TSAITONG-KAXTONG 32:24 - OTSAO BAIBEL (BSI)

²⁴ Hwome a woknuak hia kak-lak ma ziüi; hwom a khomtsikya kak-lakbu chak ma ziüi. Kue faomüibu hwom zan to akatüi, ilaxle oje füikya pubu hwom to tu ang ahüiüi.

TSAITONG-KAXTONG 32:24 ပူးပေါင်းရင်းမြစ်များ

LIWI 26:22

Kue za-adünkya müima-nyaxshixbu hünzom hato ahüiüi, ilaxle ibue hünzom su-sabu langüi, hünzom tsom-pombu thomjoüi, ilaxle hünzom a hidaole wüi atale dantoxüi ikhoma hünzom lomtangbu a owachu chiahamle limüi.

EZEKEL 5:17

Kue hünzom naosombu lang ang woknuak hia faomüibu hüi ang tomüi, ilaxle hünzom lang ang a okak-olak, tuma-wanshix hia ochax-ozan, ibu ahüiüi. Ija a Jowanpa kue akaxdaoa.”

HABAKUK 3:5

Chix thüntho ma chixe kaklakbu ahüile ilaxle zikmüt-mangkho ang chix füifüi ma azüi angkya kaxtom koxle.

AMOS 9:3

Hwom a Karmel Haxnukho to khünle ngokoxchu, kue hwom lomle ataküi ilaxle kopüi. Kotho to hwom tinu othong to khünle changkoxchu, kue tinu khatokya müinu-nyaxpa ang hwom to tsüt ang tomüi.

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

EZEKEL 14:15

“Chichangba haxtok ma khünak tuita aham angkya thama apüile khünaknu mik amüt ang kue faomüibu ahüi ang tsuak.

MANGSOP 5:10

Woknuake kwom tundün kak ang achangle ilaxle kwom tsangtsa khwon a fongbak tukuxle akhamle.

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

JEREMIA 15:3

Hwom to khompua-zadünkya thama oli ali ibibi chang angkya bama ku, Jowanpae mongzangwünle tsuakdaoa: hwom a zanhok ma langüi; hwom mangbu a hibue linle paoüi; osabue ibu saxüi, ilaxle ota danle toxkyabu a faomüibue jokle lingüi.

JEREMIA 14:18

Chemtue ku zang kotho to laile paopuix, kue zanhok ma langkya khünak mangbu ngün; chemtue ku tinglongbu to paopuix, kue khünaknu woknuak ma zile ngokyabu ngün. Zompu-zangpabu hia jebue hwom mwot mokle ngo, ikoxle hwome chem mokle ngopuix hwome chitik.”

ISAIA 65:25

Shwon hia chun hosabue tomwüi saxlingle ngoüi; maihue saxkya ningle mailangbue tsaxsa saxüi, ilaxle pubu ma thomzün angkya chemchu chitüiüi. Zaion, ku otsao haxnu ma, thomzün angkya hia ochax chemchu müntüiüi.”

MÜNCHUAK-TSAI 120:4

Süpahi sanhap anaxkyabu füi, tamchu wündix okham khisumkya füi!

MÜNCHUAK-TSAI 91:6

Zangnak fangto apong angkya kakma-lakshix thuachu münzaüi chichangba zangngai mik ma lang-huak angkya ochaxbu thuachu münzaüi.

TSAITONG-KAXTONG 28:53

“Chemtue hünzom hato zandong laxle tingting takle single nguiüihex, sax angkya süt bama hünzom ang müimamale tingtui dongle khosamüi, ilaxle Jowanpa hünzom Zang-e hünzom ang koxle tüikya masu-masabu to apüile huakle saxüi.

TSAITONG-KAXTONG 28:22

Jowanpae hünzom to kakma-lakshix; fingle kakkya hia khamle kakkya, ibu okak-olak füi fitüi; chixe hünzom manzai olithule naxchang ang chaxwan ako ang tomüi tamchu zangwin okhame jep ang tomüi. Okak-olak ibu a hünzom füi mazi-mazile ngo ang tomüi.

PONGWANG LAIPEX 49:15

Chixe nazaknui müitüia le ngün, chaxwan-longkho chasa single ngün. Idaile hün dan angkya chixe tok-khya aho, ilaxle da tuita ningle atsangle amok.

PONGWANG LAIPEX 3:14

Jowanpae pu ang thüi: “Nange ija ile mokkya khoma, müibu hia zünmok pangnu khama nang to thuakzompu; nang wokzutle ahamüi ilaxle nang tsün-tsün ma nange haxbu saxüi.

TSAITONG-KAXTONG 28:48

Ikhoma, Jowanpae hünzom hato ahüi angkya zan-nokbu thothale hünzom ngoüi. Hünzom a wokno-tilanle tamchu tsangtsa ma chemngax chitüile tui-nolanle ngoüi. Hünzom bakle olithule machang tanto Jowanpae atsangle afang thomüi.

JOB LAIPEX 20:16

Ochax khünake chem jokpuix ija a khunhing thatha; ija füi hwom mik amüt angkya, oje füikya pue tukya thatha.

JEREMIA 8:17

Jowanpae thüi: “Hule ngolax! kue hünzom khato, jik ang chithokya oje füikya pubu ahüipu, ilaxle ibue hünzom to tsütüi.”

MIKA 7:17

Haxbu khato hwom pu lailaile wokzutle alyangüi; hwome tüle abünle zakya füi zanhunui tokyabu nguiüi. Za laxle hwom a Jowanpa kem Zang hato mong alople hüiüi.