TSAITONG-KAXTONG 31:6 - OTSAO BAIBEL (BSI)

⁶ Mongtex tüilax tamchu mongchonglax. Hwom thua ojao taxza. Jowanpa, hünzom Zang, chix jaojao hünzom füi tüiüi. Chixe hünzom mün-ale tamchu danle müntox.”

TSAITONG-KAXTONG 31:6 ပူးပေါင်းရင်းမြစ်များ

JIHUSUA 1:9

Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

EFISIA 6:10

Oshukma, chix tsakzong chongkya makhange, Jowanpa füikya notom ma hünzom tsakzong alailax.

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

1 PUKAX-PANGAO 28:20

Wanghompa Dawid-e chix sasün Solomon ang thüi: “Mong taxhi ikoxle mongchongle changlax. Mwt owang wang kox, owaechu nang to abax ang taxtom. Kue owa to thothale hüipuix, ija Jowanpa nang füi tüiüi. Otuechu chixe nang danle müntoxpu, ikoxle chix Zangshwom-Hom ma mokse mwot ashukle machang tanto chix a nang füi ngo angkya changle.

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

2 TIMOTHI 2:1

Kusa Timothi, Khrista Jisu füikya notom ma kem tomkux ang tüikya chingcha ma tsakzong le tüikox.

MÜNCHUAK-TSAI 27:1

Jowanpa a ku zangngai üntoxle ku khosün changpu; ku owa thuachu münzapu. Jowanpae thama pangnu chak tokya ku azün; ku chemtuechu münzapu.

JIHUSUA 10:25

Ifüima nguakax-wangkhobu ang Jihusua-e thüi: “Hünzom taxza chichangba mong taxhi. Chachen-mongchen füi tüilax büthüikoxle hünzom zan pangwüi füi Jowanpae ile mok angkya changle.”

TSAITONG-KAXTONG 7:18

Hwom thua taxza; Jowanpa hünzom Zang-e Ijip nok wanghom hia chix khünaknu hanpakma chempangle mokdaopuix ibu texle ataklax.

TSAITONG-KAXTONG 20:1

“Chemtue hünzom zanbu füi azan ang laipuix tamchu hünzom ma tüikya füi süluile man-kanlin hia manbu tamchu süpahibu hünzome ngünle laxpuix, ibu thua hünzom za-ngo angkya münchang. Jowanpa hünzom Zang, owae hünzom Ijip nok chak tokya khosünle apüipuix, chix a hünzom füi tüile.

1 PUKAX-PANGAO 22:13

Israel nok hanpak ang Jowanpae Mosa ang koxle toxkya wanlombu kax ma laxle jangtüi, nange pangnu tho-lünle changüi. Mong ma koplax ilaxle mongong tüilax, nang chem machu abüt-aban ang taxtom.

TSAITONG-KAXTONG 31:23

Ifüima Nun sasün Jihusua füi Jowanpae zangwünle akax: “Mongchen tüilax üntoxle mongzangwünle tsuaklax. Israel khünaknu, kue hwom ang koxüihex-ole tsaodaokya chaxwan to nange azüi angkya changle. Taxza, kua nang füi tüile ngoüi.”

TSAITONG-KAXTONG 1:29

“Ikoxlechu kue thüipu, ‘Ibu thua taxza.

IBRI 13:5

Ngun to kün-luakya füi hünzom atsaile ngolax, üntoxle hünzom ma ma tüikya füi mongzom müile ngolax, chemthüikoxle Zange thüile: “Kue nang otuechu danle müntox; kue otuechu nang awütle müntox.”

1 KORIN 16:13

Mik-hing le ngolax, mongong ma shingmongle ngolax, mong chonglax, zong tüilax.

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

TSAITONG-KAXTONG 4:31

Chix a chingchajaja füikya Zang. Chixe hünzom danle müntox chichangba münamüt, ilaxle chix jaojaoe hünzom putong hwom füi zingkya Tsaotsüt münalaktox.

HAGAI 2:4

Ikoxlechu athax hünzom khama owa mong chu taxhi. Mwt omok-omok mokkox, chemthüikoxle ku a hünzom füi tüile.

1 PUKAX-PANGAO 28:10

Jowanpae nang a, chix Zangshwom-Hom zai angkya khünak ang kamle laxdaoale nange awan angkya wüi changpu. Athax ija ile moklax: ilaxle ija a chatsu-mongluakya füi moklax.”

