TSAITONG-KAXTONG 32:22 - OTSAO BAIBEL (BSI)

²² Ku mongtsik a wünle laile jao chuale dongüi ilaxle chaxwantok angkya pangwüi zokle ashunüi. Ijae ama-lum jao alople changüi ilaxle haxnubu otsing komkaile zokle ashunüi.

TSAITONG-KAXTONG 32:22 ပူးပေါင်းရင်းမြစ်များ

MANGSOP 4:11

Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

JEREMIA 15:14

Hwome opak chitikkya haxtok to kue hwom ang hwom zan-nok thothale chang ang tomüi, chemthüikoxle ku mongtsik a wün ningle changle, ilaxle ijae jento zokle ngo angkya changle.”

ZEFANIA 3:8

“Jowanpae thüi: ‘Nuibang!’ Kue jat-libu pangwüi ma tsaitox-kaxfele changkya nyix tanle nuilax. Kue ku mongtsik mongma tsak-zong atsangle hüikya hwome awanle laxle chang angkya hanpakma jat-li hia wangtingbu asox ang tom angkya ku mong ma zangwünle tsuakdaoa. Ku küntsik-mongmakya chaxwannu pangwüi max ang tomüi.

MIKA 1:4

Ifüima chix chitong ma haxnubu chule paoüi wün zui ma müizao chukya ningle; ijabu haxnuchabu to thokle ajenüi haxkho tokhange ti thokle ajenkya ningle.

JEREMIA 17:4

Kue hünzom ang koxkya haxtok hünzome dantox angkya wüi ilaxle hünzome awanle chingokya mixnok chaxwan to kue hünzom ang zan-nokbu thotha-manzaile ngo ang tomüi, chemthüikoxle ku mongtsik a wün ningle changpu, ilaxle ijae jento zokle ngoüi.”

MÜNCHUAK-TSAI 86:13

Chizakle ku tokya nang mongkün chemtukux chongpuix! Nange ku zuk-kha tokya jao khosünle kop.

HUAKE LAIPEX 16:35

Ifüima Jowanpae ajokya wün chuale lai ilaxle ongan müikya tö apüile tüikya 250 khünaknu pangwüi zokle ashun.

IBRI 12:29

chemthüikoxle kem Zang a zokle ashun angkya wün changle.

2 THESALONIKA 1:8

tamchu chuale ngokya wün füi, Zang pongle chikopkyabu ilaxle Jowanpa Jisu bama wünkya Kaxho Müikya to chiongkyabu to sik angün ang nguikya zuma chixe ija moküi.

MATHI 23:33

Hünzom pubu tamchu pu susabu! Haolum alop angkya sikngün chak tokya khosün ataküile hünzome chemle textsuak laxpu?

MATHI 18:9

Tamchu nang mike nang mongong amüt ang jangtomba, ija loklaxle tswonle awütdao! Pangnyi mik koplaxle haolum okham wünkha to tswonle awütkya füi mik kao tuita füi ozün ma ngo angkya kha alopkya wüi nang hanpakma amüikya.

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

HABAKUK 3:10

Chemtue haxhuabue nang ngünpuix, hwom abünle za; zangding tokhange ti thokle ajen. Chaxwan mong tokya tibu fuakle lai, ilaxle ibu tichap ding to dong.

EZEKEL 36:5

“Ku, Jowanpa Khüthak Zang-e, ku mongtsik zangkham abakle tomzi nokbu füi akaxdaoa, tamnüile chu Edom nok füi akaxpu. Hünzome ajao-adakya füi tamchu zong ma laxle ku haxtok hia müi tsomnuibu laxle changpu.

MANGSOP 2:3

Chix mongtsiktsik ma chixe Israel nok janzüi thule asumdaoa; Zan hüikya tuk ma chixe kwom to münfongle angam. Pangnusa amütle wün lailaile chix ang kem füi mongtsik.

JEREMIA 4:4

Hünzom Judah hia Jerusalem angkya khünakbu, hünzome ku, Jowanpa füikya tsaotsüt thomlax, ilaxle ma lailai to ku ang atsaole koxlax. Hünzome ile chichang thüiningle, hünzome mokdaokya ochaxbu khoma wün füi zokkya ningle hünzom a ku mongtsik füi zoküi. Ijae hünzom zokle ashunüi ilaxle ija amüt angkya mix owachu müntüiüi.”

