TSAITONG-KAXTONG 32:4 - OTSAO BAIBEL (BSI)

⁴ “Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

TSAITONG-KAXTONG 32:4 ပူးပေါင်းရင်းမြစ်များ

MÜNCHUAK-TSAI 92:15

Ija makhange Jowanpa a sukya changpule ahole, ikhoma ku kho-awapa ma thaikya ojao müntüi.

ISAIA 26:4

Jento Jowanpa to mongong tüilax; chixe jento kem kho-awale thomüi.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

MÜNCHUAK-TSAI 100:5

Jowanpa a müikya changle; ilaxle chialekya chix mongong oshuk chitüile ngoüi.

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

1 KORIN 10:4

ilaxle taningkya ti ling; chemthüikoxle hwome, hwom füifüi to azuikya Otsao Chasa long angkya ti ling; ilaxle ija long a Khrista chix tomtata changkya.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

JEREMIA 9:24

Owawae tsaichong-kaxbongle tüise jangtsu, ibu hwome ku tsing-wankya bama tsaichong-kaxbongle chang ang tsuak, chemthüikoxle ku mongkün ma ojem münfün, ilaxle kue chem supuix tamchu chem changpuix ijatix mokpu. Ku mong amüi angkya mwotli a ibutix changpu. Ija a, Jowanpa, kue akaxdaoa.”

ROM NOK HATO ZAKYA POL LAIZA 3:5

Ikoxle keme thaile mokkyae Zange ojao chithaile mokkya khünaknue atsingsho le ngün ang jang ahoba keme chemle thüiüi? Kem ang sikngün fapong ma Zang ang thaile mokle le thüiüi hia? (Kue khünak zangwün ma wünpu).

ROM NOK HATO ZAKYA POL LAIZA 2:2

Ile mokngokyabu hanpakma chixe kaxfün fakya ma Zang münthaile keme awanpu.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

ISAIA 25:1

Jowanpa, nang a ku Zang changle; kue nang chathua za ilaxle nang mün achuak-achenle changüi. Nange khosamle abütkya mwotbu mokdaoa; nange mongong athokya chitüile nange kaiwüi ajukkya mwotbu mokle changdaoa.

1 PITAR 2:6

Chemthüikoxle Otsao Lai-e akaxle, “Kue thalix long tuita zünle koppu; ija kue Zaion ma homkom-longnu ang dan; opange chix to onglaxüi hex, mong athokya müntüiüi.”

JUHAN 5:22

Hopa chix tatae owa kaxchu mafün, ikoxle kaxfün angkya pangwüi Hosa ang koxle thomle; ikhoma hwome Hopa achuakkya ningle Hosachu wüi achuak angkya changle.

HABAKUK 1:13

Ikoxle iningkya ong angkya ojao chitüikya ochax khünakbu to hule nang chemle ngothoüi? Nang a ochax to hu ang chithokya otsao changpu, idaile khünaknue ochax mokkya to hule nang ngo ang müntho. Jangchangba khünakbue hwom füi ngaxchu sütsaokya khünakbu to thama adünle changkya to nange büthüikoxle chitsapu?

ISAIA 28:16

Athax, ija a Jowanpa khüthak Zang-e akaxkya kax changle: “Kue Zaion ma othong mongkya tamchu oshing mongkya nui-ting tuita hanpak ang kue homkom-longnu tuita küile ngopu; ikhama ile zakya tüile, ‘Mongong shingmongkya a okuilole adukya chu changpu.’

MÜNCHUAK-TSAI 97:2

Zangfwom hia zangnake chix akhoplaxle tüile; chixe otsao hia sukya kaxfün füi apün-adaüi.

JOB LAIPEX 34:10

Hünzom awan-atsingkyabue ku kax apahüi! Khüthak Zang-e thaikya mwot mok ang chami?

TSAITONG-KAXTONG 32:18

Hwome hwom Zang, tsak-zong chongkya füi tüikya khosünpa alakle asam, hwom hanpakma tsün koxkya Zang a chix changkya.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

JAKOP 4:12

Wanlom fakya mix tamchu kaxfün mix tuita wüi, ija a Zang changle, owae sün ang tsuak ilaxle amüt angchu wüi tsuakpuix. Jangchang thüiba ma tomzi bama kaxfün fa ang nang owa changlax?

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

ROM NOK HATO ZAKYA POL LAIZA 1:32

Ile ngokya khünakbu zi angkya ataküile Zang wanlom ma tüikya hwome awanpu. Ingale iningkya oma mwot hwom tatae mokle lengokya chichangle mixe mokkya tochu wüi müipuix le thüi.

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

HWON-NWOT-JAONO 3:14

Kue tsingpu, Zang-e chempang mokpuix ibu pangwüi oshuk chitüile ngoüi. Nange ija to oli tuitae bo ang müntsuak chichangba ikha angkya oli tuita apao ang müntho. Ilaxle Zang-e mokkya tuita a, chix ngünlaxle kem khomtsile ajong ang tom angkya, ija changle.

MÜNCHUAK-TSAI 146:6

ding-hi-hax tamchu tinu shinthuk anaolechu ibu ma tüikya pangwüi zingpupa to a, mongmüi mixbu a hwom changpu. Chixe jento chix kaxtsaobu thomle;

MÜNCHUAK-TSAI 138:8

Nange tsaodaokya pangwüi nange mok angkya changle; Jowanpa, nang mongkün ma oshuk müntüi. Nange owang wangdaokya mwot ashuk-hüi.

MÜNCHUAK-TSAI 99:4

Chix a taitax wanghom, nange chem supuix ija to mongkün; nange Israel ma sukya kaxfün apüitsuakle; nange otsao hia masüi-mix-chilüikya apüitsuakle.

