TSAITONG-KAXTONG 32:14 - OTSAO BAIBEL (BSI)

¹⁴ Hwom maihu hia zwonbue tsomti huanuma kox; sümüipu chun, zwon hia maihu, ibu hwom ma tüi, tüle owan müikya wonglai tsax, tamchu tüle müikya grep tibu a.

TSAITONG-KAXTONG 32:14 ပူးပေါင်းရင်းမြစ်များ

PONGWANG LAIPEX 49:11

Chixe chix mansa grep zu ma fün, ataxle müikya ozu tuita ma a. Chixe chix nyizabu aji ningle khikya grepti-ju ma so.

MÜNCHUAK-TSAI 147:14

Chixe nang longzipong kho-awale thomle üntoxle sümüikya wonglai tsax füi nang ang mongzom amüile.

MÜNCHUAK-TSAI 81:16

Ikoxlechu kue hünzom a müikya wonglai sax füi tuxüi üntoxle fao nax-tibu füi hünzom mongzom-müi ang tomüi.”

MIKA 7:14

Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

AMOS 4:1

Samaria angkya mixchabu, hünzom opang Bashan angkya sütkho nguikya maihubu ningle haxnut-zangfex le tüipuix, opange zong chitüikyabu to ajao-adale changpuix, mixshix-zasabu to afangle thompuix, ilaxle hünzom kakopabu ang ju-sax apüile koxngo angkya kaxtom koxle tüipuix, hünzome ku kax apalax!

EZEKEL 39:18

Hwome süpahibu tsangtsa müi sax angkya changle ilaxle chaxwan apün-awangle ngokyabu aji ling angkya changle; ibu pangwüi chunla, chun hosa, zwon, maihupong, ibu langkya ningle lang angkyabu changle.

ISAIA 7:22

ibue chix ang okhongui tsomti koxüi. Changle, ija haxtok ma hidaole ozün ma toxkyabue sax angkya hanpakma tsomti hia nax-ti tüi angkya changle.

ISAIA 7:15

Chixe ma hanpakma alüile mongzangwün ang tsuakle tsongle hüikya zuma, khünaknue tsomti ling ilaxle nax-ti saxle ngo angkya changle.

MÜNCHUAK-TSAI 22:12

Huzanpongbu lailaile zanpabu obiobie ku akhople koppu; hwom pangwüi ku akhople tüipu, Bashan nok tokya tüle shixkya huzanpongbu lailailea.

JOB LAIPEX 20:17

Olip münga shuajen ngün ang chichangba tsomti hia nax-ti shuajenbu ngün ang hwom a ozün ma chingoüi.

KAXFÜNPA-HWOM 5:25

Sisera-e she ma ti ju, ikoxle she-e chix ang tsomti kox; she-e chix hato müikya khupsa ma tsomti ozao apüi.

PONGWANG LAIPEX 18:8

Chixe müizao hidaole, tsomti hidaole tamchu müi hidaole alai üntoxle ija hwom tunthoma dan. Pünsum fangma Abraham chix jaoe mixwün ibu to humele fong asüt.

MIKNGÜN-OHÜN 14:20

Tingnu pantua tokya grep fyetnui ma zuziakbu fyet, ilaxle ija grep fyetnui ma aji tichen lai. Ija aji tichen sok azok tukux zu ilaxle kilomitar ho-azom jenle pao.

HUAKE LAIPEX 18:12

“Israel khünaknue zangfo to ku ang koxkya kha angkya, haxtok ma alailai, sümüimüi kue nang ang koxpu: Olip münga, grep-ti, ilaxle saxziak iningkyabu a.

JOB LAIPEX 29:6

Ku maihu hia zwonbue tsomti tüle-tüle koxhomkya; ku olip pünbu longtsoxtsüt khato nyemhukya.

TSAITONG-KAXTONG 28:47

Jowanpae hünzom to pangnu lom ma mohimanle changdaoa, ikoxle hünzome mongmüi-pwonlale künkox-mongkoxle chix tho chitha.

NEHEMIA 9:25

Nang khünakbue pan zaile ziakop thomkya tingnubu tingtakle lax, haxzao füikya haxtok, tuinabue awangle tüikya homhaxbu, thole achwon daokya tüküibu, olip pünbu, oziak füikya pünbu, ilaxle grep haxtokbu. Hwome saxse tsukya oli pangwüi hwom sax ilaxle tsaktsa dongle nut; nange hwom ang koxkya müikya oli pangwüi füi hwom mongmüile ngo.

NEHEMIA 9:26

“Ikoxlechu nang khünaknue nang füi alünle ajong ilaxle nang kax ma chilaxle tüi; hwome nang Wanlom hato hwom tok aho. Hwom ang kaxkhün koxkya ajebu hwome langle awüt, nang hato mong chatle hüi angkya hwom füi akaxkyabu a. Janpong bato hwome nang tha ajao,

HOSIA 11:4

Kue mongkün chingcha makhange hwom ku hato jikle ahüi. Kue hwom tswonle kop ilaxle bwom ma tun apong; Kue akulaxle hwom ang sax shole asüt.