TSAITONG-KAXTONG 32:21 - OTSAO BAIBEL (BSI)

²¹ Hwom chapabu füi hwome ku ang mongtsik ang tom, hwome baozangle nyakkyabu to huanuma khax-khu, Zang chichangkya baozangbu a. Ikhoma kue jat-li tuita hwom mong atsik ang twonüi; kue hwom ang ongat jat-libu to osingle tüi ang tomüi.

TSAITONG-KAXTONG 32:21 ပူးပေါင်းရင်းမြစ်များ

ROM NOK HATO ZAKYA POL LAIZA 10:19

Anaolechu kue atüi: “Israel noke tsinglax ma?” Pongwang ma Mosa-e lan, “Kue manok chichangkyabu ang, hünzom to miktsak ang koxüi; mixnok angabu tokhange, kue hünzom ang mongtsik adünüi.”

ROM NOK HATO ZAKYA POL LAIZA 9:25

Ija a Hosea ma chixe akax ngokya kax changle, “Ku khünaknu chichangkyabu ang, kue ‘ku khünakbu’ le nyaküi. Kue mong chikünkya chaxwan ang, kue ‘Ku mongkün’ le nyaküi.

1 WANGHOMBU 16:26

Chixe ochax lyenkya üntoxle khünaknu ochax hia chapa to shwomkya othai lom to alyetkya tokhange, chix tho angkya Jeroboam lailaile chixe chuwüi Jowanpa, Israel nok Zang ang mongtsik adün.

1 WANGHOMBU 16:13

Hwome chapabu shwomkya hia Israel nokbu ochax lom to alyetle changkya khoma, Basha hia chix sasün Elah nyie Jowanpa, Israel nok Zang ang mongtsik adün.

JONA 2:8

Opange laxli chitüikya chapabu to shwomle changpuix, ibue nang tsai-kax ma laxkya dantoxpu.

MÜNCHUAK-TSAI 78:58

Hwome hwom songsaribu bao shwomnuibu makhange chix mongtsik ang tom, ilaxle hwome chapabu makhange chix tüle shix-ma ang tom.

TSAITONG-KAXTONG 32:16

Hwome chapabu to shwomkyae Jowanpa ang mongma ang tom; hwome mokkya ochaxe chix ang mongtsik ang tom.

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

JEREMIA 14:22

Owa nok chapabue chu zangwat ti ajo ang münthopu; zangdinge chix lailai to nyenti ajo ang müntho. Kwome kwom monghom nang ma thompu, O Jowanpa kwom Zang, chemthüikoxle ibu moktsuakkya a nangtix changle.

MÜNCHUAK-TSAI 31:6

Othai baozangbu to shwomkya mix thua nang anule, ikoxlechu kue ku mongong nang ma thompu.

1 KORIN 10:22

Chichangba keme Jowanpa ma nüfux tüi ang koxsele hia? Chix füi kem wüi sütsak süzongpu le texpia?

WANGSHEMBU MWOT 11:15

Ilaxle kue hwom füi akaxle ngoponge, ami owang pongma kem hato nguikya ningle Otsao Chasa ngui.

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

1 SAMUEL 12:21

Othai baozangbu hato taxpao; hwome hünzom to fongle fa ang münthoüi, chemthüikoxle ibu a otsingtsing münchang.

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

TSAITONG-KAXTONG 32:17

Otsing chichangkya baozangbu ang hwome tö kox, hwom pupa hwome otuechu chitik toxkya baozangbu ozün, Israel noke otuechu ibu kax ma chilaxle tüikya baozangbu.

1 WANGHOMBU 14:22

Judah angkya khünaknue Jowanpa zongto ochax lyen ilaxle hwom pupa hwom to kaile hwom füi Jowanpa ang mongtsik angkya lai.

2 WANGHOMBU 17:15

Hwome chix kaxtombu kax ma münlaxpule angam, hwome hwom pupa hwom füi tsaole thomdaokya Jowanpa Tsaotsüt chithom ilaxle hwome Jowanpa kaxkhün ahai. Hwome chemjao chichangkya chapabu to shwom ilaxle hwom chemjao ang chiachang, ilaxle hwom tomzi nokbu zom-zang to, ilaxle man taxto-ole thüikya Jowanpa kaxtom kax ma chilaxle tüi.

JEREMIA 5:7

Jowanpae atüi: “Kue ku khünaknu thaikya ochaxbu chemkhoma alak angkya? Hwome ku chilaxle dantoxpu ilaxle changjao chichangkya baozangbu to hwome shwompu. Kue hwom ang wok afwotle machang machangle ku khünaknu tuxpu, ikoxlechu hwome chinunchakkaile changpu ilaxle hwom hanpakbu a tsangtsa hangkyabu füi alyetpu.

JEREMIA 7:18

Naosombue ha afox, mixpabue wüntak, ilaxle hwome baozangchanu le nyakkya baozang ang kox angkya hanpakma mixnu hwome an atswomle atsan. Hwome ku mong thomzünle chang angkya hanpakma mama baozangbu ang chuwüi ju apüile töbu kox.

1 WANGHOMBU 14:9

Nang thoto apün-awangle hüikyabu to kaile nange ochax mwot chongkya mokdaoa. Nange ku awüt ilaxle jan-long makhange, shwom angkya hanpakma chapabu zingle alaikya tokhange nange ku ang mongtsik angkya alaidaoa.

2 WANGHOMBU 17:11

Ilaxle hwom chaxwan angkya Jowanpae jwonle apaokya songsari khünakbu hwon laxlaxle hwome tö-tsap pangnu khato wüi ongan müikya sobu zokle shwom. Hwome mokkya ochax mwot pangnusa füi hwome Jowanpa ang mongtsik adün,

2 WANGHOMBU 21:6

Chixe ikhama chix sasün tuita zokle ashunle tö tuita ang kox. Chixe o-nan hule ilaxle jenu-shipabu ma tsaitik-kaxsho le chang. Chixe Jowanpa zongto ochax huanuma lyen ilaxle chix ang mongtsik adün.

2 WANGHOMBU 22:17

Hwome ku chilaxle awütdaoa ilaxle mama baozangbu ang töbu koxle changdaoa; hwome mokkya mwot ibu makhange ku ang mongtsik adünle changdaoa. Jerusalem zongto ku mongtsikkya tüidaoa ilaxle ija a tam dang angkya münchang.

ISAIA 65:3

Zakmax-thünbale hwome ku ang mong atsikle ngo. Otsao tsawatkha ma hwome songsari baozangbu ang töbu koxle chang.

JEREMIA 2:11

Hwom otsing tomtata chichang koxle ngaxchu, owa nokechu ma baozangbu lüile machang. Ikoxle ku khünakbue ku, hwom hato münchong apüile fakya Zang, chem lom ma ngaxchu hwom füi chiamüitho angkya baozang füi alüixle.

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.

EZEKEL 8:3

Chixe chak lailaikya tuita thüile ahüi ilaxle ku to kho ma file kop. Ilaxle ija mikngün-ohün ma Zang chasae ku dingkho to nwon ilaxle ku Jerusalem to apüi. Chixe ku, Zang zongto chisumüikya chapa thomle tüikya nui, Zangshwom-Hom nuithong to dong angkya shuakuxchi fülom hato ku apüi.