TSAITONG-KAXTONG 32:20 - OTSAO BAIBEL (BSI)

²⁰ Chixe thüi: ‘Kue hwom to münfongpu; kue hwom to chemle changüihex ija to shong-hu hüi ang, kheba chithüile mongtsakle hia mongong chitüile ngokya khünakbu to-a.

TSAITONG-KAXTONG 32:20 ပူးပေါင်းရင်းမြစ်များ

TSAITONG-KAXTONG 32:5

Ikoxlechu hünzom a mongong chitüikyabu, chix khünaknu ang chang koxle chiasukyabu, ochax tamchu tsetselopkya jat-li.

KAXHO MÜIKYA LUK 18:8

Kue thüipu, chixe hwom chima sele kaxfün chwonle wüi faüi. Ile changkoxchu chix nguikya zuma chaxwannu ma Khünak Hosae mongong ataklax angma hex?”

MARK 9:19

Jisu-e hwom ang thüi: “Hünzom a mongong chitüikya khünakbu changle! Ku hünzom füi tomle otukux naxngo le? Hünzom füi athongle ku otukux ngoüi! Naosa ku hato apüihüi!”

MATHI 17:17

Jisu-e thüi: “Hünzom chem ningkya mongong chitüikya hia thaile ngokya khünakbu hex. Hünzom füi ku a obit ngoüi? Ku hünzom füi athongle chemtukux ngoüi? Naosa ikhato ku hato apüihüi.”

HOSIA 9:12

Hwome naosom tux-tsomle changbachu, ibu kue paoüi, tuita chu ozün ma müntoxüi. Chemtue kue ibu khünakbu chilaxle dantoxüihex, tüle khompua-atsikkya mwot hwom ma laiüi.”

JEREMIA 18:17

Hwom zanpabu tunthoma kue ku khünakbu afale apaoüi, ija a handünchi winjep to haxbu pile paokya ningle changüi. Kue hwom hato ku tok ahoüi; Thama hüile changkya zuma kue hwom to münfong.”

ISAIA 64:7

Zangjop makhange nang hato owachu chichat; nang hato fonghüiole owachu chihüi. Kwom thoto nang a thün khom ang süt ilaxle kwom a kwom ochaxbu khoma danle tox

ISAIA 30:9

Hwome jento Zang füi alün, jento atse, othuithuima hwom Jowanpa hwon-nwot to mün-apapule angam.

ISAIA 7:9

Israel ma Samaria, ija pongwün tingnu tukux tsak-zong chitüi, tamchu Samaria a wanghom Pekah füi tsak-zongle chitüi. “Nang mongong okui chilolo, nang kui münlopu.”

JOB LAIPEX 34:29

Chixe chemchu münmokngo le Zang-e jangtex daoba, owaechu chix ang chichang khato le thüi ang müntho. Zang-e chix thün jangkhomba, khünak a maxsax.

JOB LAIPEX 13:24

Nange ku büthüikoxle tsiakpu? Nange zanpa tuita to hwonkya ningle ku to büthüikoxle hwonpu?

2 PUKAX-PANGAO 20:20

Ngainop ningle swomsa ma wüi khünaknu a Tekoa nok zui ma tüikya faochi to pao. Hwom ka ang laipongma, Jehusafat-e ile pünzün-wangsaile chang: “Judah hia Jerusalem angkya khünaknu! Jowanpa, hünzom Zang to mongong tüikox, ile jangchangba hünzom shingmongle ajong ang thoüi. Chix ajebue akaxkya kax to mongongkya tüikox, ikoxle hünzome lütkya kopüi.”

TSAITONG-KAXTONG 31:29

Ku zile paokya füima khünaknu a tüle chichang-chizangle tüi angkya tamchu kue anwot-anole koxkyabu hwome chilaxle awütüi. Athax füichima hwome thama füi apongle laxüi, chemthüikoxle chixe taxmokle abaxkya mwot mokle changkya tokhange ipongma hwome Jowanpa ang mong atsikle changdaoüi.”

IBRI 11:6

Mongong chitüi homtoxle owaechu Zang mong amüi ang müntho, chemthüikoxle chix hato hüikya pangnusae, Zang ozün ma tüikya tamchu chix alomlom ang onüi kop-lo ang koxkya to mongong tüi angkya changle.

2 THESALONIKA 3:2

Chisumüikya hia ochax khünakbu chak tokya Jowanpa-e kwom sünle kop angkya bama zangjop hüi; chemthüikoxle kaxho a noke pongle kopkya chichang.

TSAITONG-KAXTONG 9:23

Ilaxle chemtue Kadesh Barnia makhange achex angkya kax koxle, chixe hünzom ang koxle ngokya haxtok koxle lax ang tompuix, hünzome chix füi alün; hünzome chix to chiong chichangba chix kax ma chilax.

JIHUSUA 23:10

Hünzom noknoke wüi hajat tuipong makhange mixhuakke afütle apao ang thopu, chemthüikoxle, Jowanpa hünzom Zang a, chixe tsaosax daokya lailaile hünzom hanpak ang azanle ngokoxpu.

2 WANGHOMBU 17:18

Jowanpa ang Israel nok füi mongma, ilaxle chixe hwom chix miktho angkya max ang tom, ikoxle Judah tata danle tox.

2 WANGHOMBU 17:20

Jowanpae Israel nok pangwüi chilaxle awüt, ilaxle chix miksho angkya hwom akiakya mixhuak komkaile ma-amüt ma-amütle tüle shixkya hwom zanpabu chak to kox.

2 WANGHOMBU 17:23

Jowanpae chix da ajebu makhange hwom ang kaxkhün koxle hüikya ningle, chix miksho angkya hwom khünak tuita ota chitoxle ma-amüt ma-amütle hwome ochax lyen lüwüi ngo. Ikhoma Israel nok Asiria noke zanhok ma koplaxle pao, ilaxle hwom a athax kople ikha to ngo.

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”