TSAITONG-KAXTONG 30:9 - OTSAO BAIBEL (BSI)

⁹ Hünzome amok-amomo pangwüi ma Jowanpae hünzom ahak-aluale tüi ang tomüi. Hünzom ang su-sabu tüle tüiüi tamchu tsom-pom wan müiüi. Hünzom haxtok ma huanuma oziak-owong müiüi. Hünzom pupa hwom ahak-aluale tüi ang tompongma, chix ang mong chemtukux müile tüikya hex, itukuxle hünzom ahak-alua ang tomkya ma chix ang mongmüikya tüiüi.

TSAITONG-KAXTONG 30:9 ပူးပေါင်းရင်းမြစ်များ

JEREMIA 32:41

Hwom hanpakma müikya mwot mokkya to mongmüiüi, ilaxle kue hwom a ija haxtok ma othuithui hanpak ang ating-anokle ngo ang tomüi.

JEREMIA 33:9

Jerusalem a ku hanpakma mongmüi, achuak-achenkya hia mongngam otong ang changüi; Jerusalem angkya khünaknu to kue mwotmüi mokle koxkya hia ija tingnu hato ahak-aluakya apüile fakya atatkya zuma zangfang angkya onok pangwüi zaüi ilaxle chikux ahongle changüi.”

TSAITONG-KAXTONG 28:4

“Jowanpae hünzom ang simüi-limüi angkya, saxmüi-tuamüi angkya, osu-maihu hia chunbu tsom-pom müi angkya mohiman pangwüi faüi.

LIWI 26:4

haxtoke saxziak alai angkya tamchu pünzuae pünziak laimo alai angkya hanpakma otutu ma kue zangwat ajoüi.

JUHAN 15:11

“Ku mongmüi hünzom ma naxngo; ija a hünzom mongmüi okho angui angkya kuxma; ibibi kax kue hünzom füi akaxdaoa.

KAXHO MÜIKYA LUK 15:32

Ikoxle keme mongmüi laxle fongkha angkya olom changle, chemthüikoxle hünnao zidaokya, ikoxle athax azangle tüile; chix maxle ngokya, athax chix atakdaoa.’”

JEREMIA 31:28

Kue hwom file awüt, bele athai, tswonle awüt, amale awüt, ilaxlechu atsunle chang ang kue chemle mongkoxle mokdaopuix, ilailaile hwom küi-thwom ang tamchu zingle ajong ang kue mongkoxle mok angkya changpu.

ISAIA 65:19

Jerusalem hia she ma tüikya khünaknu khoma ku ngaxchu mongmüi-tungle tüiüi. Ikhato sop-juakya hia fongmix sele akhongkya müntüiüi.

TSAITONG-KAXTONG 28:63

Hünzom ahak-aluale changkya tamchu pu-tsale changkya to chix mongzom chemle müile changpuix ilailaile hünzom olithule tamchu maxle paokya to chix ang mongzom müikya tüiüi. Hünzome kop angkya haxtok angkya hünzom tsaothale faokha to awütüi.

LIWI 26:6

“Kue hünzom haxtok ang mongsom koxüi, ilaxle hünzom owa thua zakya chitüile mikngüt müile jip ang kopüi. Hünzom haxtok angkya müima-nyaxshixbu pao ang tsanüi, tamchu tütue chu chaxpwon-zanlekya müntüiüi.

ZEFANIA 3:17

Jowanpa nang Zang nang füi tüile; chixtsak chix ong makhange nange lüt ang tomüi. Jowanpae nang füi mongzom müikya tüiüi, ilaxle chix mongkün makhange chixe nang ang tsün hozün koxüi. Chix ang nang füi mongmüile tsaingaoüi,

ISAIA 62:5

Naosün tuitae chix tuinu ang naochasa laxkya ningle, Nange owae zingle alaipuix chixe wüi nang füi aju-asomle changüi. Tuipa tuitae ma tuinu füi chemle mongzom müipuix, Ija lailaile nang Zang chuwüi nang füi mongzom müiüi.

TSAITONG-KAXTONG 30:8

Ilaxle hünzome anyix kue hünzom ang koxle ngokya kaxtombu thomüi ilaxle Jowanpa kax ma laxle tüiüi.

JEREMIA 31:27

“Ku, Jowanpae akaxpu, kue Israel hia Judah haxtok pangwüi khünaknu hia müibue awangle chang angkya hanpak nguile ngole.

TSAITONG-KAXTONG 7:14

Chaxwannu ma hünzom lailaile tüle mohimankya jat-li owa jat-li chu müntüiüi. Hünzom owaechu chichangba hünzom tsom-pom chemchu oling ang achang ang müntom.

ISAIA 62:4

Nange ang “Awütle thomkya”, le münnyaküi, Chichangba nang haxtok ang “Awüt thomkya kakonu”, le münnyaküi. Nang ang fakya mün hozün a “She füi Zag mongmüikya tüile”, le changüi. Nang haxtok ang “Mongmüi-Pwonlale aju-asomkya”, le nyaküi, Chemthüikoxle Jowanpa ang nang füi mongzom müikya tüile, Ilaxle chix a nang haxtok bama tuipa tuita ang achangüi.