TSAITONG-KAXTONG 32:16 - OTSAO BAIBEL (BSI)

¹⁶ Hwome chapabu to shwomkyae Jowanpa ang mongma ang tom; hwome mokkya ochaxe chix ang mongtsik ang tom.

TSAITONG-KAXTONG 32:16 ပူးပေါင်းရင်းမြစ်များ

MÜNCHUAK-TSAI 78:58

Hwome hwom songsaribu bao shwomnuibu makhange chix mongtsik ang tom, ilaxle hwome chapabu makhange chix tüle shix-ma ang tom.

1 KORIN 10:22

Chichangba keme Jowanpa ma nüfux tüi ang koxsele hia? Chix füi kem wüi sütsak süzongpu le texpia?

2 WANGHOMBU 23:13

Sidon nok baozangchanu Astarte, Moab nok baozang Molek, nushix dongkya ibu chapabu to sho angkya hanpakma, Olip Haxhua zong ma shuathongchi; handünchi Jerusalem ma wanghompa Solomon-e zingkya tö-tsapbu Josiah-e atsunle awüt.

1 WANGHOMBU 14:22

Judah angkya khünaknue Jowanpa zongto ochax lyen ilaxle hwom pupa hwom to kaile hwom füi Jowanpa ang mongtsik angkya lai.

TSAITONG-KAXTONG 7:25

Hwom chapabu zokle ashundao. Hwom ma tüikya hun hia khopbu to osingkya taxtüi, ilaxle ibu hünzome makux ang taxlax. Hünzome ile jangmok ija a hünzom zongto tuita thama ang changüi, chemthüikoxle Jowanpae chapa to shwomkya thua anule.

TSAITONG-KAXTONG 5:9

Chapa tong to shwomle taxakhux, chemthüikoxle Jowanpa ku a hünzom Zang changpu. Kue ku füi alünkya adu ang müntho. Kue ku thua anukya mix to sutai sulai to lünle sikngün apong ang tomüi.

TSAITONG-KAXTONG 32:21

Hwom chapabu füi hwome ku ang mongtsik ang tom, hwome baozangle nyakkyabu to huanuma khax-khu, Zang chichangkya baozangbu a. Ikhoma kue jat-li tuita hwom mong atsik ang twonüi; kue hwom ang ongat jat-libu to osingle tüi ang tomüi.

MÜNCHUAK-TSAI 106:29

Hwom mwot makhange hwome Zang mongtsik lüixle alai, ilaxle khompua-atsikkya kakma-lakshix hwom khama lai.

ISAIA 43:12

Füichi ma chempang changüihex kue tix akax thopu, ilaxle ku hünzom to fong ang nguipu. Mixnok baozangbu owaechu ija tümamok; hünzom a ku ngünmixbu changpu.

JEREMIA 2:25

Israel, nang cha hua ma taxngo, chichangba mix baozangbu achuale nang dingdua zan ang taxtom. Ikoxle nange thüitüi, ‘Ile münchang! Ku aküile chat ang müntho. Kue mixnokbu baozang füi mongakün daoa ilaxle kue hwom tangchua angkya wüi changle.’”

JEREMIA 7:18

Naosombue ha afox, mixpabue wüntak, ilaxle hwome baozangchanu le nyakkya baozang ang kox angkya hanpakma mixnu hwome an atswomle atsan. Hwome ku mong thomzünle chang angkya hanpakma mama baozangbu ang chuwüi ju apüile töbu kox.

EZEKEL 8:3

Chixe chak lailaikya tuita thüile ahüi ilaxle ku to kho ma file kop. Ilaxle ija mikngün-ohün ma Zang chasae ku dingkho to nwon ilaxle ku Jerusalem to apüi. Chixe ku, Zang zongto chisumüikya chapa thomle tüikya nui, Zangshwom-Hom nuithong to dong angkya shuakuxchi fülom hato ku apüi.

1 WANGHOMBU 14:9

Nang thoto apün-awangle hüikyabu to kaile nange ochax mwot chongkya mokdaoa. Nange ku awüt ilaxle jan-long makhange, shwom angkya hanpakma chapabu zingle alaikya tokhange nange ku ang mongtsik angkya alaidaoa.

2 WANGHOMBU 17:11

Ilaxle hwom chaxwan angkya Jowanpae jwonle apaokya songsari khünakbu hwon laxlaxle hwome tö-tsap pangnu khato wüi ongan müikya sobu zokle shwom. Hwome mokkya ochax mwot pangnusa füi hwome Jowanpa ang mongtsik adün,

2 WANGHOMBU 17:17

Hwome songsari baozangbu to shwom ang masu-masabu zokle ashunle tö kox; hwome chajik-muashem, opa-nanpa, ibu füi tsaitik-kaxshole chang, ilaxle Jowanpa ma chem chimüipuix ijaja mok ang hwome mongkox, ile hwome Jowanpa ang mongtsik adün.

2 WANGHOMBU 21:6

Chixe ikhama chix sasün tuita zokle ashunle tö tuita ang kox. Chixe o-nan hule ilaxle jenu-shipabu ma tsaitik-kaxsho le chang. Chixe Jowanpa zongto ochax huanuma lyen ilaxle chix ang mongtsik adün.

JEREMIA 2:11

Hwom otsing tomtata chichang koxle ngaxchu, owa nokechu ma baozangbu lüile machang. Ikoxle ku khünakbue ku, hwom hato münchong apüile fakya Zang, chem lom ma ngaxchu hwom füi chiamüitho angkya baozang füi alüixle.

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”