TSAITONG-KAXTONG 32:18 - OTSAO BAIBEL (BSI)

¹⁸ Hwome hwom Zang, tsak-zong chongkya füi tüikya khosünpa alakle asam, hwom hanpakma tsün koxkya Zang a chix changkya.

TSAITONG-KAXTONG 32:18 ပူးပေါင်းရင်းမြစ်များ

ISAIA 17:10

Israel, longnu tuita lailaile nang to tukle khosünle tamchu wintuk-hanthale ngokya Zang nange alakle asamdaoa. Itülüi, nange mixnok baozangbu to shwom angkya hanpakmale otsao tsawatbu azün.

JEREMIA 2:32

Hünzom nok naocha tuitae she likwünbu alakcha, chichangba tuipa tuitae chix za-pua alakcha? Ikoxle ku khünakbuepi hanpak o-echithole ku alak-asam daoa.

MÜNCHUAK-TSAI 106:21

Ijip nok to chix ohünotün mwot makhange hwom khosünle kopkya Zang alakle asam.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

HOSIA 8:14

“Israel khünakbue chongwang homlobu zingle, ikoxle hwome hwom zingpupa alakle asamdaoa. Judah angkya khünaknue ziakop laxle tingtan-nokzingle. Ikoxlechu kue hwom chongwang homlobu hia hwom tingnubu zokle ashun ang wün ahüiüi.”

MÜNCHUAK-TSAI 9:17

Chichangchizangle tüikya hia Zang pongle chikopkyabu pangwüi oshuk a zik changle.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

TSAITONG-KAXTONG 8:19

Hünzome Jowanpa hünzom Zang otuechu taxalak chichangba mama baozangbu hato hwom to shwom-to ang taxpao. Hünzome ile jangmok thüiningle anyix kue hünzom ang kaxfün koxle akaxpu, hünzom a tütakoxlechu max ang tomüi.

TSAITONG-KAXTONG 8:14

hünzom taxngam tamchu hünzom a da ang thomkya Ijip nok chak tokya hünzom khosünle dale apüikya Jowanpa hünzom Zang otuechu taxalak.

TSAITONG-KAXTONG 8:11

“Hünzome Jowanpa hünzom Zang chemtuechu taxalak; ilaxle anyix kue hünzom ang koxkya chix wanlombu kax ma chilaxle otuechu taxtüi.

TSAITONG-KAXTONG 6:12

hünzom da ang achangle ngokya Ijip nok chak tokya hünzom khosünle apüikya Jowanpa münalak-o thüilax.

JEREMIA 3:21

Haxnukho to ozing tuita atat: ija a Israel khünaknu sopkya hia chingcha jukya zing changle chemthüikoxle hwom a ochax ma ngole hüilaxle Jowanpa hwom Zang alakle changdao kox a.

1 SAMUEL 12:9

Ikoxlechu khünaknue Jowanpa hwom Zang alakle awüt, ikhoma chixe Filistia hia Moab nok wanghombu, Hazor tingnu angkya süpahi lompa Sisera, ibu a hünzom putong hwom füi azan ang tom ilaxle hwom to anao.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.