpa zongto ataxkya tuina ang changüi, üntoxle Jerusalem a chixe ataxle mongkünkya tingnu ang changüi.

TSAITONG-KAXTONG 9:29

Wünhax thüikoxle, nange nang tsak-zong chongkya füi, ma khünak ang lax ang Ijip nok tokya alaile zünle kopkya khünakbu a ibu changle.’

JIHUSUA 24:17

Jowanpa kem Zang-e tix kem pupa hwom tamchu kem Ijip nok to da ang ngokya danle apüipu, ilaxle chixe mokkya ohünotün mwotbu keme ngünle hüipu. Keme kaile toxdaokya jat-libu haxtok akaile le pongma chixe kem ziakople thompu.

2 SAMUEL 20:19

Hwom tingnu a tüle chongkya tingnu tuita changpu. Ija a Israel haxtok ma tumüi-lomkhaole hüikya tingnu tuita. Nange ija chem hanpakma amüt ang azongpu? Nange Jowanpa chem hex ija amasele tsupia?”

MÜNCHUAK-TSAI 33:12

Jowanpa hwom Zang ang ngole tüikya haxtok a mongmüi haxtok changle; chixe ma khünak ang kamle kopkyabu a mongmüi mixbu changle!

MÜNCHUAK-TSAI 106:5

Nang khünakbu ahak-aluale changkya kue ngün ang tomhüi ilaxle nang jat-li hwom mongmüi tomhanle lax ang tomhüi; nang kux ang ngokyabu ngadün füi tomle a.

ISAIA 19:25

Jowanpa Khüthak Zang-e hwom to mohimanüi ilaxle thüiüi: “Kue hünzom to mohimanüi, Ijip nok, hünzom ku khünakbu; nang, Asiria, owa kue zingle alaipuix; ilaxle nang, Israel, kue zünle kopkya khünaknu.”

ISAIA 34:17

Hwom bama haxtok ahanle kox angkya a Jowanpa ilaxle hwom pangwüi ang süntom kox angkya changle. Tsün-tok to-tsünle ibu ikhama ngoüi, ilaxle ija haxtok a jento hwom kux ang ngoüi.

JEREMIA 2:7

Kue hwom haxzao füikya haxtok to apüipu, ikhatokya puamün hia müikya oli saxlaxle naxchang koxle. Ikoxle hwom ku haxtok mix thomjo; kue hwom ang koxkya haxtok hwome akhu ang tom.