TSAITONG-KAXTONG 30:4 - OTSAO BAIBEL (BSI)

⁴ Hünzom chaxwannu haxtua-zangnam nok to ngole asu koxlechu, Jowanpa hünzom Zang-e pangwüi athüt ang tomüi ilaxle hünzom haxtok to tamchatle apüiüi.

TSAITONG-KAXTONG 30:4 ပူးပေါင်းရင်းမြစ်များ

NEHEMIA 1:9

Ikoxlechu hünzom ku hato künlop-monglüile janghüi tamchu kue kaxtom fakya kax ma laxle jangmok thüiningle, hünzom chaxwan tok to chiakle tüikoxlechu, kue hünzome zangshwom angkya hanpakma zünle thomkya onui to hünzom tamchatle ngui ang tomüi.

ISAIA 43:6

Shuakuxchi tokyabu füi kue hwom danle achat angkya kax koxüi ilaxle shuathongchi tokyabu ang hwom kople taxthomle akaxüi. Tsailo to ngokya Ku khünakbu ngui ang tomkox, chaxwannu nok pangnukha tokya wüi a.

TSAITONG-KAXTONG 28:64

“Haxtua-zangnam kaochi makhange kaochi kople, chaxwannu okhui apongle, Jowanpae hünzom pangnu jat-libu khato chiakle asamüi.

MATHI 24:31

Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

MARK 13:27

Ijama chix kaxtaimixbu apaoüi ilaxle tüchikao chaxwannu shuk makhange tüchikao zangding tua alople, Zange kamle thomdaokyabu ozong ali tokhange asoxüi.

ISAIA 27:12

Ija nyix, Eufrat makhange Ijip nok longzipong alople, Jowanpae tuita füima tuitale chix khünaknu süile asoxüi; ija a owawae otsa hia wonglai saxtsang süikya ningle changüi.

ISAIA 48:20

Babilon angkya paolax, mongtex ma paolax! Kaxho müikya mongmüile apukkox, “Jowanpae chix da Israel sündaoa!”, le pangnue tsingang laxkox.

ISAIA 62:11

Jowanpae zangfang pangnu hato tsingang tomkya nax-tik ang: “Jerusalem angkya khünaknu füi akaxkox Jowanpa a hünzom khosün ang, Chixe sünle kopdaokyabu chix füi tomle laxlaxle.”

JEREMIA 8:3

Ija ochax jat-li angkya khünaknu opang ozün ma atale tüilaxpuix, opang kue hwom chiakle asamkya haxtokbu to ozün ma ngole tüilaxpuix, hwome ozün ma ngokya füi zisele wüi süchongle texüi. Ija kax, Jowanpa Khüthak Zang, kue akaxdaoa.”

JEREMIA 31:8

Kue hwom a shuakux chitokya apüiüi ilaxle haxtua-zangnam tokya kue asox-atomle changüi. Miksut hia chafaibu ngaxchu hwom füi tomle nguiüi, naowok hia nao ngüntu nguile tüikyabu chuwüi nguiüi. Hwom a chongkya jat-li tuita ang nguiüi.

1 WANGHOMBU 8:34

zangkangting tokhange hwom to lanlax. Nang khünaknu thaikya ochaxbu alakkya tüikox, ilaxle nange hwom pupa wom ang koxkya haxtok to hwom tamchatle apüikox.

2 PUKAX-PANGAO 30:9

Hünzom Jowanpa hato chatle jangchang, hünzom haxnu-homsabu zanda ang koplaxle paole thomkya khünakbue hwom to chingchajajale changüi ilaxle hwom a hom to chat ang danüi. Hünzom Jowanpa a mongkün hia chingcha füikya Zang changpu, ilaxle hünzom chix hato chatle janghüi, chixe hünzom a ponglekop angkya changle.”

EZEKEL 36:24

Pangnok jating tokya kue hünzom chatle hünzom chaxwan to apüiüi.