TSAITONG-KAXTONG 32:30 - OTSAO BAIBEL (BSI)

³⁰ Tutae hajat to büthüikoxle lüt ang tho? Hajat bün to mixhuak anyie büthüikoxle lüt ang tho? Jowanpa, hwom Zang-e hwom dandao koxpu; hwom Khüthak Zang-e hwom chilaxle awütdaoa.

TSAITONG-KAXTONG 32:30 ပူးပေါင်းရင်းမြစ်များ

LIWI 26:8

hünzom mixsün agae wüi hota to lüt ang thoüi, ilaxle hotae a hajat bün to lüt ang thoüi.

JIHUSUA 23:10

Hünzom noknoke wüi hajat tuipong makhange mixhuakke afütle apao ang thopu, chemthüikoxle, Jowanpa hünzom Zang a, chixe tsaosax daokya lailaile hünzom hanpak ang azanle ngokoxpu.

ISAIA 30:17

Zan nok süpahi tuita ngünkya thoto hünzom hajat tuita khünak zikle paoüi, idaile hünzom pangwüi zikle pao ang tom angkya a süpahi mixsün aga wüi nguiüi. Haxkho to nyiluak apik ang ngokyabu boma hünzom süpahi khama owachu chitoxle paoüi!

MÜNCHUAK-TSAI 31:8

Nange ku zanpabu ang ku kop ang chitom; ku mong atsutsu khato aham angkya nange ku ang mongtex panpu.

MÜNCHUAK-TSAI 44:12

Hwom a chem thakhochu chinguikya ningle nange nang khünaknu thanai ma hangle awütpu.

ISAIA 52:3

Jowanpa Khüthak Zang-e chix khünakbu ang thüi: “Chemtue hünzom dabu ang achangpuix, hünzom hanpakma ngun chifa; ija ningle hünzom dan ang chuwüi omün chemchu chifale danüi.

2 PUKAX-PANGAO 24:24

Khünaknue Jowanpa, hwom pupa hwom Zang chilaxle awütkya khoma, Siria nok süpahi hiadaole wüi changkoxchu müimamale tüikya Judah nok süpahibu to lüt ang chixe tom. Ija ningle wanghompa Joash to sikangün.

KAXFÜNPA-HWOM 3:8

Ikhoma Jowanpa ang Israel nok füi mongtsik ilaxle Mesopotamia nok wanghom, wanghompa Kushan Rishathaim-e hwom tingtak ang tom, ilaxle chixe zanglao 80 hanpakma hwom to apün-ada.

ISAIA 50:1

Jowanpae thüi: “Khünak tuita chix kakonu apaokya ningle kue ku khünakbu apaopule nange thütpia? Jangchangba, afan angkya laiza ojong? Khünak tuitae masa da ang hangkya ningle kue hwom zanda ang koxle apaopule nange thütpia? Ile münchang, hünzom zanda ang hünzom ochax khoma paopu; hünzom mütkopbu khomale hünzom koxle apaopu.

JOB LAIPEX 11:10

Kop üntoxle Zang-e nang kaxfün nui to apüile jangchang, chix abaxle tui angkya owa tüi?

KAXFÜNPA-HWOM 2:14

Ikhoma Jowanpa ang Israel nok füi tüle mongtsik ilaxle mix tsangtsele changkya nguilaxle hwom tsangtsele pao ang tom. Hwom akhople tüikya zanbue hwom towüi anao ang tom, ilaxle Israel nok ma lailai to alüile ma kho awa ang chithole chang.

MATHI 18:25

Chix ma, ma thashe achat ang ngun okhonguile chitüi koxle, ija wanghome, ija mixsün kakonu hia susabu komle tamchu chix ma atüitüi komkaile, chix thashe achat angkya kuxma hangle awütlaxle da ang achangle awüt angkya kaxkox.

JOB LAIPEX 16:11

Zang-e ku ochax khünakbu chak to koxdaoa.

LIWI 26:7

Hünzom zanbu to hünzome wüi anaoüi;

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

1 SAMUEL 2:2

“Jowanpa lailaikya otsao owachu müntüi; chix lailaikya owa müntüi, kem Zang lailaikya khosünpa owa müntüi.

1 PUKAX-PANGAO 12:14

Hwom khama Gad homjen angkya züizüi sihozang alixachongbu a 1000 pong thakma lompabu changkya, ilaxle züizüi sihozün alixachongbu a 100 thakma lompabu changkya.

1 WANGHOMBU 14:16

Jeroboam-e achax laxle Israel nok achax ang tomkya khoma Jowanpae Israel danle awütüi.”

2 WANGHOMBU 7:5

Ikhoma, zangnak ang sütkya füi shemle, hwom Siria nok thongnui to pao, ikoxle hwome ikha alople changpongma ikhama owachu chibang.