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

MÜNCHUAK-TSAI 31:5

Kue ku nang chak to danpu. Jowanpa, nange ku khosün hüi; nang a mongong ma chialekya Zang changle.

MÜNCHUAK-TSAI 19:7

Jowanpa Wanlom a okhonguikya changle; ijae janzüi hozün koxle. Jowanpa kaxtombu a mongong tüikya wüi changle, je chitüikyabu ang je kox.

MÜNCHUAK-TSAI 18:46

Jowanpa ozün ma tüile! Ku khowa-pa achuakle changkox! Ku khosünle kopkya Zang chongkya khuapukox.

MÜNCHUAK-TSAI 9:16

Chix otsao kaxfün makhange Jowanpa chix sukya ngaile ahodaoa, üntoxle chichang-chizangkyabu a hwom mwot mawüi alüile mandaoa. Selah

JOB LAIPEX 35:14

Job, nange Zang ngün ang münthole thüitüi; ikoxlechu adule ngohüi, nang zangwün a chix pomtho ma tüile.

2 SAMUEL 23:3

Israel nok Zang-e akaxdaoa; Israel nok khowapae ku ang thüi: “Wanghompa owae chix sukya füi apünpuix, owae Zang kax ma laxle apünpuix,

2 SAMUEL 22:47

Jowanpa ozün ma tüile! Ku khowapa achuak kox! Ku khosünle changkya tsak-zong füikya Zang chuak-chongkya apuk-kox!

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

TSAITONG-KAXTONG 10:18

Chixe zomnu hia khaxsa hwom wünhai chitüile tomwüi hule; kem füi tomle ngole hüikya mixnokbu to chixe mongkünle ilaxle hwom ang sütling hia nyiwun ibu koxle.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

LAIPAO 34:6

Ifüima Jowanpa a chix tuntho makhange le ilaxle akhongle thüi: “Jowanpa ku a chingchajajae awangle tüikya Zang changle. Ku ang mong chwonle chitsiküi ikoxle chongkya mongkün hia ojao chialekya mongong-chalom tüipu.

PONGWANG LAIPEX 1:31

Zang-e chix chakzing müihule le ngün. Ifüima zangnak üntoxle zangngai. Ija a azok lükya nyix changkya.

2 PUKAX-PANGAO 19:7

Jowanpa chathua zakya tüilaxle ilaxle khün-likya füi kaxfün falax, chemthüikoxle Jowanpa, kem Zang-e, dyen-ngankya, masüi-mixlüile changkya hia zuizun, ibu füi adukya müntüi.”

JOB LAIPEX 8:3

Zang-e otsing kaxfün chemtuechu ajo-ajüi ang müntho; Chemtuechu sukya mwot chixe thaile mok ang müntho.

JOB LAIPEX 36:23

Owaechu Zang hama chem moküihex apua ang müntho chichangba ochax mwot mokle le chix ma kaxhux-fe ang müntho.

MÜNCHUAK-TSAI 78:35

Zang a hwom kho-awapa changkya, ilaxle hwom to fong ang Khüthak Zang hwom to fong ang nguikya hwome texle atak.

MÜNCHUAK-TSAI 90:16

Nang dabu, kwome chongkya nang mwotbu ngün ang tomhüi; kwom su-sa hwome nang fuazangkya tsak-zong ngünle lax ang tomkox.

ISAIA 17:10

Israel, longnu tuita lailaile nang to tukle khosünle tamchu wintuk-hanthale ngokya Zang nange alakle asamdaoa. Itülüi, nange mixnok baozangbu to shwom angkya hanpakmale otsao tsawatbu azün.

HABAKUK 1:12

Jowanpa, nang a pongwang tokhange wüi Zang changle. Nang a, otsao tamchu oshuk chitüikya ku Zang changpu. Jowanpa, ku Zang üntoxle ku khosünpa, Babilon nok nange zünle kop ilaxle kwom to sikangün tang hwom tsak-zongle tüi ang tom.

ZEFANIA 3:5

Ikoxlechu Jowanpa a ija tingnu mawüi tüile ngo; Chixe chem supuix ija mok ikoxle chem chisupuix ija otuechu chimok. Nopfokya to chixe chix khünaknu ang sukya kaxfün fa. Ikoxlechu ikhama tüikya ochax khünakbue ojao chiazakle chisukya mwotbu mokle ngo.

NEHEMIA 9:8

Nange chix a nang to mongong tüikya mix tuita changpule atakpu, ilaxle nange chix füi tsaotsüt laxle kaxfün tuita zingpu. Nange chix ang Kanan Chaxwan koxüihex-ole tsaopu, Hit nok hia Amor nok haxtok, Peri nok, Jebu nok, ilaxle Girga nok, ibu haxtok, chixsu chixsa hwom ngo angkya haxtok ang changüile koxpu. Nange nang kaxtsao otya ma thompu, nang mongong ma loplüikya chitüi.

MÜNCHUAK-TSAI 33:4

Jowanpa kaxngaobu a otsingtsing changle, üntoxle chix mwot pangnusa wüi chalomlule tüile.

MÜNCHUAK-TSAI 145:17

Chix mwot pangnusa towüi Jowanpa a otsao changle, chix mwot pangwüi chixe chingchajaja füi mokle.

DANEL 4:34

Wanghompa-e thüi: “Chemtue ija zanglao anüt kaile changpuix, kue zangkho to angakle hu, ijama ku khangka hingle hüi. Kue münchong hia fuazang pangwüi jento ngole tüikya Khüthak Zang ang fa. “Chixe jento apünle ngoüi, ilaxle chix wangting ma oshuk müntüitoxüi.