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

2 PUKAX-PANGAO 32:7

“Chatsu-monglua hia mongchen tüikox, Asiria nok wanghompa chichangba chix süpahibu thua taxza. Chix ma tüikya tsak-zongto kaikya tsak-zong kem ma tüingole.

TSAITONG-KAXTONG 31:7

Ifüima Mosa-e Jihusua se ilaxle Israel khünaknu tunthoma akax “Mong taxmax, mongchonglax; hwom putong hwom füi tsaotsütle changdaokya haxtok alop angkya hanpakma khünaknu ibu azüi angkya lompa a nang changpu.

HUAKE LAIPEX 14:9

Jowanpa to kaxthup-ngaotünle taxchang-ngo tamchu ikhato tüikya khünakbu thua kem za-ngo angkya oli münchang. Keme ochwonpai ma hwom to lüt ang thoüi. Jowanpa kem füi tüile ilaxle hwom kho-awale ngokya baozangbu to chixe wüi anao angkya changle, idaile ojao taxza.”

ZEKARIA 8:13

Judah hia Israel khünaknu! Amipongma mixnokbue ‘Judah hia Israel nok hato nguikya thuakzom hünzom hatochu naxngui’ le akaxkya füi tata to thuakzomle bangpu. Ikoxle kue hünzom khosünüi, ifüima ibu mixnokbue tata hama thüiüi, ‘Judah hia Israel nok hato nguikya mohiman hünzom hatochu naxnguikox!’ Idaile mongchonglax ilaxle taxza.”

PONGWANG LAIPEX 28:15

Mong ma koplax, ku a tütakhatochu nang füi womle tamchu nang kho-awale ngoüi, ilaxle kue nang ija haxtok to chatle chat ang tomüi. Kue nang füi tsaosax daokyabu pangnu changle mahüi tanto kue nang otuechu danle müntox.”

HUAKE LAIPEX 13:20

Haxtok ma haxzao chitüitüi tamchu pünzuabu nyemle chitüiüi, ibu tsingle koplax. Ilaxle ikha tokya pünziak tütali thüichu apüi angkya taxalak.” (Ija a grep jum apüi angkya ang thüikya changkya.)

TSAITONG-KAXTONG 11:8

Anyix kue hünzom ang koxkya wanlombu pangwüi kax ma laxle tüilax. Ifüima hünzom shuanu tale lelaxle hünzom ngui angkya kha haxtok hünzome kop ang thoüi.

TSAITONG-KAXTONG 31:8

Jowanpa chix jaojaoe azuiüi ilaxle chix a nang füi ngoüi. Chixe otuechu hünzom mün-ale tamchu danle müntox, idaile mong taxhi chichangba taxza.”

1 WANGHOMBU 6:13

Nange zaile alaikya Zangshwom-Hom ma ku a, ku khünaknu Israel nok füi ngoüi, ilaxle kue hwom otuechu danle chitoxüi.”

1 WANGHOMBU 8:57

Jowanpa kem Zang kem füi naxngo, ami kempu kempa hwom füi ngole hüidaokya lailaile a; chixe kem danle taxtox chichangba awütle taxtox;

JEREMIA 1:8

Hwom thua taxza, chem, thüikoxle nang kho awa ang ku nang füi ngo angkya changle. Jowanpa, kue, ija akaxpu!”

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

PONGWANG LAIPEX 26:24

Ija jaja wüi Jowanpa ngailaxle chix füi akax: “Ku a hünpa Abraham Jowanpa changpu. Nang taxza; ku dapa Abraham khoma kue nang to mohiman angkya changle. Nang sixlibu kue tüle pu-tsa ang tomüi.”

1 SAMUEL 12:22

Jowanpae hünzom a chix khünaknu ang achang angkya tsaosaxdaoa, üntoxle mongzangwünle tsuakdaoa.

2 SAMUEL 10:12

Taxsho-taxnai ilaxle monghixle taxchang! Kem khünaknu hanpakma tamchu Zang tingnu hanpakma kem zongbakle azan angkya wüi changpu. Ilaxle Jowanpa mongtex tsuakle naxchang.”

1 WANGHOMBU 2:2

“Ku zi angkya tu nguile hüidaoa. Chahix-monghixkya taxtüi,

MÜNCHUAK-TSAI 94:14

Jowanpa chix khünakbu danle müntoxüi; opang chix kux changpuix, ibu chixe tsiakle müntox.