ISAIA 54:10

Haxhua hia haxnubu akhixle pao angchu tsuak, ikoxlechu nang mongkün ma oshuk müntüi; Kue mongsom bama tsaosaxkya kue jento thomüi.” Idaile nang to mongkünkya Jowanpae akaxle.

ISAIA 30:33

Asiria nok chongwangpa wün ma zok angkya onui kaiwüi achwonle tüikya. Ija a zule tamchu khaole, ilaxle ha füi tomle ding to tsuathale athünüi. Jowanpa ija zokle ashun angkya hanpakma shuajen ningle wünle mütle alaiüi.

ISAIA 24:6

Ikhoma Zang-e chaxwannu to othuak-ozom takdünle akax. Khünaknue a hwome mokdaokya tsangthomle ngopu. Ozün ma ngokya sühi-sühile hile pao.

MÜNCHUAK-TSAI 144:5

O Jowanpa, zangding akyet kadaplaxle juhüi; ilaxle haxhuabu to lyetkox, ibu makhange wünkhut thokle alaiüi.

MÜNCHUAK-TSAI 97:3

Wün chix tunthoma le le ilaxle chix akhople tüikya chix zanpabu zokle ashunle.

MÜNCHUAK-TSAI 83:14

Wüne fao zokle ashunkya ningle, wünle-e haxhua wün ang achangkya ningle,

MÜNCHUAK-TSAI 46:2

Idaile chaxwannuchu kangnax aloxkox, haxnubuchu molo tinu jithong to naxdütkox,

MÜNCHUAK-TSAI 21:9

Chix ngaikya zuma chixe ibu wün füi zokle ashunkya ningle olithu ang tomüi.

TSAITONG-KAXTONG 29:20

Iningkya khünak to Jowanpae thailak fakya müntüiüi. Itülüi, hünzom füikya Jowanpa mongtsik wünle ningle laiüi, ilaxle hünzom pangwüi oli thule machang machangle ija laipex ma zale tüikya thama hünzom khangkho ma dütüi.

LIWI 26:20

Hünzome azongle mokkya a muamax ang changüi, chemthüikoxle hünzom haxtoke oziak chidünüi; pün-zuabue oziak chiziaküi.

HUAKE LAIPEX 16:33

Ikhoma hwom amalum to ozün ma ka. Hwom füi tomle hwom tuinabu chuwüi komkaile koplaxle ka. Hwom tokfüi ma chaxwannu chatle apum ilaxle hwom a omüt ang achang.

EZEKEL 38:19

Ku mongtsik mongkham füi kue akaxpu, ija nyix Israel haxtok ma bütix-tixnu siüi.

AMOS 7:4

Jowanpa Khüthak Zang tokhange kue mikngünohün mama ngün. Ijama kue, chix a chix khünakbu to wün füi sikangün ang achwonle ngokya ngünle lax. Ija wüne hax fang to tüikya molo tinu zokle ashun ilaxle haxza zokle ashun ang owang wangle ngün.

MANGSOP 2:2

Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.

MANGSOP 2:4

Zanpa to zipupule chixe chix sanhap kem to zi; Chempang kem mongmüi hia mongtex changkya hex ibu pangwüi chixe lang. Ija Jerusalem ma keme chix mongtsike zokkya okham awanle lax.

EZEKEL 19:12

Ikoxle mongtsik chak füi ija otsing makhange file lax ilaxle ija a haxkha to tswonle awüt. Handünchi zangwine ija oziak to jeple azan. Ija pünkangbu apakle akhai; hwome ija azan ilaxle zokle ashun.

EZEKEL 22:21

Changle, kue hwom a Jerusalem ma asox-atomüi, hwom fang ma wün taküi ilaxle hwom a ku mongtsik füi achukle changüi.

AMOS 5:6

Jowanpa hato nguilax, ikoxle hünzom ozün ma ngoüi. Hünzom ikhato chipao jangthüi: Israel khünaknu hato chix a wün lailaile zikle juüi. Bethel angkya khünaknu wünkha to zokle ashunüi, ilaxle ija wün owaechu amüt ang münthoüi.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.