TSAITONG-KAXTONG 31:3 - OTSAO BAIBEL (BSI)

³ Hünzom thoto achale Jowanpa hünzom Zang, chix jao paolaxle ikhato ngole tüikya jat-libu amütüi, ikoxle tix hünzome ija haxtok koptsuak angkya chang koxle. Jihusua a hünzom lompa ang changüi, ija a Jowanpa kaxtom changle.

TSAITONG-KAXTONG 31:3 ပူးပေါင်းရင်းမြစ်များ

TSAITONG-KAXTONG 9:3

Ikoxle athax hulax, Jowanpa hünzom Zang a wünnu dongkya lailaile hünzom thoto achale leüi. Hünzom hüikya zuma chixe hwom to lütüi, ile chixe tsaosaxkya lailaile ochwonpai ma hünzome hwom jwonle apao ang tamchu amüt ang thoüi.

JIHUSUA 4:14

Ija nyix Jowanpae mokkya mwot makhange Jihusua a khünak zongto tuita chongkya khünak tuita ang e. Hwome Mosa achuak-achenle hüikya ningle chix tsünjang masule Jihusua chuwüi khünaknue achuak-achen.

JIHUSUA 1:2

Chixe thüi: “Ku dapa Mosa a zidaoa. Athaxpi nang üntoxle Israel khünaknu pangwüi, Jordan shuanu tale, kue hwom ang koxle ngokya haxtok to ngui ang achwonlax.

TSAITONG-KAXTONG 31:23

Ifüima Nun sasün Jihusua füi Jowanpae zangwünle akax: “Mongchen tüilax üntoxle mongzangwünle tsuaklax. Israel khünaknu, kue hwom ang koxüihex-ole tsaodaokya chaxwan to nange azüi angkya changle. Taxza, kua nang füi tüile ngoüi.”

TSAITONG-KAXTONG 3:28

Jihusua ang chix mwot pangwüi adangle fakox, chix mong achenkox ilaxle chix zongdong ang tomkox; chemthüikoxle shua atale khünaknu chixe tix azüi angkya changle ilaxle nange tsailo tokhange ngün ang kopkya haxtok kop angkya changle.’

IBRI 4:8

Zange tsaokya nazak Jihusua-e khünaknu ang koxdaokya jangchang thüiba, mama nyix bama Zange ofüima münakax ngose.

WANGSHEMBU MWOT 7:45

Ofüima kem putong hwome ija Nyihom hwom pupa hwom angkya kop. Hwome ija hom Jihusua füi paopongmachu laxlax toxkya. Zange hwom tho to jwonle apaokya zan nok angkya chaxwan kop pongmachu hwom füi tomle nwonle apüi. Üntoxle Dawid ozün ma tüipongmachu ija ikhama wüi tüikya.

JIHUSUA 3:7

Jowanpae Jihusua füi akax: “Anyix kue chem moküihex ija makhange Israel noke nang a tuita alixachong khünak changle le achuak-achen angkya owang wang ang tomüi, ilaxle Mosa füi ngokya ningle ku a nang füi womle ngokya hwome awan ang kopüi.

TSAITONG-KAXTONG 34:9

Nun sasün Jihusua a je-hwone awangle tüikya khünak tuita changkya; ikhoma chix man ma lompa ang achang angkya hanpakma Mosa-e chix zünle tox. Israel khünaknue Jihusua kax ma lax ilaxle Mosa makhange Jowanpae hwom ang koxkya kaxtom pangwüi hwome thom.

TSAITONG-KAXTONG 31:14

Ifüima Jowanpae Mosa ang thüi: “Athax nang ozün ma ngo angkya hanpak alüile müntüi. Idaile kue chix ang chix sütlom-mwotlom adangle fa angkya hanpakma Jihusua a Zangshwom Nui Nyihom to sele apüihüi.” Mosa hia Jihusua nyi Nyihom to ngui.

PONGWANG LAIPEX 48:21

Ipongma Jakop-e Jusep ang thüi: “Nange ngünle ngopu, ku a zitu nguidaoa, ikoxlechu Zang nang füi tüile ilaxle chixe nang kem putong hwom haxtok to chat ang tomüi.

TSAITONG-KAXTONG 31:4

Chixe Amor nok wanghompa Sihon hia Og nyi to anaolaxle hwom chaxwan amütkya lailaile Jowanpae khünak ibu chuwüi max ang tomüi.

TSAITONG-KAXTONG 1:30

Jowanpa, hünzom Zang-e lom azuiüi. Ijip nok to hünzome ngünle hüidaokya ningle hünzom hanpakma chix azanüi. Chixe iningle mokkya hünzome Ijip nok to ngünle hüidaoa

TSAITONG-KAXTONG 7:1

“Jowanpae hünzom a, hünzome kop angkya haxtok to apüiüi, ilaxle chixe ikha tokya jat-libu jwonle apaoüi. Chemtue hünzom soxle nguiüihex, chixe hünzom füi süchongkya tamchu tsak-zongle tüikya jat-libu anüt jwonle apaoüi; ibu a: Hit nok, Girga nok, Amor nok, Hip nok ilaxle Jebu nok le changüi.

JIHUSUA 11:15

Jowanpae chix kaxtombu chix dapa Mosa ang kox, Mosa-e Jihusua ang kox ilaxle Jihusua-e ibu kax ma laxle mok. Jowanpae Mosa ang koxkya kaxtom pangwüi chixe mok.