TSAITONG-KAXTONG 31:9 - OTSAO BAIBEL (BSI)

⁹ Ikhoma Mosa-e Zang Wanlombu zale kop ilaxle Jowanpa Tsaotsüt akhi-atakle tamchu Israel nok lompabu ang ngokya Liwi hwom homjen nguapabu chak to ija kox.

TSAITONG-KAXTONG 31:9 ပူးပေါင်းရင်းမြစ်များ

HUAKE LAIPEX 4:15

Chemtue thongnui püntu nguipuix, Arun hia chix sasün hwome ibu otsao mwot-kat to chwop-zingle tsuak füimatix Kohath saxthom ibu pao ang nguiüi, ikoxle hwome wüi ija otsao tuina to münlyetüi, janglyet thüiningle hwom a ziüi. Nyihom achexle changfofo Kohath saxthome mok angkya mwot a ibibile changle.

JIHUSUA 3:3

Hwome khünaknu ang thüi: “Chemtue Liwi hwom homjen kha angkya nguapabu, Jowanpa hünzom Zang füikya longza-kaxtom suak pailaxle ajongkya hünzome ngünüihex, mapompom pünlax ilaxle hwom füifüima azuilax.

JUHAN 5:46

Hünzome Mosa to jangong thüiningle ku tochu ongse, chemthüikoxle chixe zakya a ku bama zakya changpu.

JUHAN 1:45

Filip-e Nathanel atak ilaxle chix ang thüi: “Mosa-e wanlom laipex ma tamchu ajebue hwom laipexbu ma owa bama zale tüipuix, kwome chix ngündaoa. Chix a Nazareth angkya Jusep sasün Jisu changle.”

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

KAXHO MÜIKYA LUK 20:28

Ilaxle hwome chix ma atüi: “Nwotmix, owawae naosom chitox homle ma kakonu dantoxlaxle zikoxle, ija zomnu a zikya mix honao ma shongüi ilaxle chix hanpakma sixli alai angkya changle le Mosa-e kwom ang zale toxpu.

MARK 12:19

“Nwotmix, owawa khünak süshix naosom chitüi homtoxle kakonu tata toxlaxle zi koxle, chix hanpakma sixli lai angkya kuxma, ija mixcha honao ma shong angkya kwom ang Mosa-e wanlom fale toxle.

MALAKI 4:4

“Ku dapa Mosa hwon-nwot texle ataklax. Kue chix makhange, Sinai haxnukho to, Israel khünaknu pangnusa hanpakma koxkya wanlombu hia kaxtombu texle ataklax.

MALAKI 2:7

Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

DANEL 9:13

Mosa Wanlom ma sikngün bama chempangle wünle tüipuix ija tukuxle kwom to sikangünpu. Ikoxle athaxchu, O Jowanpa kwom Zang, kwome kwom ochaxbu tokya mongchat chichangba nang otsingtsing olom tole changkya füi nang mong amüi ang kwome ojao chiazong.

1 PUKAX-PANGAO 15:2

Ifüima chixe thüi: “Ija Suak a Liwi hwom tatae tix pai angkya changle, chemthüikoxle ija azya angkya ilaxle jento ija thothale chang ang Jowanpae zünle kopkya a hwom tix changle.”

1 WANGHOMBU 8:3

Chemtue khünaknu atomtile asoxpuix, ipongma zompu-zangpabue Tsaotsüt Suak nwon,

JIHUSUA 6:12

Ofüinop Jihusua kaile wüi zo ilaxle othom anyi lükya machu nguapabu hia süpahibue othonyix mokkya lailaile wüi lomkopmix thoma laxlaxle, nguapa hia süpahibue ija tingnu akhople aham; anaole Jowanpa Tsaotsüt Suak koplaxle nguapang thom azuile hüi. Otua komle ziakopmixbu hüi. Ipongma nyazong mütle aham.

TSAITONG-KAXTONG 31:28

Hünzom lompabu hia nguakax-wangkhobu pangwüi ku hato sele asox hu, ikoxle tix kue hwom hama ibu zangwün apua ang tho angkya chang koxle; hwom bama mikngün kaxkhi ang kue ding-hi-hax seüi.

TSAITONG-KAXTONG 17:18

Chemtue chix wanghom ang achangpuix, chix ma, Zang wanlom hia ija Hwon-nwot Laipex, zompu-zangpa Liwi hwom chak ma tüikya laifa-ojing angkya taile zakya laipex tuita tüi angkya oli.

HUAKE LAIPEX 33:2

Jowanpa kaxtom ma Mosa-e hwom pom zaile athongle hüikya onui mün pangwüi zale kop.

LAIPAO 24:4

Ifüima Mosa-e Jowanpa kax pangwüi lai ma za üntoxle ngainop ningle kaiwüi zolaxle chixe haxnucha ma tö-tsap tuita zing ilaxle chixe longtom bün-anyi, Israel homjen bün-anyi mün ma athünle dan.

HUAKE LAIPEX 4:5

Jowanpae Mosa ang ibibi mwot adangle fa. Chemtue pom pünle changtu nguile hüipuix, Arun hia chix sasün hwom Nyihom to nopüi. Tsaotsüt Suak ha angkya tuknyi ajoüi ilaxle ija füi Suak to chwopüi.

HUAKE LAIPEX 4:6

Ija otok ma hwome müikhwon chwopnyi müikya füi chwopüi, ija otok ma nyihing füi chwopüi ilaxle ija ma azya angkya dang zwotle koxüi.

TSAITONG-KAXTONG 10:8

Ipongma Jowanpae Tsaotsüt Suak to hu angkya Liwi homjen zünle, zompu-zangpabu mwot mokle chix thotha angkya ilaxle chix mün ma kaxzakdünle shozex angkya kox. Ilaxle ibu a hwome mok angkya hwom mwotbu changle.

TSAITONG-KAXTONG 33:10

Hwome nang Wanlom kax ma laxle tüi angkya anole koxüi; Hwome nang tö-tsap ding ma töbu koxüi.

NEHEMIA 8:2

Ikhoma Izra-e ija khünaknu: mixnu, mixpa tamchu jali awan tsuak tangkya naosombu asoxle tüikya khato apüi.

2 WANGHOMBU 17:37

Othuithuima hünzome wanlombu kax ma laxle tüi angkya tamchu kue hünzom hanpakma jali fakya kaxtombu kax ma laxle tüi angkya changpu. Hünzom ma baozangbu kax ma laxle chichangüi,

NEHEMIA 8:3

Ikhato, ija zünkai zui angkya haxsha ma, swomsa makhange tungto kople chixe hwom hama ija Wanlom ele apua, ilaxle hwom pangwüie ija to mongkoxle apa.