TSAITONG-KAXTONG 32:6 - OTSAO BAIBEL (BSI)

⁶ Hünzome Jowanpa to ile hwon angkya olom changcha, hünzom ongat, tutex mong chizaikyabu? Chix a hünzom hopa, hünzom zingpupa, jat-li tuita ang hünzom chixe zingpu.

TSAITONG-KAXTONG 32:6 ပူးပေါင်းရင်းမြစ်များ

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

1 JUHAN 3:1

Hopae kem to otukux mongkün puix hulax! Kem ang Zangsu Zangsabu le nyakkya kople chix mongkün chongkya tüile; üntoxle otsing tomtata ma kem a chixsu chixsabu changle. Ikhoma chaxwannue kem owahex münawan; chemthüikoxle chaxwannue Zang owahex chitsing.

ISAIA 64:8

Ikoxlechu Jowanpa, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

ISAIA 44:2

Ku a Jowanpa hünzom zingkya mix changle; hünzom puxkya tokhange wüi, kue hünzom to fongle hüipu. Taxza; hünzom a dabu changle, ku khünaknu, kue mongkünkyabu a.

MÜNCHUAK-TSAI 74:2

Nang kaitanto wüi ma hanpak angle zünle kopkya nang khünaknu texle ataklax, hwom a nang saxthom ang lax angkya hanpakma zanda ang ngokya nange alaile apüikya khünakbu changpu. Ami nang ngotoxkya kha Zaion texle ataklax.

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

GALATIA 4:6

Nang a sasün changle le aho ang, Chasa owae “Apa, Ku Apa”, le akhongpuix, ija chix Hosa chasa Zange kem mongto ngui ang kox.

GALATIA 3:26

Khrista füikya notom ma hünzom Zang susabu ang achangkya a mongong makhange changle.

1 KORIN 6:20

chixe nang a otha koxlaxle shakdaoa. Idaile nang tsangtsa nange Zang fuazang angkya olom ma twonlax.

ROM NOK HATO ZAKYA POL LAIZA 8:15

Chemthüikoxle Zange hünzom ang koxkya Chasae hünzom da ang münachang ilaxle hünzom zazyen angchu müntom; itülüi, ija Chasae hünzom Zangsu Zangsabu ang achangle, tamchu ija Chasa zong füi keme Zang ang “Apa! Ku Apa!”, le nyakle akhongle.

WANGSHEMBU MWOT 20:28

Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.

JUHAN 8:41

Hünzome hünzom hopa mwot mokpu.” Hwome chix ang thüi: “Kwom Hopa ang Zang tata wüi ilaxle kwom a chixsu chixsabu changpu.”

ISAIA 43:7

Hwom a ku khünakbu changpu, ilaxle kue hwom a ku hato fuazangkya nax-apüi lele zingle alaikya changpu.”

MÜNCHUAK-TSAI 149:2

Hünzom Zingpupa hanpakma mongmüikya tüikox, hünzom Israel; hünzom wanghompa bama Zaion angkya khünaknu, hünzom ang mongmüikox!

MÜNCHUAK-TSAI 100:3

Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

TSAITONG-KAXTONG 32:18

Hwome hwom Zang, tsak-zong chongkya füi tüikya khosünpa alakle asam, hwom hanpakma tsün koxkya Zang a chix changkya.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

TSAITONG-KAXTONG 1:31

ilaxle sak-hax faokha tochu ngündaoa. Chixe hünzom lomjang fole ikha alople chemle khosünle apüipuix, ija hünzome ngün ang kopdaoa, hopa tuitae chix sasün tuita chemle koplax toxpuix ija jaojao lea.’

JEREMIA 5:21

Na thale apalax, hünzom ongat-ongüi tamchu chemchu chitsingkyabu, hünzom ma mik tüipu ikoxlechu chingün, na tüipu ikoxlechu chiatat.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

ISAIA 1:2

Jowanpae akax: “Ding-hi-hax, kue chem akaxpuix ija to apalax! Kue tux-tsomle atsünkya naosombue ku zan to kale.

MÜNCHUAK-TSAI 116:12

Chix ku zongto müikya pangwüi bama kue Jowanpa ang chem fatsuaküi?

MÜNCHUAK-TSAI 95:6

Oman, keme chix tongshwom le akhuxhax; kem zingpupa Jowanpa tuntho to akhuxhax!

MÜNCHUAK-TSAI 74:18

Ikoxlechu nang zanpabue nangcha nyikya texle ataklax, O Jowanpa, ibu a zang chitüikyabu üntoxle nang chilaxle awütkyabu changle.

JOB LAIPEX 10:8

Ku a nang chak füi zingle jaokya changpu, Athax a chak ibu füi ku amüt ngopu.

LAIPAO 15:16

Zakya hia khomtsikya hwom hato hüi. Hwome nang tsak-zong ngünle, O Jowanpa, da ang ngokyabu nange danle khangkho angaikya, nang khünaknue toknople machang-machangle, hwom tüle zangale ajong.

LAIPAO 4:22

Ipongma nange ile akax angkya wüi changle, ‘Jowanpa, kue thüipu, Israel a ku somwang nao changle.

TSAITONG-KAXTONG 32:28

“Israel a tutex ma mongkho chinguikya jat-li tuita changpu; hwom ma je-hwon ojao müntüi.

2 SAMUEL 7:24

Nange Israel nok a othuithuima nang khünaknu ang zing, ilaxle Jowanpa, nang a hwom Zang ang achang.

HOSIA 13:13

Israel nok ang ozün ma ngo angkya olom tüile, ikoxle lax angkya a ongat jaojao changpu: ija a, athax zangngai ngünle laiüi khakha naosae honu wokkha angkya münlaipu le angamkya ningle changpu.

TSAITONG-KAXTONG 14:1

“Hünzom a Jowanpa hünzom Zang khünaknu changpu. Idaile chemtue hünzom owawa zi-maxkya bama sop-jua pongma, ma to alüile zütle chichangüi chichangba khüjan ongle chiawütüi; ija ningkya a mixnokbue mokwüi.

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’