TSAITONG-KAXTONG 32:26 - OTSAO BAIBEL (BSI)

²⁶ Kue hwom a komkaile olithu ang tomse, ikoxtix owaechu hwom texle atak angkya chitüiüi.

TSAITONG-KAXTONG 32:26 ပူးပေါင်းရင်းမြစ်များ

TSAITONG-KAXTONG 28:64

“Haxtua-zangnam kaochi makhange kaochi kople, chaxwannu okhui apongle, Jowanpae hünzom pangnu jat-libu khato chiakle asamüi.

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

MÜNCHUAK-TSAI 34:16

Ikoxlechu ochax mwot mokkyabu chixe abaxle, ikhoma chemtue hwom zipuix, hwom a lebama wüi alakle asamle.

TSAITONG-KAXTONG 28:37

Jowanpae hünzom chiakle asam angkya haxtokbu to, hünzom to chemle changpuix, ija bama khünakbu ang khosamüi; hwome hünzom cha nyiüi ilaxle wanjaile changüi.

TSAITONG-KAXTONG 28:25

“Jowanpae zanbu ang hünzom to lüt ang tomüi. Hünzome hwom to lomkua tuita makhange singüi, ikoxle hwom thoto hünzom pangnu chito afale paoüi, ilaxle hünzom to ile changkyabu ngünlaxle chaxwannu khünaknu nok wüi abütüi.

TSAITONG-KAXTONG 4:27

Hünzom a Jowanpae mix jat-libu khato chiakle sam ang tomüi, ikhato hünzom hidaole ozün ma ngoüi.

LIWI 26:38

Hünzom a samle mix chaxwan to zile ibu haxtokle hünzom jokle lingüi.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

TSAITONG-KAXTONG 9:14

Ku abax ang taxazong. Owaechu texle chiatakle kue hwom zangfang angkya olithule amüt angkya mongzangwünle tsuakdaoa. Ifüima kue nang jat tuita hopa ang zingüi, ilaxle ija jat a ibu füi süluile tamchu tsak-zongle tüiüi.’

ISAIA 48:11

Kue chem mokpuix ija a ku hanpakma mokpu — kue ku mün ahaile chang ang müntom chichangba owawa füi ku fuazang ahanle lax ang müntom ija a ku tata kux changüi.”

LAIPAO 32:12

Nange, nang khünaknu haxnukho to lang ang ilaxle hwom oli thule amüt ang Ijip nok tokya alaile paopu, le Ijip noke akax angkya olom büthüikoxle daple koxüi? Mongtsik danghüi ilaxle nang mong alüix üntoxle nang khünaknu hato ija thama hüi ang taxtom.

MÜNCHUAK-TSAI 34:17

Otsao khünakbue Jowanpa nyakpongma chixe atatle; hwom tingtui pangnu chak tokya chixe hwom khangkhosünle.